ملحمة الامير : عبدالله بن نادر

[معلومات العضو نادر فهاد بن نادر]

قصيدة الأمير / عبد الله بن نادر المشهورة بتاريخ 1340هـ تقريباً

وسوف تورد القصة كاملة والخاصة بهذه القصيدة التي كانت روعةً في تسلسل الاحداث

أول جـوابي طلبتي ذكر الله=وأنا دخيله من عذاب النار
أنا دخيله من عذاب جهنم=وأساله الجنه مع الأبرار
البارحة هيظتني يامـاجــد=ودموع عيني كنها المطار
يشدي مخال في عقابه بارق=وبله حقوق للوعر دفار
من كلمة يا ليتها من جاهل=يا ليتها مـن واحــد عيــار
من طول غربتنا ندور لعزنا=لاحــن جمــا ميــــلٍ ولادوار
الهون ما يصبر عليه مجرب=لاعـاد لـه عـز ولالــه كــار
أتلا العهد بديارنا يوم علمنا=حامينهــا من فشــلة ودمـار
توجد علينا كل يومٍ يزلها=وحـن سـترهــا لاعسمت لشـوار
سلامي عليهم عد ما هـل بارق=سلامـي على شيبــانهــم وصغار
يا طول ماحنا شيوخ وسطها=واليوم ننشد من الطروش أخبـار
ياما حضرنا دونها من عجه=قــول بـلا فعــلٍ علينـا عــار
وياما لطمنا وسطها من عايل=نشــق ونـرفــاء والـلـه الغفـار
ياما حملنا من النوايب وسطها=لامــل خــاطـي واحــدٍ جظــار
ننقل مع الحمل الكثير وساطه=نصـبر إلى عــاد الحـمـول إكبار
وياما هجينا وسطها من جايع=تفــرح بنــا ظيفــانــها والجـار
ويما عبينا وسطها من كرامه= تلقــاء لهـا تـالـي النهـار كتـار
وياما حضرنا وسطها من برزه=شـن بالخفـاء منا وشـن اجهــار
وياما طمرنا وسطها من زله=أفـوز بهـا مـا هـي علـي أ بعـار
بلادنا حامينها يوم القنا يقرع القنا=بمـشـوكٍ مـطـيـاره الفقــار
في شف أبو تركي جفينا بلادنا=من حــده الـلـه للغــرب صبـار
اللي خذا نجد من الشام لليمن=وصــل الـزبيـر ورســمـه بثــار
راعي عمان ما تهنا بنومه=ايفــز لامــن شــاف عــج ثــار
يذل من ليل يجي مثل ماجرا=معــاد يرقــع فـي القــدر لبصــار
ومن الحجاز الى الكويت انحدر=واخذ الحساء هو والقطيف اجهار
خليتنا رسم الوضيحي مجنب=شمنا جنوب والشمال ايسار
ثمانية أيام على السير والسراء=ومن عقبها كتن بنا المحدار
وردنا على يبرين لاسقي جاله=قدهــي تضــالع من الحفاء جمـار
وردتهـا مـــن عقــلة لعقـلـه=ماني بمفلول جــداه ثبــار
العز لامن البحر حال دونه=جـيـنـاه مـا حنـا حـمـا يـم دار
سرنا وسيرنا على كل ديره=هـواء النفـس معهـا ودهـا تختـار
اخترتنا الشيخ المسمى عيسى=سهيـل اليمانـي مـا غــواء المختار
يا شبه عدٍ بياناتٍ علايمه=يفــداه عــدٍ مشـربه قطــــار
كم غرقت يمناه مالٍ ونعمه=ما علقه فـي دفـتر التجــار
ياما عطاء من سابق معلومه=ويامـا عــطـى مــن قــرح ومهــار
وعدا سلاطين الدول من ديرته=وبالــعشـر نـزل مـركـب الكفــار
عليه حرار بيناتٍ فتوحهم=عـدو عـلـى طـلـع المــراجــل كــار
مثل ألأسود الي ربو وسط هيشه=بـمـصــقــلات حــدهــا جــوار
عندي لهم البيضاء مع كل ساير=وغناء المغني بــه خفــى وجهــار
صــلاة ربـي عـــد مـانـاض بـارق=واعــداد حجــاج رمــو بجمــار

رحمه الله واموات المسلمين أجمعين

 

 

 

 

[معلومات العضو الهول الودعاني]

ابن العم نادر بن فهاد سلمت يمينك يالقرم على ايراد هذي القصيده ونقلها لنا
والله يرحم الامير عبدالله بن نادر ويرحم جميع اموات المسلمين
تقبل احترامي وتقديري

 

 

 

 

[معلومات العضو مبارك الخييلي]

نادر أبن نادر



حي الرجال وحي ماجاب


صح ألسان الأمير عبدالله بن نادر


ورحمه الله وأسكنه فسيج جناته



والشكر موصول لك أخي الكريم لنقلك هذه الأبيات وهي من تراث الأجداد


تقبل شكري والمرور

 

 

 

 

[معلومات العضو نادر فهاد بن نادر]

الآخ اغالي الهول الودعاني صباح الخير تشرفة بمرورك وتسلم يمنيك ياكحيلان

 

 

 

 

[معلومات العضو نادر فهاد بن نادر]

الاخ نايف الخيلي مشكور على التعليق الجميل ومجرد مرورك يعني الشي الكثير تحياتي لك مرة اخرى

 

 

 

 

[معلومات العضو رائــــــــــد]

نادر فهاد بن نادر
بيض الله وجهك يالقرم
على نقل هذه القصيدة الرائعة
ورحم الله قائلها الامير
عبدالله بن نادر

تقبل مروري

 

 

 

 

[معلومات العضو نادر فهاد بن نادر]

عزيزي الا خ رائد صباح الخير تشرفة بمرورك وأشكرك على هذا الاطراء الجميل منك فلك كل الشكر

وتقبل جل احترامي

اخوك
نادر بن فهاد بن نادر

 

 

 

 

[معلومات العضو حد السيف]

اخي العزيز نادر فهاد بارك الله فيك على ايراد هذه القصيده ورحم الله الامير /عبدالله بن نادر

 

 

 

 

[معلومات العضو المهلب]

أخوي الكريم الأمير المنعور/ نادر بن فهاد بن نادر ,,,,,(صباح أومساء الخير ,متى ماقريت الرد) ,,,,,حي الرجال اللي على الطيب وافين = وحي الرجال اللي يشرف نباها , مرحبآ تراحيب المطر ,,,,,,,والله العظيم أني تبنجت من طيب القصيد ه وطيب راعيها , أمير الصحراء / عبد الله بن نادر , هذا الأمير الذي سجل له التاريخ صفحات من المجد والسياده , وقد ذكره العديد من الرحاله والمستشرقين وكتب التاريخ الوطني مثل كتاب أصدق البنود في تاريخ ال سعود وغيرها , وهو شخصيه نادره جديره بالدراسه لما له من صفاتٍ شخصيه وأخلاقيه وقياديه آسره , فرحمه الله رحمة واسعه وأسكنه فسيح جناته ,,,,,,,,,وتقبل مروري وتقديري

.

 

 

 

 

[معلومات العضو فهدالمحيسن]

يعطيك العافيه

 

 

 

 

[معلومات العضو فتى الوداعين]

مرحبآ تراحيب المطر ,,,,,,,والله العظيم أني تبنجت من طيب القصيد ه وطيب راعيها , أمير الصحراء / عبد الله بن نادر , هذا الأمير الذي سجل له التاريخ صفحات من المجد والسياده , وقد ذكره العديد من الرحاله والمستشرقين وكتب التاريخ الوطني مثل كتاب أصدق البنود في تاريخ ال سعود وغيرها , وهو شخصيه نادره جديره بالدراسه لما له من صفاتٍ شخصيه وأخلاقيه وقياديه آسره , فرحمه الله رحمة واسعه وأسكنه فسيح جناته
_ _____--________--__--__-_-_-_-__--_-_-_-_-____-

الاخ نادر بن فهاد بن نادر بيض الله وجهك والله انا قالو لي عنها وعزالله انها ملحمة بينة المعاني الكثيرة التي قد يجلها الغير ولو تمعنت معانيها فلها الكثير اخي نادر انا سمعت هناك أكثر من سبعين قصيدة للامير عبدالله بن نادر وعن المخطوطات التي تحتفظ بها فلاتبخل اعذرني على النأخير فأنا كنت في رحلة علاجية مع الوالد اطل الله في عمره تقبل مروري

فتى الوداعين

 

 

 

 

[معلومات العضو راجــع]

كفو والله يا ابن نادر .... وأفعال أمير الصحراء لاتحتاج لبراهين وأشهرها المكان المسمى في نجران بأسم {ركب ابن نادر} وهي معروفه الى الان بهذا الأسم .... وأرجو أن تذكر سالفة ركب ابن نادر لأني اسمع فيها ولا اعرف قصتها ... تقبل تحيات قلبي و راجع ...... من جديد

 

 

 

 

[معلومات العضو متعب بن ناصر]

لاهنت على نقل هذه الابيات وبيض الله وجهك....

 

 

 

 

[معلومات العضو يحيى الودعاني]

الله يرحمه و يسكنه الجنه


لا هنت على نقل هذه الرائعة

 

 

 

 

[معلومات العضو فتى الوداعين]

ونعم والله بخوالي صعبين الشكامي