ما عاش من يخليك خادمه يا ميتي

[معلومات العضو شيهانه على كف صقار]

حسبي الله ونعم الوكيل

يـا ليتنـي خدامـة بيـن اياديـك .. من شان اشوفك كل يوم برضايـا*
(ماعاش من يخليك خادمة يا يمه)

هذي قصيده مؤثرة لأم تشكي حالها بعد ان وداها ولدها (الله يهديه) للمصحه

(دار العجزه) او كما يقااال ( دار النسيان) والبيت أعلاه يبكي حتى القلب القاسي

اترككم مع القصيده


وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

 

 

 

 

[معلومات العضو ابن قرنين]

	وان مت لا تبخل علـي بدعاويـك .. واطلب لي الغفران وهـذا رجايـا وامطر تراب القبر بدموع عينيـك .. ما عـاد ينفعـك النـدم والنعايـا

	يأختي شيهانه بيض الله وجهك على المشاركه المتميزه وجعلها الله في موازين الحــــــســــــنـــــــات

 

 

 

 

[معلومات العضو لين]

يالله كم ينقبض قلبي عندما أفكر مجرد التفكير بأن هناك من من الممكن أن يفكر مجرد تفكير بمعاملة أمة بهذه الطريقة خاصة في مجتمعنا المسلم الذي فيه بر الوالدين من أهم الوسائل للفوز برضا الله.

وحسبنا الله ونعم الوكيل
(ماعاش من يخليك خادمة يا يمه)

تقبلي تحياتي وأحترامي