عاصفة احساس جارف

[معلومات العضو عبدالله الحافر الغييثي]

قصيده رائعه اعجبتني وحبيت انقلها لكم وهي لشاعرة رمزة لاسمها/ جنون الشعر

يا غيابه / خف عن قلبي شوي=لو خطا قلبي .. بحقـه اعـذره
كيف اعاون قلبه القاسي علـي=ما قصدت اقسا ومنك المعـذره
لا قصدته كم يسمعنـي حكـي=كنه ابشوفي غصيـبٍ يَحضـره
و المصيبه لا طعنت انسان حي=و اندفن حبك بجـوف المقبـره
هذا و الهقوى تحن / و ارتجي=لا رأيت الشوق يمـك تبصـره
كم طعنونٍ يتركن فـي و يـدي=تحتوي دمي بـأرض المحبـره
آه من جرحن تعلمتـه و فـيّ=نزف دامـي لا نسيتـه اذكـره
كيف بالله يندمل جـرحٍ شقـي=اعذب احساسك و روحك خنجره
لا تظن ايروح من شكواه/ شي=ما نسى قلبـي لـزومٍ يثـأره
لا خلا مِنك و لا جورك / و بي ّ=عاصفة احساس جارف مَكبـره
في ثنايا الليل يهتـاج و يضـي=من جنون الوقت ينفـث اكثـره
و التقي بالنفس بالعمر اتعـدي=تسحبه اضغاث عمرن مغبـره
كم يعيبوني علـى حُـبٍ وفـي=يوم هالكلمة وصوفٍ ضامـره
مو خطاي ان كان لي قلبٍ ندي=كم تمنى الخير كم هـو يبـذره
ينتظر يوم الحصاد الي عصـي=ارتجى شوفه و لكن / بعَثـره
و انثره مطعون و الفاه ايحبـي=و الضحك صداح وسط الجمهره
و انا ما اكظم جنوني و اكتفـي=بالسكوت اليوم عنـه مُجبـره
غير اني .. مثل هالدنيا .. ابي=اضربه في مقتلٍ/ ثـم اكسـره

 

 

 

 

[معلومات العضو فالح بن فهاد]

خميس الغييثي لاهنت يالقرم على النقل المميز

 

 

 

 

[معلومات العضو عبدالله الحافر الغييثي]

هلابك يالامبراطور شرفت القصيده وراعيها فالك البيرق ومافيك حيله

 

 

 

 

[معلومات العضو ابو المثنى التركي]

لا هنت يالغالي

 

 

 

 

[معلومات العضو مبارك الخييلي]

أبو مطر الغييثي

صح اللسانك


وتسلم يمينك ولا هنت

بيض الله وجهك علي جهدك الطيب

 

 

 

 

[معلومات العضو أبونواف الدوسري]

لا هنت أخي خميس الغييثي

علي هذا النقل الجميل

 

 

 

 

[معلومات العضو عبدالله الحافر الغييثي]

هلا وغلا والله بالكل والجميع وان شاء الله يقدرنا ربنا ونقدم مايحوز على اعجاب الاغلبيه لان من الصعب ارضاء الجميع ولاهنتوا تحية وتقدير