قصيدة للشاعر عبدالعزيز بن مفلح الجيعان الغييثات (رحمه الله)

[معلومات العضو ابومفلح الجيعآن]

هذه القصيدة للشاعر عبدالعزيز بن مفلح الجيعان الغييثات (رحمه الله) من سكان محافظة الدرعية عندما فقد أحد الأبل الأعز المهدى له من أخواله أهل حوطة بني تميم وكان يلقب الجمل بـ ( زريق ) .
بحث عن الجمل فلم يجدة فأستجار بأبن عمه خالد بن حويل الجيعان الغييثات فأنشد هذه القصيده .
أشكي على خالدٍ ولد الجواعين
وبعيرنا ضاع وسط المهمهيّــه
عليه وسم الحواطى من رجاجيل
وأنا وسمته بعد عصب علـيـّه
يا خالدٍ شاب راسي من مداوير
يا خالدٍ وش تشوف اليوم فيّه
ودي تروح قعود من مغاتيـــــر
وإلا يا طير الهوى رده عليّـــه
ترى القعود زرقٍ ولد المجاهيم
عليه حلقة ومطرق بالسويّــــه
ومّا زهمت الحضر ويا الوداعين
وانكان ما شفت أنا منكم حميّه
تكفون يا لابتي يأهل المغاتــير
قوموا على العفن يومه طمع فيّه
قل ذاك أخوكم ولد الجواعـين
ما عاد يمرح بعد عينه شقيّـــه

فرد عليه إبن عمه خالد بن حويل الجيعان بقصيدة ولم أتمكن من جمع تلك القصيد كاملة سوى هذه البيتين .
أحضروا وأقروا كتاب ابن جيعان
راعي البعير وكز خطة عليّــــه
يا مرحبا ترحيبةٍ ببرهـــــــــان
ومرحبٍ بالترحيب روحه وجيّه

 

 

 

 

[معلومات العضو رفيع النفس]

صــــــــــــــــــــح لســــــــــــــــــــانك

 

 

 

 

[معلومات العضو غييثي]

مشكور يابو مفلح ورحم الله الشاعر

 

 

 

 

[معلومات العضو ابومفلح الجيعآن]

صح بدنك اخوي رفيع النفس
ؤعيدك مبارك وكل عام وانت بخير

 

 

 

 

[معلومات العضو ابومفلح الجيعآن]

لاهنت اخوي غييثي وعساك
من عواده يا الغا لي

 

 

 

 

[معلومات العضو سعد هذال آل جيعان]

صح السانك يا ابو مفلح

اخوك \ سعد ال جيعان