ال شبر !!!!!

**معلومات** **العضو** · 27-05-2007, 10:32 PM

السلام عليكم ورحمة الله وبركاته

ياريت احد من الدواسر يرد على سؤالى هل قبيلة الشبر تنتمى الى الدواسر او اى حد يعرف عن الشبر

اى معلومه يفيدنى ولكم جزيل الشكر

**معلومات** **العضو** · 28-05-2007, 05:12 AM

اين يسكنون ونريد معلومات اكثر عنهم

لاني لم اسمع بقبيله بهذا الاسم الااذا كانو اسره

نريد اين يسكنون في اي المناطق ونعطيك الجواب

**معلومات** **العضو** · 28-05-2007, 10:05 AM

اللي اعرفه ان الشبر يعنزون أنفسهم الى الشرافا الدواسر

ولكن ليسوا أصيلين بل موالين للدواسر

تحياتي

**معلومات** **العضو** · 28-05-2007, 12:29 PM

فيصل

اخى الكريم هم كانو يسكنون فى حوطة بنى تميم والحين معروفين فى الرياض

منذر بن رشود

قصدك انهم مش من الدواسر

ومشكورين على تعاونكم وياريت اشوف ردود اكثر

**معلومات** **العضو** · 28-05-2007, 06:16 PM


	أختي العنود 90 أولا أحب أرحب فيك في منتدى قبيلة الدواسر الرسمي وبالنسبة لإستفسارك كنت أتمنى إني أقدر اساعدك ولكن للأسف لا املك أي معلومة بهذا الخصوص إن شاء الله الأخوان والأخوات اللي عندهم أي معلومة ما بقصرون عليك ........... تقبلي مروري ،،،،،،

**معلومات** **العضو** · 07-06-2007, 02:27 AM

السلام عليكم صباح الخير على الأخت العنود وجميع الموجودين بالنسبة للي أعرفه عن أسرة آل شبر والشهادة لله أنهم من بني خضير وهم أخوان للدواسر ( ملاحظة : اذا كان الموضوع فيه زواج ترى أخوك يدور)

**معلومات** **العضو** · 07-06-2007, 11:41 PM

بنت القبيلة

مشكوره الشيخة على الترحيب

سديد الرأي

مشكور على تعاونك

وياريت اشوف ردود اكثر

**معلومات** **العضو** · 08-06-2007, 08:15 PM

الشبر عائلة طيبة واهل علم ويرجعون الى بني خضير ( 110 )

**معلومات** **العضو** · 21-06-2007, 04:02 AM

الشبر من وفي حوطة بني تميم...ليسوا قبيليين...

**معلومات** **العضو** · 08-12-2007, 08:11 PM

السلام عليكم وأنا أشهد والشهادة لله أن عندنا حمولة ( آل سفر ) حمولة طيبة ولهم قيمة وهل خير ودين وشعر ومال وهم هل خيل وإبل وهذي ما تجتمع ألا في رجال ، وابوي يحفظ بعض أشعارهم وسأل عنهم ابن عيسوب الله يرحمه وقال ( هم من آل شبر هل أصول عربية عريقة وأهل شجاعة وكرم ) وذكر بعض قصصهم ، وأنا أقول حقهم علي ثنتين :
الأوله : أبي الشيخ فهد بن سفر يراسلني على إميلي (a.wax.2@hotmail.com) أعطيه ما أعرفه وأدله على بعض الوثائق اللي تفيده ، أو اللي يعرف جواله يرسله لي .
الثانية : هذي قصيده قالها ابن نزهان في جدهم سفر بن راشد وسفر بن عبدالله واعتذار منه للأمير مترك العجالين رحمه الله ( أبو محمد ) ، وأنا أذكر بعضها واعذروني عن الباقي :

قم يا عبيّد قرب الحبر ودواه * أكتب سلامي واعتجل والهمامي
واكتب ونصه واحدٍ لا عدمناه * سفر بن راشد بلغه في سلامي
بالعون راعي قيل ما تاه معناه * لا من بغى قول فقوله تمام
لامن بغى يبدع جوابٍ تنقاه * ياخذ ويبدع من غزير الكلام
إلى أن قال :
سفر بن عبدالله ترى مانسيناه * قول على فعل عداه الملامي
راعي الطَرَف ما بالركايب تعداه* وابشر إلى جيته بكيفه ولامي
أبوه من قبله على الطيب عداه* هو ذخرنا لاجا نهار الزحامي

إلى أن قال للأمير مترك رحمه الله معتذراً ولاأدري وشهو معتذر عليه فلعله مسافر ومبطي ما شافه :
رابع شهر يا بومحمد ورجواه * والعين تسهر ما تذوق المنام
والختم من صوب الحبايب وماجاه * ولا جاه مرسول يرد الملام
إلى آخر القصيدة ... وعبيد اللي في أول القصيده هو : عبدالله بن زيد الدكان

**معلومات** **العضو** · 12-12-2013, 10:59 AM

وعليكم السلام ورحمة الله وبركآته، عندنا بالافلاج ابناء سفر بن راشد. واللي اعرفه انهم من الساده الاشراف من ذرية السيد محمد بن يوسف بن إبراهيم بن موسى بن عبدالله بن الحسن بن الحسن بن علي بن أبي طالب الهاشمي القرشي، اتمنى اكون افدتكم ، والله يوفق الجميع لما يحب ويرضى..

**معلومات** **العضو** · 16-12-2013, 01:40 PM

يالربع السؤال عن عائلة آل شبر وليس أل سفر !

شكراً لكل من أضاف معلومه ..

الذين يشاهدون محتوى الموضوع الآن : 18 ( الأعضاء 0 والزوار 18)

		منتديات صحيفة وادي الدواسر الالكترونية