الأمير/ ناصر المبيعيج الودعاني

**معلومات** **العضو** · 12-04-2005, 03:24 AM

الفارس الأمير/ ناصر المبيعيج الودعاني تغمده الله بواسع رحمته
ومن المناسبات القديمه معركه مشهوره اعدها عامر بن بدران رحمه الله علي قبيلة سبيع فعمل خطه للمعركه فوضع خط ان لايتحرك الجيش الابامره فبعج الخط ناصر فسمي المبيعيج فجرت المعركه فلم انتهت المعركه بنتصار الدواسر رحل الضمين إلى سدير بسبب مخالفة الجيش لامره ,

وقد قالت وسيم العامريه في هذه المعركه بعد ان قتل اخوتها التسعه وبنوها السبعه

القصيدة قاله المبيعيج ناصر عندما رحل الضمين عامر بن بدران رحمه الله من وادي العقيق (وادي الدواســــــــر )

ياسدرة المغنى اللي على مشرع الصفا=فـي جـال مخضر جنـاب( قـرون)
بنشدك ماشفتي هل الجـود والصخـا=اللـي لهـم كـود الأمـور تـهـون
شدوا وخلونـي أجـاذب هضايمـي= تحملت مـن كثـر الغبـون أغبـون
ونيـت ونـات تحطـم لهـا الحشـا=وهلـت غزيـرات الدمـوع عيـون
أقفو وأنا عينـي تخايـل أضعونهـم=ضعايـن قفّـت تلاهـا أضـعـون
اقفوا هل الشيمـات يـادار وانتحـوا= الى ويـن يـا وادي قـرون يبـون
اقفـو كمـا نـوٍ حقـوقٍ مخايـلـه=وبلـه وبـرقـه للـعـدات مـنـون
مـع البيـدا تـبـارى اضعونـهـم=يقـودون طوعـات الرقـاب بهـون
لاكـن أرقـاب الزايديـات بالحـن= رقـاب المهـا لولادهـن أصـفـون
يتلون نزال الخطر مرهـب العـدى= عامـر لصعبـات الأمـور زبـون
خالـي ولا غيـره عزيـز رجيتـه= أرجيـه رجـو الممحليـن قــرون
ان صـاح صيـاح نذيـر لقيتـهـم= على سروج طوعات المهار يجـون
ترعى بهم جـرد الرقـاب و تنثنـى= ولهـا صهيـل المرهفـات الحـون
لاكن خرير الدم من ضـرب شلفهـم= كما ناضح الما مـن عيـون شنـون
ياليتنـي معهـم علـى كـور وجنـا= ويبـرى لهـا وقـم الـربـاع ودون
من عقبهـم يـادار لا علـك الحيـا= ولا أخـضرت بك بالـسنيـن اغصون

أيضاً كان أحد أبناء ناصر المبيعيج الودعاني يلعب مع ولد جاره يوم عيد الاضحى وكان طفلا وقد شاهد ابوه وهويذبح ضحايا العيد فاحب ان يقلدة وقال لولد جاره وهو يلعب معه تريد اوريك ويش ابوي يسوي بالضحايا
قال نعم فقال نم على الارض واخذ السكين وذبحه به فخرجت ام الطفل المصاب وشاهدت ابنها وحاولت انقاذه ولكن النزيف ارهقه وتوفي على اثر ذلك ولم يكن هناك اطباء ولا حالات اسعاف وسمع ناصر المبيعيج الصوت والصياح فخرج وشاهد ابن جاره ينزف دما فسال عن الامر فقيل له ان ابنك هو الذي فعل هذا الفعل وذهب يبحث عن ابنه فوجده عند امه وحاولت منعه من اخذه فنهرهافذهب به وذبحه على جثة ابن جاره وقال لزوجته اخرجي ابكي مع جارتك فقال الغوينمي في قصيدته (مصلحة)المذكوره في منتدى الشعر العام بذكر فعل ناصر المبعيج:

قل لهم جرا منكم ثمـان سوالف=كل(ن) يصـــدق قــــايل(ن) لاقـــــــالها
الأوله منها المبيعيج نـاصــر= زلّـــت غــرير ســـببت لاجــــــالها
جـره عليه ولاط حلـقـه فوقـه =وقــال الـثيار حـــلاتها عجــــالها

**معلومات** **العضو** · 12-04-2005, 03:47 AM

رحم الله الامير ناصر المبعيج واسكنه فسيح جناته

وللعلم فهو جد اغلب قبائل الوداعين الم يكونوا جميعهم

تقبل تحياتي،،

**معلومات** **العضو** · 12-04-2005, 12:16 PM

الله يرحم الامير الشاعر ناصر المبيعيج

بيض الله وجهك ياتركي على القصص والقصيد

دمت متألقا ،،،،،،

**معلومات** **العضو** · 12-04-2005, 12:27 PM

السلام عليكم ورحمة الله وبركاته

أخي العزيز ( تركي الودعاني )لا هنت على سالفة الأمير المبيعيج . وعلى فكرة زيادة على كلام العماني ترى ناصر المبيعيج يجمع الوداعين كلهم فهو ولد ودعان الوحيد ويجمع وداعين السليل والوادي ( الأصيلين ) ....

والله أعلم .

أخوك :- الهيلاني .

**معلومات** **العضو** · 12-04-2005, 02:17 PM

الاخ تركي الودعاني بيض الله وجهك على السالفه والقصيده

والفارس ناصر المبيعيج صيته نار على علم.

والله يبارك في ذريته.

فهد الغريري....

**معلومات** **العضو** · 12-04-2005, 03:28 PM

بشرا غدا عنـد المبيعيـج ناصـر= غدا بينهم يوم اختـلاف الوعايـد

ونعم الفارس الفحل ناصر المبيعيج

لاهنت يا تركي وعلومك غانمه

**معلومات** **العضو** · 12-04-2005, 04:54 PM

بيض الله وجهك ياتركي الودعاني

على ماذكرته من بعض سيرت الفارس ناصر المبيعيج جد الوداعين

**معلومات** **العضو** · 12-04-2005, 06:38 PM

لاهنت يابن العم

والله يرحم جدنا ناصر ويرحم موتى المسلمين

**معلومات** **العضو** · 12-04-2005, 10:30 PM

العماني لاهنت علي مرورك يالسنافي

**معلومات** **العضو** · 12-04-2005, 10:34 PM

وجهك ابيض يالبراق ولاهنت يالغلاي علي مرورك

**معلومات** **العضو** · 13-04-2005, 02:10 AM

اخوي الهيلاني مشكووووووو يالغالي علي مرورك

**معلومات** **العضو** · 13-04-2005, 02:58 AM

ويري خبلان ترحموني وانا حي هاهاهاهاهاهاهاهاها just joking

الله لايهينك ياتركي وبيض الله وجهك

وعلى فكرة المبيعيج جد الوداعين كلهم الاصيلين سواء من الوادي او السليل

**معلومات** **العضو** · 13-04-2005, 03:07 PM

الله لا يهينك يا تركي

وبيض الله وجهك ووجه رجال انت من عقبه

و الله يرحم الامير الفارس ناصر المبيعيج

ويبارك في ذريته والعارف لا يعرف فذكره شامخ

اخوك في الله

محمد الغريري

**معلومات** **العضو** · 14-04-2005, 12:19 AM

لاهنت يالهيلاني على التوضيح

تقبل تحياتي،،

**معلومات** **العضو** · 14-04-2005, 01:56 AM

السلام عليكم ورحمة الله وبركاته

1- الأخ العزيز ( تركي الودعاني ) لا تشكرني أخي الكريم الشكر لك فقد أعجبني الموضوع وأفادني عن شيخ وامير من الأوائل القدماء . أكثر لنا من هذه المواضيع وأشكرك مرة أخرى .

2- الأخ العزيز ( العماني ) ولا هنت أنت على أهتمامك بجميع المواضيع ( ومتابعتها ) فهذه من ميزاتك التي تعودنا عليها . وأسعدني أستفادتك من التوضيح البسيط الذي قدمته والذي يدحض الأفتراءات القائمة بأن هناك أختلاف بين وداعين السليل والوادي . تقبل مني تحياتي .

أخوكم :- الهيلاني .

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اللقاء التاريخي مع الأمير علي بن محمد بن وقيّان أمير قبيلة الغياثات	الإداره	:: قسم اللقــاءات والفعاليات والتغطيات الخاصة::	57	17-04-2013 10:52 PM
القرآن لا يغيِّب البسمة !	أبوبندر الحطيم	:: قسم المـواضيع الـعامــة ::	2	09-11-2010 06:01 PM
التغطية المصوّرة (الحصريّة) لزيارة صاحب السمو الملكي الأمير تركي بن طلال بن عبدالعزيز آل سعود لـ الشيخ محمد بن مرّان بن قويد	الإداره	:: قسم اللقــاءات والفعاليات والتغطيات الخاصة::	31	23-06-2010 05:25 AM
التغطية المصوّرة للحفل السنوي الرابع لموقع الرسمي لقبيلة الدواسر بإستضافة الأمير ضاري بن سعد الحطيم بمحافظة الخرج	الإداره	:: قسم اللقــاءات والفعاليات والتغطيات الخاصة::	26	04-05-2010 01:12 PM

الذين يشاهدون محتوى الموضوع الآن : 3 ( الأعضاء 0 والزوار 3)

		منتديات صحيفة وادي الدواسر الالكترونية