شيخة القصيد

[معلومات العضو حبيب بن ناهض]

	شيخة القصيد *** لاقلت اقول وخير ما اقول يالله ياواحدا عبدك عليك اتكاله نعوذ بك من نزغة ابليس واغواه واكتب لنا التوفيق في كل حاله وافرج لمن لذات نومه مقالاه شيا تملمالا وشيا ملاله من هاجسا لالج والتج قزاه بين المحاني يسهره باجتواله ماهوب مشغولا بتجميع دنياه ولاخايفا الجوع يلحق عياله لكن من شيا عليك انت مشكاه وحدك ولاغيرك حدا ينشكاله مااقول انا تايه لكن مثل من تاه تيهة عقل ماهيب تيهة جهالة ودليل صدقي قولتي واحلالاه على نهارا جا نهارا بداله ابكي على هذاك واصيح من ذاه ذاك ابغي لحيقه وذا ابغي قباله هذاك راح بلذته مالحقناه وهذا على عيبه يغطي جماله كل الثنين حشام وعزاز وغلاه ذا ينتعيد له وذا ينبكاله هذاك مرقابا عسير معداه على بعض الازوال عسرا مناله وهذاه روضا راهيا عشبه وماه مخضر ونوقه رتعا مع جماله تسفر على نور القمر في خزاماه في ليل خير مايظلم هلاله ويصبح كحيل معقلا في معشاه ويقاصع الجرة وهو في عقاله وتبقى الرحول ام الدفوف المعفاه تاخذ لها في كل جال اعتكاله جايا لها نيبان وضروس ولهاه وتبغي تعلم في كحيل الفحاله وكحيل في السابق طروقه مخلاه لاضد بالحمل الثقيل ارتكاله لو كان تلحقه اللواحيق وداه وهدود لامن الهداد استواله هذا الذي خلا المعافا يقول اه يون ما احد داريا وش جراله مايدري الا واحدا كنه اياه عليه من وقت الشقا مثل ماله والوقت ماهوب قابلا للمناجاه يصعب جوابه من صعوبة سواله عبر لنا عنه ابو مالك وشفناه شفنا الذي قال بركات بمجاله يقول قلت لناطقي واحذاراه وانا اشهد انه ماكذب يوم قاله والوضع لوجيت اشرح ادناه واقصاه تنايت القصه وصارت طواله لكن عندي منصحة خير ووصاه لابني عسى التوفيق والخير فاله ياعاضه اوح العلم وافطن لمعناه افطن لدقه قبل تفهم جلاله اوصيك في طاعة الاهك وتقواه ترا الحظيظ يحطها راس ماله واعلم ترا من يزرع الطيب يجناه ولا كل رجلا يحمل اسم الرجاله جرب صديقك واعرفه قبل تقناه وليا نصاك الضيف كرم سباله والجار عزه لين تقفي مطاياه وصى عليه اللي بعث بالرساله وحتى ليا منه رحل لاتناساه عند الملمات اجتهد في وصاله واعط الخوي كامل حقوق المخاواه في كل دربا من دروب الجزاله وعانيك جسمك لاتقطع عناياه عاني الرجل يحسب خشير بحلاله وادر ابن عمك لاجل لا احتجت تلقاه ينقل معك حملا تكودك ثقاله ذا قول من يدرا رفيقه ويرفاه ماهوب ينظر له بنظرة هزاله انا اللي اعز ابن عمي ولا اجفاه وحبالي اوصل بها في حباله واصد واصفح عن مية من خطاياه واناقشه مرة مناقش سهاله وابرح طريقه واسبقه واتحراه واحما قفاه من اهل ندس النذاله ولا اقطع عليه الدرب لا صار يبغاه الا ليا منها بدت من قباله فابدي لها بالمال والحال والجاه واقف لها من صدق وقفة شكاله وعقب صبيا بالثمن يصخي اعزاه لا ركبت حبال الغروب المحاله وترا الرجال لهم حلايا محلاه باعطيك عنها نبذة باعتجاله فيهم بليهيا وساعا نهاياه يملك صفاتا من عزيز ابن خاله وحلحيل حلال العقود الملواه ويقسي ليا من المقاسي قساله ويفرج الكربات عمن تنصاه ولاهوب يرجع خايبا من عناله وفيهم مثل خطوى الجزور المرباه ياكل ويشرب لين ياجي زواله طول الدهر يرعا مدامه وترعاه وفي كل علما شورها له دلاله ورجال ماتعرف قباله من اقفاه عايش ومحسوبا على الناس عاله وليا حكا لاهي كبارا حكاياه اهول مهول لويفاجيك هاله واستغفر الله باول العلم واتلاه عدة نبات ارضه وعدة رماله وصلاة ربي عد ماتذكر اسماه على الرسول اللي بعث بالرسالة *** الشاعر / ناصر بن عوضه بن فهم بن جبار ( رحمه الله )

 

 

 

 

[معلومات العضو مبارك بن شافي النتيفات]

صح لسانك ولسانه ولاهنت على النقل

 

 

 

 

[معلومات العضو شافي بن راشد النتيفات]

رحم الله شاعرها

وسلمت يمين ناقلها

 

 

 

 

[معلومات العضو كاسر من الدواسر]

المشاركة الأصلية كتبت بواسطة شافي بن راشد النتيفات

رحم الله شاعرها

وسلمت يمين ناقلها

مشكور على النقل

 

 

 

 

[معلومات العضو محمد مطلق آل بريك]

صح لسانك ورحم الله من قالها

ولاهنت على النقل

كل الود والتقدير

 

 

 

 

[معلومات العضو حبيب بن ناهض]

المشاركة الأصلية كتبت بواسطة مبارك بن شافي النتيفات

صح لسانك ولسانه ولاهنت على النقل

الاخ القدير

مبارك بن شافي

صــح بدنك وبيض الله وجهك على مرورك الرائع ...

ومشكـــــور كل الشكر لك تقديري

 

 

 

 

[معلومات العضو حبيب بن ناهض]

المشاركة الأصلية كتبت بواسطة شافي بن راشد النتيفات

رحم الله شاعرها

وسلمت يمين ناقلها

الله يرحمه ويسكنه فسيح جناته

الاخي شافي جزاك الله خير واشكرك على مرورك المميز ...

تقديري واحترامي

 

 

 

 

[معلومات العضو حبيب بن ناهض]

المشاركة الأصلية كتبت بواسطة كاسر من الدواسر

مشكور على النقل

مشكور على مرورك

 

 

 

 

[معلومات العضو حبيب بن ناهض]

المشاركة الأصلية كتبت بواسطة محمد مطلق آل بريك

صح لسانك ورحم الله من قالها

ولاهنت على النقل

كل الود والتقدير

الاخ القدير

ابو مطلق

صح بدنك وبيض الله وجهك على مرورك المميز

والله يرحمه ويسكنه الجنـــه ...

لك فائق التقدير والاحترام

 

 

 

 

[معلومات العضو عبدالرحمن بن فلاح آل بريك]

رحم الله شاعرها . والشكر لك أخي الكريم على النقل .

 

 

 

 

[معلومات العضو رفيف للتصميم]