مــن اول يـاذيـب تـفــرس بـأيـاديـك000واليوم جـا ذيـبٍ عـن الفـرس عـداك((درر الشريف))

[معلومات العضو بن مشخص المسعري]

يامرقب ٍ بالصبـح عدييـت راقيـك =ما واحـد قبلـي خبرتـه تعـلاك
وليت ياذا الدهر ما أكثـر بلاويـك =الله يزودنا السلامـه مـن اتـلاك
يالي على العربان عمت شكاويـك =وليت يادهـر الشقـا ول مقـواك
واليـوم هالكانـون غـادٍ شبابيـك =تلعب به الارياح مـن كـل شبـاك
يامالك اسمع جابتي يـوم أوصيـك =وإعرف ترى يابوك بآمرك وانهاك
وصيتٍ مـن والـد طامـعٍ فيـك =تسبق على الساقه لسانـه لعليـاك
اوصيك بالتقوى عسـى الله يهديـك =لهـا وتدركهـا بتوفيـق مــولاك
الله بحق اجـدادك الغـر يعطيـك =مرضاته مع ماتمنيتـه مـن امنـاك
احفظ دبشك اللي عن الناس مغنيك =اللي إليا بأن الخلـل فيـك يرفـاك
واعرف ترى مكه ولاهـا بناخيـك =لو تشحذه خمسة ملاليـم معطـاك
اجعل دروب المرجله من معانيـك =واحذر تميل عن درجهـا بمرفـاك
لاتنسدح عنهـا وتبغينـي اعطيـك =جميـع مايكفيـك ماحـصـل ذاك
أدب ولدك إن كان تبغيـه يشفيـك =واستسعفه من بعـد مربـاه بـالاك
أما سمج واستسمجك عنـد شانيـك =ويفر من فعله صديقـك وشـرواك
وإلا بعـد جهلـه تـراه يبـاذيـك =لوزعلـت أمـه لا تخليـه يـالاك
وأحذر تضيع كل من هو ذحرفيـك =معروفه لاتنسـاه وأوفـه بعرفـاك
ترا الصنايع بين الأجـواد تشريـك =اليـا طمعـت بغرسهـا لا تعـداك
واحذر غرورٍ بغبة البحر يرميـك =ولاعنده أفلس من تشكيك وأبكـاك
وأوف الرجال حقوقها قبـل تتليـك =لا نوفيـه بالقـول فالحـق يقفـاك
وهرج النميمه والقفا لايجـي فيـك =وأياك عرض الغافل إيـاي وإيـاك
تبدى حديـث المـلا فيـه تشكيـك =وتهيم عند الناس بالكذب وإشـراك
واليا نويت أحـذر تعلـم بطاريـك =كم واحدٍ نبغى به العرف وأغـواك
وأحذر شماتة صاحب لك مصافيك =والياجـرى جـاريٍ قـال لـولاك
ولاتحسبـن الله قطـوع ايخلـيـك =ولا تفرح أن الله على الخلق بـداك
الضيـف قـدم لـه حيـن يلقيـك =مما تطولـه باقـي الجـود يمنـاك
أكرم إقبالـه فانهـا مـن شواديـك =وابذل له المجهـود مـاذا يعفـاك
أحذر تلقى الضيف مقرن علابيـك =خله محب لـك صديـق إذا جـاك
وأوصيك زلات الصديق إن عثا فيك =مازال يغطاها الشعر فاحتمـل ذاك
راعه ولو ماشفـت أنـه يراعيـك =عساك تكسر نيتـه عـن معـاداك
وأحذر عدوك لوظهر بي يصافيـك =خلك نبيه وراقبـه ويـن ماجـاك
لاتامنه واطلـب مـن الله ينجيـك =ويكفيك ربـك شـر ذولا وذولاك
شفني أنا يابـوك بآمـرك وأنهيـك =عن التعرض بين الإثنيـن حـذراك
إذا حضرت أطلابةٍ مـع شرابيـك =أسع لهم بالصلح والـلاش يفـداك
أبذل لهـم بالطيـب ربـك ينجيـك =ولا تجضع الميزان مع ذا ولا ذاك
أما الشهاده فأدهـا إن دعـوا فيـك =بين عمود الدين لاعميـت أريـاك
بالك تماشـي واحـد لـك يرديـك =طالع بني جنسك وفكـر بممشـاك
رابع أصيل فـي زمانـك يشاكيـك =ولاشاف خملانك عن الناس غطاك
وأحذر عن طرد المقفي حذاريـك =عليك بالمقبل وتـرك الـي تعـداك
ثم العـن الشيطـان ليـاه يغويـك =تـرا أن تبعتـه للشرابـيـك وداك
وأوصيك لا تشكي علينـا بلاويـك =أنت السبب طرفك أعيونك بيمنـاك
واعرف ترا إلى وطا الفهر واطيك =ولا انت أعز من الجماعه هذولاك
المسك ياراسي عن الذل وأخطيـك =واحـذر تكلـم يالسانـي حـذاراك
والطف بجارك وقم من دون عانيك =وأفطن لما يعنيك عن ربعه أخـواك
ياذيب وأن جتك الغنم فـي مفاليـك =فاكمـن اليـن أن الرعايـا تعـداك
من اول ياذيـب تفـرس بأياديـك =واليوم جا ذيبٍ عن الفرس عـداك
يا ذيب عاهدني وأعاهدك مرميـك =مرميك انا ياذيب لـو زان مرمـاك
والنفس خالف رايها قبـل ترميـك =ترا لها الشيطان يرمـي بالاهـلاك
ومن بعد ذا لاتصحب النذل يعديـك =وعن صحبة الانذال حاشاك حاشاك
ترا العشير النذل يخلف طواريـك =وانا ارجي انك ماتجي دون آبـاك
والهقوه انك ماتجـي دون اهاليـك =ولا ظن عود الورد يثمـر بتنبـاك
والحر مثلك يستحي يصحب الديك =وإن صاحبه عاعا معاعات الاديـاك
لاتستمع قول الطرف يـوم يلقـاك =بالكذب يقضي حاجته كل ماجـاك
من نم لك نم بـك ولافيـه تشكيـك =وأيـلاه قـد أزرا رفيقـك وأزراك
عندك حكي فينا وعندي حكى فيـك =وأصبحت كارهنا وحنـا كرهنـاك
ماأخطاك ما صابك ولو كان راميك =وإلي يصيبك لو تتقيـت ماأخطـاك
مير استمع مني عسـى الله يهديـك =النصح يامالـك لـك الله المـولاك
عنـدي مظنـه مـا تمثلهـا فيـك =واطلب لك التوفيق من عند مـولاك

الشاعر الفارس بركات الشريف رحمه الله ينصح ابنه مالك من درر القصائد الشعبيه

 

 

 

 

[معلومات العضو عبدالرحمن الشرافي]

والحر مثلك يستحي يصحب الديك=وإن صاحبه عاعا معاعات الاديـاك
لاتستمع قول الطرف يـوم يلقـيك=بالكذب يقضي حاجته كل ماجـاك

الله ... الله ... الله



اشهدنها درر وحكم


قصيدة في قمة الحكمة والجزالة

ورحم الله .. الشريف بركات..


أبن العم/ بن مشخص المسعري

بيض الله وجهك على نقل هذه القصيدة الجزلة

ومشكووووور على هالأختيار الرائع



ولاتحرمنا من جديدك الجزل


وتقبل فائق التحية والتقدير

 

 

 

 

[معلومات العضو ابومبارك الدوسري]

بن مشخص المسعري

يعطيك العافيه علي هذا الأختيار

وتسلم أناملكـ يالغــلا

تحياتي لكـ

المحبوب

 

 

 

 

[معلومات العضو بن مشخص المسعري]

عبدالرحمـــــــــــــن الشرافـــــــــــــــــي


الحبيب الدوســــــــــــــــــــــــــــري


مرحبا والله مسهلا بكم جميع

نورتو الموضوع بردكم وتعقيباتكم الكريمه

ولكم مني جزيل الشكر والامتنان

 

 

 

 

[معلومات العضو العماني]

بيض الله وجهك يابومشخص على هذا الاختيار الرائع اللي يدل على حسن ذوقك

قصيدة طيبة من درر الشعر النبطي ومليئة بالحكم والمعاني الجميله

لاهنت

تقبل تحياتي،،