على ذيك العراوي تتعب الحادي مع الجمّال ( قصيده رائعه )

[معلومات العضو كلاش]

قصيده قريتها قبل سبع سنوات بدون أسم شاعرها

وأعجبتني وتعجبت كيف مايعرف شاعر هالجزله

وبعدما سألت عن شاعرها قالوا لابن جدلان الأكلبي

لذا زال أستغرابي

يقول صح لسانه..

الا يالله دخيلك لا معي بيجر ولاجوال =ولا عندي وظيفه والتجاره فاشلٍ فيها
ولا عندي شهاداتٍ ولا حرفه تسد الحال=ولا حظٍ كبيرٍ ل .. أخطت الجره يقديّها
مخابي الثوب تومي ما دخلها من زمان ريال=بها فاتورةالكهرب ولايمديني اقضيها
على ذيك العراوي تتعب الحادي مع الجمّال=ثلاث شهور فالورشه وشهرينٍ مغطيها
ابيها لو تجمّل يوم واجلبها على الدلال=يجيها واحدٍ حظه مثل حظي ويشريها
نصيت العسكريه يوم قالوا للنظام رجال=وقدمت الملف وصورةٍ لي كاشخٍ فيها
خذا الاوراق مني واحدٍ ما عند ابوه ادلال=سلوم الناس واهل المعرفه والطيب مخطيها
قراها في دقيقه والتفت عجلٍ علي وقال=شهادتك العظيمه يا ولد وين انت مخفيها ؟!
هزيّت الراس ماعندي تقول اني من البنقال=وقمت احب خشمه واطلبه بالله تمشيها ..
نطلها من يده شين الطبيعه والنبا والفال=وقال ازين تعود صوب خلفاتك تعشيها
تناوشته من الكرسي وعفت الحل والترحال=وضربته فالبياله عقب ما بيحّت شاهيها
خذوني للسجن لا نيب لا ظالم ولا محتال!! =مجرد واحدٍ جا يكحل عيونه فيعميها
ويوم اني خرجت اقفيت ل ..ارض الله وسيع الجال=على برٍ هواه يداوي العله ويبريها
ادور قصعة الجربوع والضب الفتي يختال=والارنب يا شفاة الروح ما احلاها وطاريها
بلا كهرب ولا بيجر ولاثابت ولا نقال=قوانين الحضاره لا تبي شوفي ولا ابيها ..

وأنا أقول الله يرزقه من سابع سماه

 

 

 

 

[معلومات العضو نايف الخييلي]

بـلا كهـرب ولا بيجـر ولاثابـت ولا نـقـال=قوانين الحضـاره لا تبـي شوفـي ولا ابيهـا

فتى مجـــرش


قصيــده رائعه من شخص رائع . ولايستغرب منكـ إتحافنا بهذه الرائعه الشعريه الطريفه


لكــ كل الشكر والتقدير

 

 

 

 

[معلومات العضو ابن وتيد السباعي]

وأنا أقول الله يرزقه من سابع سماه

امين


ما شاء الله يا عبده متذوق رائع للقصيد الجزل

صح لسانك ولسان ابن جدلان

 

 

 

 

[معلومات العضو فالح بن فهاد]

ياعبده وعقلك ماسج من ذا القصيده ولو مستب فكرك انت مظبوط ههههههه ماشاء الله عليك ولا حول ولا قوه الا بالله جعل الله يخم روحك إلي درب الخير

 

 

 

 

[معلومات العضو ابو زيد الغييثي]

ويوم اني خرجت اقفيت ل ..ارض الله وسيع الجال=علـى بـرٍ هـواه يــداوي العـلـه ويبريـهـا
ادور قصعة الجربـوع والضـب الفتـي يختـال=والارنب يا شفاة الـروح مـا احلاهـا وطاريهـا
بـلا كهـرب ولا بيجـر ولاثابـت ولا نـقـال=قوانين الحضـاره لا تبـي شوفـي ولا ابيهـا

الله الله


عبدوووووووووا


لاهنت وبيض الله وجهك

على حفظ هذه الابيات التي لا نستغرب

ان تخرج من شاعر كبير كشاعر سعد بن جدلان الأكلبي


تقبل مروري لسيادتكم الموقره يا عبدووو


أخوكـ / ابو زيد الغييثي

 

 

 

 

[معلومات العضو ابو زابن المسعري]

لا هنت ياعبده على اتحافنا بهذه القصيده الجميلة الطريفه
صح الله السانك والسان الشاعر الكبير بن جدلان

 

 

 

 

[معلومات العضو أبونواف الدوسري]

لا هنت ياعبده على اتحافنا بهذه القصيده الجميلة الطريفه

صح الله السانك والسان الشاعر الكبير بن جدلان

 

 

 

 

[معلومات العضو فهدالمحيسن]

اخي الغالي
وينك اشتقنالك
تقبل مني اخي وافر التقدير والاحترام

 

 

 

 

[معلومات العضو الزين]

تسلم يمينك علي النقل الطيب

ويوم اني خرجت اقفيت ل ..ارض الله وسيع الجال=علـى بـرٍ هـواه يــداوي العـلـه ويبريـهـا

بـلا كهـرب ولا بيجـر ولاثابـت ولا نـقـال=قوانين الحضـاره لا تبـي شوفـي ولا ابيهـا

 

 

 

 

[معلومات العضو الساطي]

اخوي وعزيزي عبده مجرشي
صح لسانك ولسان قايلها
وللتوضيح القصيده ليست لسعد بن جدلان
القصيده للشاعر سعيد بن مقبل المنيعي الاكلبي
ونشرت في مجلة قطوف منسوبه للشاعر سعد بن جدلان
وصار بين الشاعر سعيد بن مقبل واسرة تحرير المجله اختلاف وقال فيهم ها القصيده

ياسعـد جـدلان ماتقـرا قـطـوف=العـدد الاخيـر يـامـال الغـنـاه
وتشوف اللي لـه العالـم تشـوف=الكـذاب اللـي تناقـلـه الــرواه
الحراميـه خـذوا منـي خــروف=ويوم جا في السوق لاوسمك عـلاه
وهي لونها تجي حسـب الشفـوف=ان بـن جـدلان كـل شـيٍ فـداه
غير مايحتاجها راعـي الوصـوف=اللي اعطـى للشعـر وجـهٍ وجـاه
شاعـر لاجـوّد زمـام الـحـروف=كـل كلمـات اللغـه تمشـي وراه
لاكن ويش نقول في الناس الضعوف=الرعاع اللي مـن حسـاب الرعـاه
همها في عالـم الشهـره تطـوف=لـو بتزويـر الحقايـق والسفـاه
قبلنا سلطان صفـوا لـه صفـوف=بالتحايـل والخـداع ومـا سـواه
غيـر بـن وسّـام خلاهـم بلـوف=شاف من ينبـح ولقمـه الحصـاه
والصحافه بين حـاذف ومحـذوف=كـل واحـد ماشـيٍ علـى عمـاه
عالمٍ يرقـى علـى روس الكتـوف=ليـن يوصـل كـل واحـد مبتغـاه
لعنبـو ذالطبـع ياشلـة قـطـوف=يمشي الواحـد وعينـه فـي قفـاه

هذا ماردت توضيحه واكثر الناس
ينسبها للشاعر الكبير سعد بن جدلان
تقبل مروري ومشاركتي
اخوك الساطي

 

 

 

 

[معلومات العضو كلاش]

بيَض الله وجهك ياالساطي ذيبان على التوضيح ..

لو كان الغادي بين الأخوين مدّل مثل مايقولون ..

لكن الملاحظ أنها تحمل بصمات بن جدلان ولمساته وأفكاره لهذا لاتلوم قطوف لو ألتبس عليهم

الأمر .. وهي على كل قصيده لايكتبها ألا متمّكن وسعيد المنيعي الأكلبي أول مره أقراله أو أسمّع فيه

عموماً صح لسانه ولاهنت على توضيحك وأسعفنا بقصايد سعيد ماعاد نبي سعد كانها من ذالنمونه

 

 

 

 

[معلومات العضو عبدالرحمن الشرافي]

خوي كلاش لاهنت على هذه الذائقة الشعرية الجميلة


فبيض الله وجهك



تحياتي

 

 

 

 

[معلومات العضو ابن فادر]

الاخ كلاش

تسلم على النقل

والله يرزقه من عنده