هذه قصيده لشاعر هذال آل بريك مرسله لشاعر غنام آل بريك

**معلومات** **العضو** · 12-12-2010, 01:37 AM

هذه قصيده لشاعر : هذال بن علي بن سيف آل بريك , , مرسله لشاعر : غنام بن مناحي آل بريك عندما وعده وأخلف الميعاد وهي من نوع المداعبه . . .

يقول الشاعر هذال :

يالله يارازق بجحره عمى الداب=يامحصين خلقه بسجل الكتابي
ياغافر ذنوب عبده ليا تاب = ومبدل السيات حسن الثوابي
تجعل لنا في جنة الخلد مرقاب = ونفوز بالجنه نهار الحسابي
ومن بعد ذا هات الجديدات ياعقاب= هات القلم والطرس نكتب جوابي
نكتب لبو فارس عذيات وأدآب = رجل على العليا يذب النوابي
ريف القصير وعز ربعه والاصحاب = وعون الضعيف اللي حموله أرقابي
أرجو عسى ماصار منك وماصاب= نسيان ولا ما عمدت الغيابي
فإن كان عامدني فلانيب شذاب = الله يسهل لك طريق الصوابي
خليتني يالقرم واقف على الباب = الناس مرتاحه وأنا في عذابي
ظليتنا واقف اللين القمر غاب= والعود قص الكرت رحلة ذهابي
توه خذا بنت صغيره وهو شاب = شابت جفونه يوم زل الشبابي
المهره اللي جات من طيب الانساب= هي ما أنكرت شيبك وذيك العلابي
غريتها يومك مركب لك أنياب = وتقول شوفي زين صكت أنيابي
الله حسيبك يوم تغدر في الاجناب = ماخفت رب البيت منشي السحابي
وأرجو السموحه كان بالقول ماعاب= الكامل الله هو عزيز الجنابي
وأختامها مني تحيه وترحاب = للمستمع واللي نصاه الجوابي

رد الشاعرغنام :

يالله ياللي من ترجاك ماخاب = ياغافر الزلات خفف أحسابي
ياماسكن عرشه بلا عمد وأطناب=وتحيي العظام اللي كلاها الترابي
أفرج لمن نومه كثير أتقلاب= يابوعقاب القرم هيضت مابي
العين كن في حجرها جمر مشهاب= ونصبر ونرجي منه جزل الثوابي
يابوحمد هات القلم لي ولكتاب=وأكتب أبيوتن صالبات أعذابي
ثم نصها اللي صخر القاف لعاب= من التعزي عيد الركايب عدابي
ولو إنه غيره مخطرن يدب أدآب= ونعلمه لين أيتعلم لدابي
ماكل رمايآ ليا من رمى صاب= وماكل رأي لا عرضته صوابي
يابوعلي مانيب للعوج طلاب = والا عليك من الخطايا كتابي
عاداتنا من مبطين قصر الأشناب = ونعدل العاصي خبيث المسابي
ترى الرفيق الليا عثر مرة طاب= وأنا عليه من الخطايا حجابي
لصار ضنك فالرفيق الشلي خاب= من ديرته تكتب ذهاب وغيابي

وسلامتكم . . .

**معلومات** **العضو** · 12-12-2010, 02:05 AM

ارحب يابوهذال وصح لسان الشعراء ولاهنت على النقل

**معلومات** **العضو** · 12-12-2010, 09:10 AM

اقتباس:

يابوعلي مانيـب للعـوج طـلاب>والا عليك مـن الخطايـا كتابـي
عاداتنا من مبطين قصر الأشنـاب>ونعدل العاصي خبيـث المسابـي
ترى الرفيق الليا عثر مرة طـاب>وأنا عليه مـن الخطايـا حجابـي

الله الله

صح لسان الشاعرين

ومراسلة اخويه لها نكهة

واختيار موفق يابو هذال

بيض الله وجهك وتقبل ودي وتقديري ،،،،

**معلومات** **العضو** · 12-12-2010, 10:04 AM

عقاب ال بريك

الله لايهينك على نقل هذه المداعبه الجميييييييييله

تحياتي وتقديري

**معلومات** **العضو** · 12-12-2010, 05:41 PM

لاهنت اخوي ابوهذال على مداعبة والدك لا ابو مناحي

وقصيدتين جزلة يعطيك العافيه

تحياتي وتقديري~ْ،

**معلومات** **العضو** · 12-12-2010, 10:59 PM

صح لسانك ولسان الشعراء
الله يعطيك العافيه

تحياتي وتقديري ~~

**معلومات** **العضو** · 12-12-2010, 11:25 PM

أبو هذال :

صح الله لسان الوالد الله يحفظه

ولسان أبو فارس .

ولا هنت يا ذيبان على النقل .

**معلومات** **العضو** · 14-12-2010, 12:27 AM

صح الله لسان الشاعرين

ولاهنت يا عقاب على نقلها

تحيااااااااااااتي واحتراااااااااااااااامي

**معلومات** **العضو** · 14-12-2010, 01:50 AM

يعطيك العافيه يا عقاب ولاهنت على الطرح الجميل

تحيـــاتي وتقديـــري

**معلومات** **العضو** · 14-12-2010, 04:03 AM

ارحب يابوهذال وصح لسان الشعراء ولاهنت على النقل

**معلومات** **العضو** · 03-01-2011, 10:55 PM

صح الله اللسانك واللسانه والله لايهينك

**معلومات** **العضو** · 23-02-2011, 01:36 AM

ابوشالح
ابومحسن
ابوفهد
ابوشافي
ابومطلق
ابوفلاح
عبدالله المصارير
ابومبخوت الشكره
محمد. الودعاني
ابوحصين المصارير

لاهنتووووووووووووا وبيض الله وجيهكم وسرني مرروكم حميعآآآآآآآآآآآآآآآ ...............

**معلومات** **العضو** · 23-02-2011, 03:06 PM

صح الله لسان الشاعرين ابو علي وابو فارس

ولاهنت اخوي ابو هذال ع النقل

**معلومات** **العضو** · 27-02-2011, 01:18 AM

صح لسانك ولسان الشعراء
الله يعطيك العافيه ولاهنت على النقل

تحياتي وتقديري

**معلومات** **العضو** · 09-02-2012, 07:01 AM

يعـطيكـ الـف ومقصـرتـ

الذين يشاهدون محتوى الموضوع الآن : 2 ( الأعضاء 0 والزوار 2)

		منتديات صحيفة وادي الدواسر الالكترونية