المدح في من يستحقه يجي زين

[معلومات العضو إبن شامان]

المشاركة الأصلية كتبت بواسطة




[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black"

لا احتجت ولا احترت من بين الامرين= ترى السنع لك بيناتٍ دروبه

اذخر لحاجاتك فروخ الشياهين= فعل الطيور تشوف فيه العجوبه

الشهم لا جا واجبه يعجب العين= والحر لولا موقفه ما قنصوبه

والطيب كايد والرجاجيل شرهين= والناس ما خلوا حدٍ ما حكوبه

من طاب قالوا فيه والله ونعمين= ومن هان قالوا عند ذكره وكوبه

والعز كنزٍ ما يقدر بتثمين= للغانمين اللي شقوا واتعبوبه

والوقت يمضي والخلايق مغيرين= ولا به احدٍ فيه يصفي شروبه

من عاش قرنٍ قال انا عشت يومين= يفطن بها العاقل وياخذ جروبه

ان الحياة احلام والعمر تقنين= والادمي مثل القمر وصفوبه

واتعس حياةٍ جارنا الله من الشين= من طال به عمرٍ وكثرت ذنوبه

يالله عسانا سالمينٍ معافين= في رحمتك نطمع ونخشى العقوبه

ياللي عبادك لك صيامٍ مصلين= واسمك بمبدا دينهم وحدوبه

المومنين الخاشعين الملبين= من زود جودك يرتجون المثوبه



[/poem]

	الأخ العزيز الشاعر / محمد بن محسن سلمك الله وأطال الله حياتك وأسعد الله أيامك إنه لمن دواعي سروري أن أعقب على قصيدتك الجزلة التي من خلالها تترجم بنات أفكارك درر الحكمة والتي لا يبدع بمجالها الا صاحب خبرة وتجربة في هذه الحياة المعلم ما يكفي بتعليم الدروس=كود دورات الليالي وبعض دروسها البيتين التالية يقف أمامها كل عاقل ويتعلم منها دروس وتؤلف منها كتب لشرحها ان الحياة احلام والعمر تقنين= والادمي مثل القمر وصفوبه واتعس حياةٍ جارنا الله من الشين= من طال به عمرٍ وكثرت ذنوبه لله درك فقد أعطاك الواحد الأحد جوامع الكلم سلمت أناملك التي كتبت ولا فض فوك سجل تقديري وإعجابي في قوائم المتابعين أخوك إبن شامان

 

 

 

 

[معلومات العضو فهد الغريري]

الشهم لا جا واجبـه يعجـب العيـن=والحر لـولا موقفـه مـا قنصوبـه
والطيب كايـد والرجاجيـل شرهيـن=والناس ما خلـوا حـدٍ مـا حكوبـه
من طاب قالـوا فيـه والله ونعميـن=ومن هان قالوا عنـد ذكـره وكوبـه
والعـز كنـزٍ مـا يقـدر بتثمـيـن=للغانميـن اللـي شقـوا واتعبـوبـه

الاخ العزيز الغالي والشاعر الكبير في قدره وشعره

ابو محسن " محمد بن حشفل الخضراني "

ارررررحب ترحيبةٍ من واحدٍ يحبك ويغليك والله اني صادق

اذا ذكر الشعر ذكر ابن حشفل واذا ذكر ابن حشفل ذكر الشعر

ابو محسن صح الله السانك وعتلا شانك وزادك الله من زوايد فضله

لا هنت ولا هان منطوقك الذي يقطر الحكم والعبر في هذى الراااااائعه

حيث بلسم شافي لمن ارده طريق العلوم الغانمه والذكر الحسن لدى الجميع

كفيت وفيت جعل من ارثك في الجنه دايم الجزاله تنبع من يمانك جعلها تسلم

وتقبل مني فاق التقدير والاحترام في مقامك العالي

اخوك / فهد الغريري