المدح في من يستحقه يجي زين

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

المشاركة الأصلية كتبت بواسطة محمد بن حشفل الخضراني

مع التحيه والتقدير اخواني اعظاء هذا المنتدى الكرام اسعد الله اوقاتكم بكل خير يسرني ويسعدني ان اظع بين ايديكم هذه القصيده عسى ان تنال اعجابكم ورظاكم ,,,,

المدح في من يستحقه يجي زين= يصوغ في ذكره وينقاد صوبه
في كل شهمٍ فالقساء فعله يبين= مواقفه عند الرجال محسوبه
ما نافس اللي يكنزون الملايين= يسوق ماله دون حاله جلوبه
ياطالبٍ سلم الوفاء خلك يمين= المرجله ماهيب عنك محجوبه
راع الوفاء يرجح بكل الموازين= والناس يلقونه على ما هقوبه
لا احتجت ولا احترت من بين الامرين= ترى السنع لك بيناتٍ دروبه
اذخر لحاجاتك فروخ الشياهين= فعل الطيور تشوف فيه العجوبه
الشهم لا جا واجبه يعجب العين= والحر لولا موقفه ما قنصوبه
والطيب كايد والرجاجيل شرهين= والناس ما خلوا حدٍ ما حكوبه
من طاب قالوا فيه والله ونعمين= ومن هان قالوا عند ذكره وكوبه
والعز كنزٍ ما يقدر بتثمين= للغانمين اللي شقوا واتعبوبه
والوقت يمضي والخلايق مغيرين= ولا به احدٍ فيه يصفي شروبه
من عاش قرنٍ قال انا عشت يومين= يفطن بها العاقل وياخذ جروبه
ان الحياة احلام والعمر تقنين= والادمي مثل القمر وصفوبه
واتعس حياةٍ جارنا الله من الشين= من طال به عمرٍ وكثرت ذنوبه
يالله عسانا سالمينٍ معافين= في رحمتك نطمع ونخشى العقوبه
ياللي عبادك لك صيامٍ مصلين= واسمك بمبدا دينهم وحدوبه
المومنين الخاشعين الملبين= من زود جودك يرتجون المثوبه

الشاعر الفذ والكبير : محمد بن حشفل الخضراني

قصيدة ألبستها بالدرر والحلي ياأبو محسن

ولاهي غريبة من شاعرٍ بحجمك تعودنا على قرآءة ماهو مفيد وجزل

الكلام يتقزم أمام الأبداع الجميل الذي تتحفنا به كل يوم

والمدح يقل فيك وفي هذه الرائعه

ولو ان الشهادة فيك مجروحه إلى أبعد الحدود وقصيدك خير شاهد

صح الله لسانك وإعتلا شأننا وشأنك دنياً وآخره

تقبل الود والتقدير والشكر والعرفان

من محبك ومغليك : أبو محمد