دخيل الله بن محمد الشكره الدوسري رحمه الله

[معلومات العضو بعيدالهقاوي]

اسمع ولا صدقـت مـن رد الأخــبار = ومـكـذبـاً بـه لـين شـفتـه بعـيني

تكفون يا هل الدار يا حيف ما صار = يا حــيف يـاملك الــجدود الثـميني

دارا ثـمنها مـرهـف الـحـد والــنار = ورسومـها جـماجــم المعــتديني

واليوم بيعت في رخيصات الأسعار = وهانت مكاسبها عـلى الطامعــيني

لعـبوا عــلى جهالنــا كــل قـــمــار = والــدار شرهتها على الـعاقليني

يبغون غزو ديـارنــا ســر وجــهار = مير احـذروا من خـدعت الخـادعيـني

أشرار قومـا لو تحلــوا بــالا خــيار = تدرون عن نـياتهـم بعـد حـيني

مير انظروا لدياركم ياولي الأبصار = نظـرة رجـال للوطـن مـخلصيني

دار الغروس ودار حسقات ألاوبار = الله يـلـوم إلــى بــها بـأيـــريـني

داراً ربـــتنا يــــوم دورات الأدوار = وأم بـــدونه مـا يــعيـش الجـــنيني

قوما بغير ديار يسقــون الامــرار = وتبـقى على طول الدهر راحليـني

تجاربا شفناه في بعض الأقطار = ويدري بـها من كـان قلبـه فطــيني

والحر ماينصـاد من بعـد الأنـذار = والعرف ما يعرض على العارفيني

يا بايـع الديـره تَعــيب من الــعار = والدار ما ترخص على الطيبــيني

لوبعت في تسعــين ملـيون مليــار = انت الذي تبقى من الخاســريني

لاحط دونه شايك الشبك وحضار= وخـــلاك من دونــه قصير اليديني

ثم بعد ذا يبدى بقلاع الاشجــــار= ويقــول داري وانتــزح لاتجيــني

يسكن بها وتصير دارك له اديار= وانـت الـذي تحسب من الوافـديني

ماراح منهى وانتهى كنه ماصــار= قــومــا بـعــد قــومـا لها وارثيني

يا حيف طمع ديارنا كل بيـــسار = الــي بضـرب أيمـــانا جــاهليــني

جاء كــل جواً فــيه عـقماً وحفـــــار = ويــــلا متى وإنـا بـــذا صـابريــني

يالاد زايد داركــم تطلــب الــثــار = وتشــكي علـيكم مـن يــــدا العـابثيني

إلى عبـث به كـل مــاكر وغــــدار = متـغانميــنا غـــفلت الـغـــافــلــيني

طالت يدينا كان من دونها قصــار = يـا حيــف منــها كنـكــم غاييبـيني

تنخا هل العادات وافين الأشــبــار = ألـي حـمــوهــا مـن قديـم السنيني

ألي حموها فوق زلبات الامـهـــار = وحــامـينهـا بـمـذلـقــات الـعريني

ومشوكن كن صوت حسه إلى ثار = صوت الصواعق بالسحاب الرزيني

بإيمان قوماً مايهــابــون الاخــطار = تاطى الخطـر لاهـابـوا الهايـبـيـني

دواسر تسقي العدا كــاس الامرار= ويـوم اللقى تـكـسر شبى العايليني

لاجـــاء نـهــار يـذهـلن فيه الافكار= وتخالفوا خبـط النـمـش باليـديـني

خيالهم ياخــذ على الــخيـل مشوار = لا غاب عـن بعض الرجال اليقيني

لاخانوا الديره قصــيرين الاشــبار= ووجيهــم دون الوطـن مـاتشـييني

عــيـوبـهــا كـسـابــة الـمدح والكار= كـل افـتخا للـدار درعــا حصيـني

اللي فعـايلهـم للاجـيــال تـــذكـــار= ونـفـخـر بذكراهم طـوال السنيني

اربوعنا اللي تكرم الضيف والجار = وتفعـل بـفعـل اجــدودهــا الاوليني

اهل الجناب الزين واقطع من النار= وايـمـانـهــم تــامن بهـا الخايفيني

وتدوس بالرجلين هامات الاشرار= وتطــوع اللـي روسـهـم مـاتـليـني

هم عزنا وإنا لهم درع وانصــــار= درعــــاً لهم يوم الملاقى حصيني

لاتنفع واليمنى الوحيده بلا يســـار= ولا تــنـفـع الـيســرى بــليـا يميـني

وصـلاة ربـي عـد هـمال الامطار= علـى مـحــمد خاتــم المـرسـليــني


[url]

 

 

 

 

[معلومات العضو برق الدواسر]

مشكوووووور والله يعطيك الف عافيه على النقل

 

 

 

 

[معلومات العضو محمد بن حمد الشكرة]

بيض الله وجهك يا بعيد الهقاوي على النقل ورحم الله الشاعر الكبير/دخيل الله بن محمد الشكرة واسكنه فسيح جناته تقبل مروري

 

 

 

 

[معلومات العضو مبارك بن شافي النتيفات]

رحم الله الشاعر دخيل الله بن محمد الشكرة

ولاهنت على النقل الجميل

 

 

 

 

[معلومات العضو منيس الشمري]

مشكور تسلم والله

 

 

 

 

[معلومات العضو بعيدالهقاوي]

المشاركة الأصلية كتبت بواسطة برق الدواسر

مشكوووووور والله يعطيك الف عافيه على النقل

حياك الله وبياك

 

 

 

 

[معلومات العضو بعيدالهقاوي]

المشاركة الأصلية كتبت بواسطة محمد بن حمد الشكرة

ووجهك ابيض الله يرفع قدرك ويرحم شيبانك

 

 

 

 

[معلومات العضو شافي بن راشد النتيفات]

صح السانك ولاهنت على النقل الرائع

 

 

 

 

[معلومات العضو فيصل ضيف الله الكبرا]

الله لايهينك على النقل وصح لسان قايلها وصح لسانك

 

 

 

 

[معلومات العضو بعيدالهقاوي]

حياكم الله جميعا وشرفني مروركم على موضوعي