الكون واسع والرجاجيل فرسان

[معلومات العضو تآج روس السلاطين]

الكون واسع والرجاجيل فرسان
والارض كوكب تحتضنهم سهوله


كوكب على سطحه للابطال ميدان
لو مجدهم فوق النجوم طلعوا له


ما هان راس اللي يبي العز ما هان
عز الرجل من واجبات الرجوله


ما هو مكلف بالامانه على شان
هندامه وشكله وعرضه وطوله


يستخدم افكاره وينفذ بسلطان
ياصل وسلطانه يشرف وصوله


تمثيل فرسان المواهب للاوطان
أكبر فخر و وسام عز و بطوله


من حقنا واللي معه قلب ولسان
تاقف على خد الثريا ذلوله


وقفة شرف وإثبات مرئي وبرهان
فصاحة لسانه بطاقة دخوله


للمجد من واسع نطاقه وعرفان
جمهوره الواعي يتوج مثوله


قدامهم في مسرح خيول الاشجان
الشعر مفتاح القلوب و رسوله


شاعر وقلبي يحمل هموم واحزان
قطيعة الكاهل وآلام الطفوله


وسوء التفاهم لا حصل بين الإخوان
ودمعة يتيمه دمعها ما دروا له


و آهات شعب مشرد أزمان و أزمان
قضيته صارت بعمر الكهوله


مهما حصل حنا صناديد شجعان
هيبه من عصور الصحابه ودوله


احفاد علي ابن ابي طالب وعثمان
أحرار ما نرضى الحياة الخجوله


كنا ولا زلنا وبقلوبنا إيمان
نطوي بساط المستحيل ونطوله


ما تنحني هاماتنا ذل وإذعان
للواقع اللي قام يسرج خيوله


الواقع المشهود شعله و دخان
جبروت ظالم روع الناس هوله


يا معشر الإنسان من حق الإنسان
اللي يشوف انه مناسب يقوله


مادام له باقي على الأرض وجدان
اخير من رفض اقتراحه قبوله


ممكن يجيب افكار ترسخ بالأذهان
حسب طموحه للمفيد وميوله


افكار تثمر كنها اثمار بستان
وافكار دون إثمار عميا جهوله


وأفكار تفتح للمحابيس بيبان
مثل المطر للناس رحمه نزوله>>>>>>>>منقول>>>>>>الشاعرمقبل ابن سليم البلوي

 

 

 

 

[معلومات العضو ابومبخوت الدوسري]

صح السانك ي تاج روس السلاطين
وصح السان الشاعر / مقبل ابن سليم البلوي

ويعطيك العافيه ع النقل الجميل ولاهنت


تقبل تحياتي ,,,

 

 

 

 

[معلومات العضو مشبب سعد المخاريم]

صح الله لسان الشاعر على القصيدة الجزلة ...

ولاهنت على النقل المميز