الوصايا

[معلومات العضو ابن مدعث]

بادي(ن)باسم الله اللي عليم بكل حال..عالم(ن)مافي الضماير ومايخفا بها..

سامع(ن) دعوات عبد(ن)يناجي ثم اسال..يطلبه يغفر ذنوبه نهار احسابها..

ثم بعدها اسمعوا ياكريمين السبال..اسمعوا واخذوا وصايا عسى نحضى بها..

الوصايا هي تعلق بماجوب الرجال..وحي صبي(ن) لوجبت حاسب(ن) احسابها..

اكرموا ضيف(ن) لفا خاوي(ن)يبغي الدلال..وقدموا له من الشحم عقب ممشى اطيابها..

وادمحوا زلة رفيق(ن) عليكم مال مال..وهرجة(ن) ماهيب تعجبك صك ابوابها..

ولا تسمع كل هرج(ن) وتطرد مايقال..فالهروج الكاذبه ماربح جلابها..

وخاو منه لابغيته ثبت مثل الجبال..وان زهمته ذب لك غترته والوابها..

صامل(ن)مثل الزناتي وابو زيد الهلال..ولا يهمه لو روحه تروح افدابها..

فحي من ذا له خوي(ن)الى جاله مجال..يعجبه يوم العرب تفتخر باصحابها..

الشاعر/ناصر بن ناجي بن مدعث آل عمار

 

 

 

 

[معلومات العضو حمد ابن فهد]

صح لسان الشاعر واعتلا شانه

ابن مدعث
تحياتي على النقل الرائع

 

 

 

 

[معلومات العضو ابو حسين الدوسري]

وادمحوا زلة رفيق(ن) عليكم مال مال = وهرجة(ن) ماهيب تعجبك صك ابوابها..

ولا تسمع كل هرج(ن) وتطرد مايقال = فالهروج الكاذبه ماربح جلابها..

وخاو منه لابغيته ثبت مثل الجبال = وان زهمته ذب لك غترته والوابها

صح السانه واعتلى شانه
لاهنت يبن مدعث

 

 

 

 

[معلومات العضو ابن مدعث]

المشاركة الأصلية كتبت بواسطة حمد ابن فهد

صح لسان الشاعر واعتلا شانه

ابن مدعث
تحياتي على النقل الرائع

صح بدنك يابو فهد..والله يرفع قدرك

 

 

 

 

[معلومات العضو ابن مدعث]

المشاركة الأصلية كتبت بواسطة ابو حسين الدوسري

وادمحوا زلة رفيق(ن) عليكم مال مال = وهرجة(ن) ماهيب تعجبك صك ابوابها..
ولا تسمع كل هرج(ن) وتطرد مايقال = فالهروج الكاذبه ماربح جلابها..
وخاو منه لابغيته ثبت مثل الجبال = وان زهمته ذب لك غترته والوابها

صح السانه واعتلى شانه
لاهنت يبن مدعث

ومن قال ماهان ..وعسى ان يحوز على ذوق الجميع..