ياطنط انا مشتاق والشوق غلاب

**معلومات** **العضو** · 04-12-2005, 02:18 PM

السلام عليكم ورحمة الله وبركاته

هذي قصه واحد طايش من الشباب اللي يسمعوون بالحب و يحبوون من اول نظره , هذا طال عمركم شاب جيرانهم مصاريه اللي ما عندهم لا عيب ولا شق جيب, وعندهم بنت مزيووونه بالحيييييل الوكاد ان البنت احيانا تطلع للشارع عند الباب تاخذ اغراض اهلها من البقاله كاشفه وفالة الشعر
شافها اخونا بالله اعجب فيها صار دايم يدووور عند بيتها واذا شافها يسلم ولا تعطيه وجه ويعطيها من هالكلام الحلووو ولا عطته وجه المهم انه ابوالشباب تعذب معها وحبها من اول نظره (ههههههههه) وقال فيها هالابيات موجها لام البنت المصريه ..........

ياطنط قلبي من هوى بنتكم ذاب = بصارحك بنتك تـرى عذبتنـي
قولي لها لاعاد تاقف على الباب = ان جيت اسلم كنها ماسمعتنـي
ولاناظرتني قلت يارب الاربـاب = احيان اقول البنت ذي ساحرتني
ياطنط انا مشتاق والشوق غلاب = من جد أبيها بس هي طنشتنـي

طنط عمه اوخاله بلغت اهل مصر

**معلومات** **العضو** · 04-12-2005, 06:22 PM

ياطنط انا مشتاق والشوق غلاب
................................................من جد أبيها بس هي طنشتنـي

ابرك له ما خذا المصريه

تسلم يا ابن وتيد على القصه والقصيدة الطريفه

وعساك على القوة

**معلومات** **العضو** · 04-12-2005, 07:59 PM

ولاناظرتني قلت يارب الارباب = احيان اقول البنت ذي ساحرتني

الأخ : ابن وتيد

لا هنت على هذا الأختيار الطيب

عسى عمرك طويل يا الغالي

وتقبل تحيات محبك : مسفر المصارير .

**معلومات** **العضو** · 04-12-2005, 08:44 PM

السلام عليكم ورحمة الله وبركاته
ياطنط انا مشتاق والشوق غلاب
من جد أبيها بس هي طنشتنـي

يضرب الحب شو بذل

لا هنت اخوي على النقل المميز
تقبل تحياتي

**معلومات** **العضو** · 04-12-2005, 09:07 PM

ياطنط قلبي من هوى بنتكم ذاب /// بصارحك بنتك تـرى عذبتنـي

أبن وتيد مشكور على الأختيار المتميز
والاسلوب الجذاب ومشكور مرة آخرى

أخــــــوك // أبــو السلاطيــــن

إني لمن قومن يعز عليهمٌ /// قتل الروعاة ودمعة الحسناءِ

**معلومات** **العضو** · 05-12-2005, 06:56 AM

ارحب يا ابو مشنان

والله المصريات مهن بشينات

وش رايك نروح ناخذ لنا ثنتين بعشره الالف احسن من وحده تقصدك خمس سنين

ههههههههههههههههه

لاهنت على المرور

**معلومات** **العضو** · 05-12-2005, 06:57 AM

ارحب يا ابو منيره

لاهنت يالغالي على المرور العطر

**معلومات** **العضو** · 05-12-2005, 06:59 AM

ارحب يا ابو غلا

لاهنت على المرور يالقرم

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية