يبكي عليه الصحن والنجر والدله

[معلومات العضو حسن آل بريك]

قصيده للشاعر / ظافر الحصني الخرفاني الدوسري في رفيق له توفى يقال له عبدالله وأختلف الرواه أحد قال من ال عمار الدواسر واحد قال من السهول
واليكم القصيده:

البارحه ساهر وكني على مله ** والقلب تقبل هواجيسه وتاتي به
القصر يبغى صبي مثل عبدالله ** لانوخ الضيف تال الليل يدري به
يبكي عليه الصحن والنجر والدله ** والضيف لاجاه جافينه معازيبه
ويبكيه خطوا رفيقن مابعد مله ** لاجاه من غربتن يبغى تعاجيبه
وتبكيه هجنٍ من المطراش منتله ** لاجات من صوب فجٍ عاوين ذيبه
وتبكيه بيضٍ على فرقاه مختله ** لادورت له بديلن وين تاتي به
ارث فهودن تغذا بين خلق الله ** والضو سمرن ولاادري عن مشاهيبه
يارب أنك تحلل بطن من شله ** اللي يكثر على الضيفان ترحيبه

هذا اللي احفظ منها والمعذره على القصور وأرجوا ممن يعرف أكثر الا يبخل علينا بمشاركته ولكم مني جزيل الشكر والتقدير ،،،

 

 

 

 

[معلومات العضو راشد المسعري]

ارحب ياحسن

قصيدة مشهوره وانا سمعت إنها مقيولة في سهلي من القبابنة وهو رجال كريم ومشهور بالكرم

والله اعلم

 

 

 

 

[معلومات العضو ابو زابن المسعري]

لاهنت على ذكر هذه

القصيده وبيض الله وجهك

 

 

 

 

[معلومات العضو شافي بن راشد النتيفات]

بيض الله وجهك ياحسن على هذا النقل المميز
وانا كنت ابحث عنها من زمان لاهنت على طرحها

 

 

 

 

[معلومات العضو مبارك بن شافي النتيفات]

ارحب ياحسن تراحيب المطر

والله لايهينك على النقل المميز

صراحة كنت اسمع بالبيت الاول ولا ادري من الشاعر

وجابها الله وشاعرها

صح لسانك ولسانه ولاهنت يالذيب

تحياتي وتقديري لشخصك الكريم

 

 

 

 

[معلومات العضو فهد المقابله]

لاهنت على ذكر هذه

القصيده وبيض الله وجهك

والقصيده في قباني

 

 

 

 

[معلومات العضو حسن آل بريك]

راشد المسعري
ابو زابـــــــــــــن
ابو راشـــــــــــد
ابو شــــــــــافي
فهـــــد المقابله

مرحبا مليون وبيض الله وجيهكم على المرور والايضاح

واعتبر مروركم وسام على صفحتي

ولكم مني جزيل الشكر والتقدير،،،