قصيدة_ تاج المرجل

[معلومات العضو ادمان شعر وقصائد]

ســـال الحبر من فوق الاوراق ونساب
ماكنه الا الشوق وصط الشراين
:
:
نبره حزن غطت علا نبره اعتاب
تقول وينك يا حياتي وانا وين
:
:
تسأل ظلام الليل عن ذيك الاسباب
اللي تمادت بالهجر والجفا لين
:
:
قـــلبي عليــك من الغلا والوله ذاب
ليــتك عن الي داخل القلب تدرين
:
:
تفتح لــي الذكرا علا اهمومي ابواب
لــيا ذكرت ايام راحت وهالحين
:
:
ايــام ما كان الوصل بين الاحباب
يمسح دموع الشوق عن محجر العين
:
:
عضـت علي اهمومك بعدك بالأنياب
لكــن لغــير الله ابشكي علــي مين
:
:
جرح الهجر له عدت ايــام ما طاب
وطعن المفارق مثل طعن السكاكين
:
:
اقســـم لـك ويمكن تقول كـــــذاب
انــك لــيا غبتي تضيق الميادين
:
:
اقب مواعيد اللقــا واحسب احساب
وانتــي ولا كنــك بشوقي تحسين
:
:
قلـــبي من الهجران والصد منصاب
متــي علي الله يــا حياتي تمرين
:
:
والله لـو الفت عن حبك اكتاب
كــان اصبحت قصه غلانا دواوين
:
:
وشــجاب حبي يا حياتي وش جاب
عنتــر وعبله يوم ماتـــو حبيبين
:
:
لا يابعد كل الحبايب ولاصحاب
يامــن ملكتني بلا خلاق والزين
:
:
فيك الحلا والزين والصوت جذاب
لــيا تكلمتي لقلــبي تنـــاديــن
:
:
شوفي احروف الشعر تاقف لك اعجاب
انتــي لكــل اللي انكتب تستحقين
:
:
كنتي لي اقرب من اهلي ومن الاقراب
واليوم وش خلاك عنـــي تغيبين
:
:
الناس صارو بعدك بعني اغراب
في وحدتي بين الأسا والأمرين
:
:
غاب الهنا وافــراح عمري ولا غاب
طيفك يمر لــيا طريتي علي العيون
:
:
لكــن ترا قلبي من الحب ما تاب
لو غــــاب نور الشمس عن عيني اسنين