قصيده من سحمي بن هتيل في الأمير مران بن متعب بن قويد

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

المشاركة الأصلية كتبت بواسطة تركي المسعري

يالله ياإللي بيدك النقص والـــــــــــزود = ياواحد ما خاب من يلتجي لــــــــه
إحفظ لنا يامالك الملك ذ الــــــــــــعود = وإنك تمتع به سنين طويلــــــــــه
ابوالجميع إللي له الطيب مشــــــهود = ياليت ديدان الصبا ينــشري لــــــه
مران ابو زابن على اللين والكـــــــــود = من ضامته سود الليالي يجي لــه
من لاذبه خلي ولوكان مـــــــــــرصود = وتعايدت منه اليدين الطويلـــــــــه
هو سيفنا إللي للمهمات مــــــــجرود = يوم كل يفتخر في صقيلــــــــــــه
وهو لولب الحيلات من كل مظـــــــهود = ومن قام في دعواه يخلي سبيله
ويمشي مع القاصد على كل مقــصود = وكل الأمور القاسيه تنحني لـــــه
ومبعد شبوحه من صلف كل مقـــــرود = عسى يجي للبد بعده مثيلـــــــــه
آمين يامعبود ياخير مـــــــــــــــــــعبود = يا إللي هديته للجميع تهدي لـــــه
وشيوخنا آل قويــد شبان وجــــــــــدود = من خلقت الدنيا إلى أتلى القبيلـــه
هم أومرانا راعي الملك والـــــــــــذود = مير الفخر للي يتقدم بجيلــــــــــــه
وهم هل المردود عن كل مـــــــــــارود = وفرسان لابار العميل بعميلـــــــــه
إلياجا البرا من يمة الخصم مـــــــردود = ترسون له يامحتمين الدبيلــــــــــه
وأنتو هل الرايه وحنا لها عضـــــــــــود = مادام به راس كتوفه تشيلـــــــــه
فمن طمع منا الطيب فالحبل ممـــدود = وكل على ماقيل يحصد حصيلـــــه
ومن طمع بالشيخـه فهو مثل مسعود = يوم أنتفخ راسه تعايب رجيلــــــــه
فأنت الأمير إللي لك العلم مـــــــردود = بكل الأمور دقاقها والجليلـــــــــــه
أحببت فيــك المدح ياترثت الجــــــــود = يا أمير كل الدوسري من طويلــــه
وإسلم سلمت ولا عن الحال منشــود = البال شرح والخصايص جميلــــــه
وصلاة ربي عد ماهبت النـــــــــــــــود = على نبي مرسلا بالفضيلـــــــــــه

الأخ العزيز الغالي تركي المسعري

سلمت يمناك يالقرم على مانقلت لنا

والحقيقه الأمير مران بن متعب بن قويد يستاهل القصيد الطيب

فهو أهلاً له والقصيد اللي يقصر من دون أبو زابن مافيه بركه

فصح الله لسان الشاعر سحمي بن هتيل ملايييييييييييييييين

وسلمت يمناك ياذيبان

والله يطول حياة أبو زابن على العز والطاعه

تقبل الود والتقدير

من محب الجميع