يشهد التاريخ والفعل والعالم شهود

[معلومات العضو مسلم مطلق ال عمار]

هذه الابيات ارجو ان تحوز على رضى منتدى بني عمي وقد سبقني في مدحهم الشعار ولي الشرف ان اشارك مشاركه متواضعه عسى ان ترتقي الى رضاهم

نحمد الله كل قرمن ومنعور شجاع= من بني عمي الدواسر ومن فيهم يزود
لابتي في سلم المجد منزلهم رفاع= يشهد التاريخ والفعل والعالم شهود
لابتن تارد على الموت لا نار الرعاع=في نهار فيه صفق الفشق مثل الرعود
جمعنا يفرح به الذيب وسباعن جياع=من فعول اللابه اللي لها فعل الأسود
من على عصر الجهاله لنا فعلن يشاع=يفتخر به كل قرمن على العليا يجود
نكرم الضيفان ترحيب مع حلو المتاع=وجارنا وسم العصا له تورده العدود
في مدح ذربين الايمان لي صوله وباع=وافتخر في لابتي وارتقي والله سنود
والله اني ماتوانا بقدر المستطاع=ويش ابمدح مدح ربعي ترا ماله حدود
لو كتبت بطيب ربعي نشف خط اليراع=من على بوزيد الهلالي الى عاد وثمود
وسبقوني فيه كل أبلجن صيته يذاع=من قصيد وطيب وافعال لأشبال الفهود
من يقول الصدق يحضى بصدق الأستماع=ومن يقول الكذب يلقى من العالم ردود
بس بعرج على سالفه قبل الوداع=قصه ابن مطرف وضحت فيه البنود
كم قبيله قد زبنها ولا عين سناع=والقصيده واضحه ماتبي توضيح زود
الصراحه تزعل اللي من التاريخ ضاع=ومن يكذب فعل الأبطال ماهوب محمود
والعصاء حنا له بطيب ولا بنصياع=مزيتن فينا وورثن على عصر الجدود

يدور حديث ان الدوسري مايزبن وهذا غير صحيح بتاتأ الدوسري مايزبن الدوسري وذلك لسبب .. حدث في قديم الزمن كان الدوسري يذبح الدوسري ويزبن على دوسري وحصل مايسمى ((قطاع لبده ))وقد اضر القبيله جدأ فأتفقو على ان الدوسري مايزبن الدوسري حقنن لدماء قبيله الدواسر اما زبن القبائل الأخرا فالتاريخ يشهد بذلك كذلك قصائد والحروب التي وقعت وحيث ان الجار عندنا ليس له مده معينه فعصاه توسم وبذلك لن يتعدى عليه أحد طال الزمان او قصر ....


شعر : مسلم مطلق ال عمار

 

 

 

 

[معلومات العضو عبدالكريم العماري]

الشاعر مسلم مطلق آل عمار
صح السانك واعتلى شانك
وبيض الله وجهك على القصيدة الجزلة

تحياتي وتقديري

 

 

 

 

[معلومات العضو بوراجس المشاوية]

صح لسانك

وبيض الله وجهك

 

 

 

 

[معلومات العضو شافي بن راشد النتيفات]

صح لسانك وبيض الـلــــــــــــــــــــــــــــــــه وجهك

 

 

 

 

[معلومات العضو محمد بن سالم الخضراني]

اخوي الشاعر مسلم بن مطلق ال عمار مرحبا ومسهلا بك في المنتدى الرسمي للقبيله وصح الله السانك واعتلا شانك قصيده جزله وانت جزل ويستاهلون خطلان الايادي المدح والثناء تقبل مروري وتقديري

من يقول الصدق يحضى بصدق الأستماع ومن يقول الكذب يلقى من العالـم ردود

بيض الله وجهك

 

 

 

 

[معلومات العضو ابومبخوت الدوسري]

صح لسانك وبيض الله وجهك وتسلم يمناك تقبل تحيـــــــــاتي

 

 

 

 

[معلومات العضو فارس الدبالين]

الشاعر مسلم بن مطلق آل عمار

صح السانك ليت ترضى .. وبيض الله وجهك في مدح بني عمك

ووالله لو نقول فيهم معلقات ماكفتهم

تقبل مروري ولك جزيل الشكر ياذيبان

 

 

 

 

[معلومات العضو ابو زيد الغييثي]

صح اللسانك و أعتلا شانك ورفع الله قدرك و أعلم أخي الكريم أن سبب قولهم هذا هي روايه خرجت في الستينات تقريبا ً ولدي مصدرها وعندما تتبعة اثرها وجدت في الحقيقه هي على قبيلة آخرى ولكن بما أن الكتاب مطبوع فقد آخذه بعض المبغضين غاية لما في نفوسهم علما ً أنه حدث كون و أخذ الامام ثأره من ؤلئك وكان قتل الشيخ و أبنه على يد رجال من الدواسر و أذا قدر الله لي خلال السنوات القادمه سأكشف كثير من الحقائق التي ستكون ردا ً على المبغضين أخوك / أبو زيد الغييثي