ريميه

**معلومات** **العضو** · 09-12-2009, 10:44 AM

السلام عليكم ورحمة الله وبركاته
عيد الله عليكم مبارك بعد الزحمه
مشاركة بسيطة عبارة عن مساجله بيني وبين الشاعر مبارك بن محمد بن عويد الغييثات
قال مبارك

بنات فكري درهمت لأستـوى البيـدزرفالها مـع الوعـر مالـه أمثـال

أليا طرت لـي مبعـدات المواريـدندبتها بالصوت ماضـاق لـي بـال

وقامت عشايرهـا تسـن المفاريـدومن السطر في روسها كن بها أجفال

أدرى وأجنبـهـا دروب المناقـيـدلاروحـت مابيـن نـازل ورحـال

عيبٍ علي أروح وأعـود مـا أفيـديامحزمي يابو حمـد طيـب الفـال

شـوي لـو مافرعونـا الأوالـيـدغدت مابين الناس مضرب للأمثـال

والسالفه فـي سلـم كـل الأجاويـدياشيـن هوشـة مـن تـوده ولازال

ريميـةٍ ذارت لـحـس البـواريـدشفنا عجاجتها تعكرز مـن أهـوال

ولـولا غلانـا ياوسـاع الجراهيـدماكان صار لعقـدة الوضـع حـلال

ولو كان غيره كـل مـازاده نزيـدغيره أليا منه زعل يضرب الجـال

من الأيد يامنذر ملكني ألـى الأيـدوعندك خبر بالحـب للقلـب سـلال

واللي سواتي لا عشق شيخـة الغيـديجر له من صـادق الشـوق مـوال

أنا أدري أن العلم في جوف صنديـدوماكل مايطري على البـال ينقـال

مبارك بن عويد

مردي عليه

الشعر لـه معنـى ومبنـى وتشييـدوله حزةٍ ينساق منـي علـى البـال

فيهـا نجيـب الفيـد ياطالـب الفيـدومنها نصوغ من الجزيلات الأمثـال

واللي مهيضني ماهوب أتلـع الجيـدلاوالله ألا طيـب الـجـد والـخـال

مبـارك محمـد عشيـر الأوالـيـديشكي من صدوف الهوى وأشهب اللال

لبيـه يامبـارك علـى كـل ماتريـدأشـر وتلقانـي علـى كـل منـوال

عهدٍ علي ياراعي الطيب مـا أحيـدوأن حدت عن دربك فلا نيب رجـال

ياصاحبـي مافـي المحبـة مناقـيـدحب الشرف لأهل الشرف عز وأجلال

الحب مبطي من قبل عصر أبو زيـدقبل الهلالـي وقبـل عنتـر ولا زال

يروى علينا من الرجـال القواصيـدوتوخذ به العبره من أجيال لـأجيـال

كلٍ تولع فـي هـوى شـرد الصيـدوالرابح اللـي حالفـه حظـه ونـال

واليـوم يانسـل الرجـال الصناديـدتغير المفهـوم مـن حـال لـحـال

ريميةٍ مـن حـس صـوت العباريـدتذيـرت مـن رمـي باتـل وبتـال

تقول جبـت العيـد ياراعـي العيـدماتدري أنها في حمـى طيـب الفـال

مدري بلاها الظـن والشـك والكيـدوألا تبـي تفريـق ماضيـن الأفعـال

تم الجـواب اللـي عليـه المقاصيـدوالعلم مايحتاج فـي جـوف رجـال

منذر بن رشود الشكره

**معلومات** **العضو** · 09-12-2009, 11:22 AM

أدرى وأجنبـهـا دروب المناقـيـد
لاروحـت مابيـن نـازل ورحـال

عيبٍ علي أروح وأعـود مـا أفيـد
يامحزمي يابو حمـد طيـب الفـال

كفو والله يامبارك وصح لسانك ملايين لين ترضى

لبيـه يامبـارك علـى كـل ماتريـد
أشـر وتلقانـي علـى كـل مـنـوال

عهدٍ علي ياراعي الطيـب مـا أحيـد
وأن حدت عن دربك فلا نيـب رجـال

كفو يابو حمد وعز الله عرف ابن عويّد من يعنز عليه

مبارك ومنذر وصوت وصدى رائعين وفي قمة الجزالة الله يبيض وجيهكم
إبداع منقطع النظير فلكم كل الود والتقدير ،،،

**معلومات** **العضو** · 09-12-2009, 12:52 PM

صح السانك

وصح السانه

قصايد جزله وابيات وافيه

بيض الله وجيهكم على ماقدمتو

**معلومات** **العضو** · 09-12-2009, 04:41 PM

من الأيد يامنذر ملكنـي ألـى الأيـد,.,.,وعندك خبر بالحـب للقلـب سـلال
واللي سواتي لا عشق شيخة الغيـد,.,.,يجر له من صـادق الشـوق مـوال
أنا أدري أن العلم في جوف صنديـد,.,.,وماكل مايطري علـى البـال ينقـال

الله الله ,يامبارك , قصيده جزله وابيات روووعه ,صح الله السانه

واختيارنا للابيات مجرد فقط تسجيل اعجاب بالقصايد في الرد ,

واللي مهيضني ماهـوب أتلـع الجيـد,.,.,لاوالله ألا طيـب الـجـد والـخـال
مبـارك محمـد عشـيـر الأوالـيـد,.,.,يشكي من صدوف الهوى وأشهب اللال
لبيـه يامبـارك علـى كـل ماتريـد,.,.,.,أشـر وتلقانـي علـى كـل مـنـوال
عهدٍ علي ياراعي الطيـب مـا أحيـد,.,.,.وأن حدت عن دربك فلا نيـب رجـال
كفو كفو كفو ,, يابن رشود , عز الله كفيت وفيت ,,

صح الله السانك وجمل الله حالك ,, الحقيقها استمتعنا بهذه القصيدتين ..

الله لا يهينكم

دغش بن حمد

**معلومات** **العضو** · 10-12-2009, 04:34 PM

صح السانك

ولاهنت على القصيدة الجزلة

تحيتي لك

الجــــآدل

**معلومات** **العضو** · 10-12-2009, 10:40 PM

صح السان الشاعر مبارك

وصح السانك يامنذر

صوت وصدى وقصايد جزله

بيض الله وجيهكم على ماقدمتو

تحياتي ,,

**معلومات** **العضو** · 11-12-2009, 12:53 AM

ارحب يامنذر تراحيب المطر

وصح لسانك ملايين ياذيباااان

وصح لسان ابن عويد الغييثاااات

وافين وجزلين

تقديري

**معلومات** **العضو** · 11-12-2009, 01:00 AM

كفو كفو بكم ا اثنين وصح الله اللسنتكم
شاعرين مبدعين فعلا"

**معلومات** **العضو** · 11-12-2009, 01:33 AM

بيض الله وجهك وجه ابن عويد
ابدعتم
شاعرين متمكنين ورائعين
ومهما خطت الاقلام بابداعكم فانتم ازود
خالص التقدير

**معلومات** **العضو** · 17-12-2009, 08:03 AM

راشد المسعري

مرحبا والله تراحيب المطر

يابو محسن

ووجهك ابيض طال عمرك ومرورك بحد ذاته شرف لنا

الله لايهينك

وسلم لي على ال مسرع

**معلومات** **العضو** · 17-12-2009, 08:07 AM

عاشق هريسان

لاهنت على مرورك

صح بدنك وحياك الله

تحياتي

**معلومات** **العضو** · 17-12-2009, 08:10 AM

قمة الاعجاب هو ان نرى دغش الصخابره متواجد في المتصفح

حياك الله يابوحمد

وصح بدنك

شرفني مرورك ولاخلا ولاعدم

**معلومات** **العضو** · 17-12-2009, 08:11 AM

الجادل

صح بدنك

وشاكر لك مرورك

لاهنتي

**معلومات** **العضو** · 17-12-2009, 08:13 AM

فارس الدبالين ووجهك ابيض

صح بدنك

والرائع هو حضورك هنا

تحياتي لك

**معلومات** **العضو** · 17-12-2009, 08:17 AM

الشاعر الكبير محمد بن سالم

مرحبا مرحبا مرحبا

اسعدني تواجدك هنا

صح بدنك

وتراني من اشد المعجبين بطرحك الادبي يابو سالم

قواك الله

تحياتي لك

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية