هيه ياخطلان الايدي في الهوايا **يامزبنة الجلاوي من طليبه

[معلومات العضو الشكري]

المشاركة الأصلية كتبت بواسطة أبوفهيـــد

هذه قصيده قالها

الشاعر المعروف فهد بن حماد الرواعيه

يخاطب محمد بن ناصر الرجباني (( شين الحلايا))

طالبك يالله ياجزل العطايا=ماطلبتك ياوليّي تستجيبه
يالله اني طالبك زين التهايا=منوة المشتاق صلف في خبيبه
سايقه عده لمضبوط الحلايا=ريف الانضا من شبابه لامشيبه
يفرحن به لا اقبلن مثل الحنايا=وفي وجيه اللي على العيرات ريبه
يرتهون الكيف بدلال عذايا=عند منعور ومطلبهم يجي به
جعل ابو نايف تعداه المنايا=كامل الشارات سيب الطيب سيبه
في رجاء الله ثم رجاء مروي الظمايا=من يده والا يزبني صحيبه
الزمان يهول وادباشي ونايا=والقضايا جات دعواها صعيبه
هيه ياخطلان الايدي في الهوايا=يامزبنة الجلاوي من طليبه
أفزعوا لي في صعيبات القضايا=بالوجيه اللي نواظرها عجيبه
المراجل بالمناعير الطنايا=تنشرى بالمال والا بالغصيبه
والمراجل ياوثيقين العنايا=من تهيأت له فينهبها نهيبه
مايخلون الحمايا في الدنايا=كون من يرضى على نفسه غليبه

صح لسان الشاعر فهد بن حماد الرواعيه

وقول ٍ على فعل ( ما يحتاج )

ابو فهيد

سلمت يمناك وهذي عوايدك

الابداع وعودتنا عليها ولا مستغربه منك

بارك الله فيك وعساك على القوه

والف شكر على النقل الطيب


اخوك


ابو عبد الله الشكري

 

 

 

 

[معلومات العضو أبوفهيد الودعاني]

المشاركة الأصلية كتبت بواسطة الشكري

صح لسان الشاعر فهد بن حماد الرواعيه

وقول ٍ على فعل ( ما يحتاج )
ابو فهيد
سلمت يمناك وهذي عوايدك
الابداع وعودتنا عليها ولا مستغربه منك
بارك الله فيك وعساك على القوه
والف شكر على النقل الطيب
اخوك
ابو عبد الله الشكري

ابو عابد

عند مشاهدتي لأسمك وتعقيبك يستصعب علي التعبير

ويصعب علي ترتيب الكلمات

ما أقول الا جعلني ماخلا منك ولا من ردودك اللي أعتز بها

كذلك أسعـدنـي رســم بصمتــــك الرائـعـة

تحياتي لمقامك العالي ،،،