● عاجل : Art تلغي عقد ابوظبي الرياضيه ●

**معلومات** **العضو** · 28-09-2009, 03:58 AM

.
.
•

شبكة راديو وتلفزيون العرب art
الغت عقد قناة ابوظبي الرياضيه والذي بموجبه يحق للأخير نقل 90 مباراة من دوري زين السعودي
ويقال ان آخر عهد لقناة ابوظبي الرياضيه مع الـ art هو مباراة ديربي العاصمه

المصدر / شبكة الجماهير

خساره كبيره والله
بنفقد المصداقيه وبنفقد الاحترافيه في تحليل الاحداث
وبنفقد فارس عوض وبنفقد برنامج خط السته
كل هذا علشان ابوظبي الرياضيه تكلمت بصوت الحق
وبالصوت اللي يرفضه وليد الفراج ويرفضه سلطان وولد اخوه
يبون كل شي ( اوكي ) ويبون رياضتنا ( اوكي ) وكأننا اغبياء ماندري عن شي ..!!
ابوظبي اللي طلعت فضايح المنتخب وفضايح رئيس لجنة الاحتراف وفضايح الاتحاد السعودي
شي طبيعي بيكون هذا اكبر رد لها ..!!
لكن ابوظبي الرياضيه ماخسرت شي .. كسبت حب الشارع الرياضي السعودي
وعندها اهم من الدوري السعودي وهو الدوري الانجليزي السنه الجايه
والله يوفقهم ان شاءالله

**معلومات** **العضو** · 28-09-2009, 08:39 AM

ضريبة الصراحة وقول الحق
يبون ناس تطبل لهم وتظلل الجماهير

كل هذا لأن أحد ضيوف برنامج خط الستة طالب سلطان بالإستقالة
هذي الدكتاتورية اللي نعيشها في الوسط الرياضي
الريّس ما يبي أحد ينتقده وكأنه ملاك ما يخطي

وأبوظبي نجحت بنقلها المميز للدوري وإلغاء العقد خسارة للجماهير

يعطيك العافية

**معلومات** **العضو** · 28-09-2009, 04:41 PM

يعطيك العافية يارماد وسبب إلغاء العقد هو القطط العلمية المدعوسة طويلة الاجل والمسؤولين الفاشلين عنها لكن الله على الظالم ولو بعد حين وإن شاء الله يظهر الحق ويزهق الباطل ,,,,وداعاً ياأبوظبي الحيادية

**معلومات** **العضو** · 28-09-2009, 05:15 PM

الليلة الساعة العاشرة برنامج خط الستة
النقاش حول إلغاء العقد ومن المتوقع أن تكون الحلقة مثيرة وجريئة

**معلومات** **العضو** · 28-09-2009, 05:35 PM

أإنا من محبين قناة أإبوظبي بس يأإحرأإم مأإعأإد نسمع صوت فارس عوض

تحيأإتي لك يأإمبدع

تحيأإتي

**معلومات** **العضو** · 01-10-2009, 06:08 AM

.
.
•

انتهت حلقة برنامج خط السته
وانتهت حتى الاعاده لها
وبتكون فيه اعاده ثالثه يوم الاربعاء آخر الليل
ومن جد كانت حلقه غير عاديه .. كلها كوي في كوي
كلها تشرشح في القياده الرياضيه السعوديه
والجميع تكلم بكل شفافيه ومن غير اي حدود او قيود

محمد نجيب قال ان الغاء عقد ابوظبي ماجاء من الـ art
فهي مغلوبه على امرها .. ولكن الغاء العقد جاء بضغوط ( والضغوط معروفه من سلطان وولد اخوه )
واحلى شي ان محمد نجيب قعد يقرأ خطاب الغاء العقد
ومكتوب في الخطاب من فوق ( سري وعاجل )
لكن ابو زايد لاهمه لا سري ولا يحزنون .. وقاله ولاخاف من اطلق شنب في الاتحاد السعودي

تكلم بعدها محمد الدويش
وقال يعني انا ابغى اعرف شي من القائمين على الاتحاد السعودي
اذا منتخبنا الوطني خرج من التصفيات بمستوى سيء ومذل
هل يبوننا يعني نصفق لهم ولا نطبّل لهم ..؟
قال : انا لي في مجال النقد والاعلام اكثر من 30 سنه
لايعتقدون القائمين على المنتخب السعودي اني امدحهم او اصفق لهم طالما ان مافيه اي انجاز

تكلم بعدها صالح الطريقي
قال انا ابغى اعرف اللي قرر هالقرار
فكر فيه ولو لمره وحده بس ..؟
هل من كان يطالب بالاستثمار الرياضي السعودي ( يقصد سلطان )
هل فكر وش بيكون مصير الاستثمار الرياضي بعد هالقرار ..؟

تكلم بعدها عدنان جستنيه
قال وش ذنب الجمهور الرياضي ..؟
وش ذنب العاملين في قناة ابوظبي من مراسلين سعوديين تركوا قنواتهم واتجهوا لأبوظبي ..؟
قال ان هالقرار ماراح يهزّ قناة ابوظبي .. بالعكس راح يبين للكل انها على صواب
لكن هالقرار بيقطع رزق موظفين كثيرين في المملكه ..!!

طبعاً الحلقه صار فيها مداخلات كثيره واتصالات من اعلاميين سعوديين
كلهم أيدو توجه القناه .. وطعنوا في قرار الايقاف
وفي نهاية الحلقه قال ابو زايد ان البرنامج ( خط السته ) راح يستمر بنفس توجهاته وبنفس نقّاده
وقال اني تلقيت اتصال من شخصيه سياسيه سعوديه
وقال انتوا الوحيدين اللي وضعتوا يدكم على جرح الرياضه السعوديه بكل شفافيه .. استمروا والله معاكم

بإختصار الحلقه ( نار ) واللي ماشافها يقدر يشوفها بالاعاده
وقالوا كلام والله والله والله ماينقال في مطبوعه او قناه سعوديه حتى بالاحلام ..!!

**معلومات** **العضو** · 01-10-2009, 06:09 AM

.
.
•

يعني القرار جآ في صالح البرنآمج وكان افضل دعاية ودعم له
الإنسان راح يتقبل قرار التوقيف اذا كان فيه سبب
او اقلهآ فيه تشويه وتقليل من انجآزت على ارض الواقع
لكن الكرة السعودية ماتحقق انجازات على كثر المبالغ اللي تنصرف عليها
الخلل إداري والنقد واجب واذا اللي داخل حدود السعودية مجبورين يقولون كلام يعجب المسؤولين
اللي خارج حدودها مو مجبورين دام حرية الرآي متاحة لهم ويتكلمون عن الواقع بشفافية
يكفي تآييد الجمهور السعودي والإعلاميين وبعض الشخصيات الكبيرة للبرنآمج
مآدري متى المسؤولين عندنا بيقتنعون إن زمن الرآي الواحد انتهي

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية