يامل قلـبٍ فيـه مثـل الوقيـده

**معلومات** **العضو** · 19-04-2008, 03:40 PM

السلام عليكم ورحمة الله وبركاته ،،، مساءكم الله بالخير جميعاً ،،،

إليكم قصيدة للشاعر/ سعود القت ،، يقول فيها :-

يامـل قلـبٍ فيـه مثـل الوقيـده=صالي سناها يسعر الجاش ويميـع
من قـو لاهبهـا تـذوب الحديـده=تجزع مقاليـط الرجـال البواتيـع
عنيـد لكـن الليـالـي عنـيـده=ابنـي مشاريـعٍ وتهـدم مشاريـع
نريـد والله يفعـل اللـي يـريـده=وشهب الليالي واقفتلي على الريـع
قامت تخبط القلـب خبـط اللبيـده=تغلظ وانا مانـي كثيـر التجازيـع
من شافني يقـول وشـذا الوليـده=وانا زمانـي لـه عليّـه تهازيـع
نشف لدمي وايبسـه فـي وريـده=ودق الحشا دق الصفـا بالفواريـع
لي قصـةٍ مـا ترجمتهـا قصيـده=لاهب لضاها مزع الجـوف تمزيـع
تصعب تخيلهـا العقـول الرشيـده=اللـي تحـل معقـدات المواضيـع
من جورهـا مـا تحتملهـا بديـده=وإلها تشوّك روس كل الرواضيـع
يعلم بها الخالـق وتجهـل عبيـده=والسر خيـطٍ والخلايـق قواطيـع
تسعالهـا روس الـردا والنقـيـده=اهل الهـروج مكثريـن الزوابيـع
اللي مـع الجـره مغيـره معيـده=وتـرب ديـان الخلـي البلاقـيـع
والذيب ذمه مـا ينقّـص رصيـده=يرقا عن التفاق عسـر المطاليـع
ما ياصلـه زوم النفـوس البليـده=اللي على زلات الانفـس مطاميـع
تعلا النشامـا بالخصـال الحميـده=واهل الخطايا في خطاهـم مدانيـع
وكم من عضيدٍٍ علته من عضيـده=وكم نايـدٍ مبعـد كثيـر التنافيـع
وخف من عـدوك مـرةٍ مستكيـده=وخف من صديقك بالشهر والاسابيع
وموت الفتى بالمرهفـات الحديـده=اخير من صبره على الـذل والتيـع
والرجل تطلعه الضـروف الشديـده=والا الرخا كـلٍ يشـوح المراميـع
والفقر مـزلاج الفعـول المجيـده=والناس تفرق مثل فرق الاصابيـع
والعمـر فانـي والليالـي مديـده=والذنب عاشق والخطايـا مفاريـع

وسلامتكم ،، مع خالص التحية والاحترام ،،

**معلومات** **العضو** · 19-04-2008, 06:58 PM

**معلومات** **العضو** · 19-04-2008, 09:03 PM

والذيب ذمه مـا ينقّـص رصيـده=يرقا عن التفـاق عسـر المطاليـع

صح الله لسان الشاعر الفحل سعود القت وسلمت يمينك ياصالح على النقل المميز

**معلومات** **العضو** · 22-04-2008, 08:20 AM

اقتباس:

المشاركة الأصلية كتبت بواسطة العضوالمنتدب

صح ابدانك ،، مرحبا ،، أتشرف بمرورك ،،
تقبل خالص التحية و الاحترام

**معلومات** **العضو** · 22-04-2008, 08:22 AM

اقتباس:

المشاركة الأصلية كتبت بواسطة سالم بن صمهود

والذيب ذمه مـا ينقّـص رصيـده=يرقا عن التفـاق عسـر المطاليـع

صح الله لسان الشاعر الفحل سعود القت وسلمت يمينك ياصالح على النقل المميز

مرحبا يا سالم،، ويمينك سالمه،، التميز وجود ردك العطر،،
أتشرف بمرورك الجميل ،، تقبل خالص التحية و الاحترام.

**معلومات** **العضو** · 14-05-2008, 12:19 AM

مشكور ياصالح وشلون أهل الهجره

**معلومات** **العضو** · 14-05-2008, 12:31 AM

تعلا النشامـا بالخصـال الحميـده
واهل الخطايا في خطاهـم مدانيـع

وكم من عضيدٍٍ علته مـن عضيـده
وكم نايدٍ مبعـد كثيـر التنافيـع

وخف من عدوك مـرةٍ مستكيـده
وخف من صديقك بالشهر والاسابيع

وموت الفتى بالمرهفـات الحديـده
اخير من صبره على الـذل والتيـع

ابيات جزله من شاعر جزال
لاهنت اخوي صالح الجعيدي
على الانتقاء الرائع للقصيده ولشاعر

تحياتي لك ...