.××.حظك على حظك تشجّع وجـــــرب ..××

**معلومات** **العضو** · 26-04-2009, 02:01 AM

مساء الخير

لكم مني قصة أعجبتني ،، سمعتها من صوت محمد بن فطيس

وراح انقلها لكمـ بإسلوبي ،، قصة تحكي عن الحب

وتناقض نظرة الناس له // مابين مجرب ،، ومن لم يجرب بعد ..

تناقض النظرة للحب،، مابين شااب مندفع ،، وشاايب حكيمـ

يقول ابن فطيس ،، كنت توي شاب في مرحلة الإعدادي

وجالس مع الوالد ،، وربعه .. سوالف وعلوم رجال وشعر

المهم واحد من الرجال ،، قال يالربع اليوم كنت ماشي بدربي

شفت لي بيت شعر مكتوب على جدار ،، يقول :

أعلان للي مابعد جرّب الحب *_*_* يترك طريق الحب قدر استطاعه

فيه الهنا ياتيك ساعه ويذهب *_*_* وفيه العنا ياتيك في كل ساعــه

المهم ابن فطيس يقول البيتين اعجبنه ،، وقعد يفكر فيها بالليل !!

تعرفون توّهـ شباب ،، وقلبه خظر // مسك ورقه وقعد يكتب ..

المهم من بكرة والرجال جالسين قال محمد يالربع ،، أنا قريت بيتين

وبقولها لكمـ :

اعلان للي مابعد جرب الحــــــــــــب *_*_* يسلك طريق الحب بس بشجاعه

فيه الوفا والغدر والصدق والكذب *_*_* وفيه الفراق وفيه شوق اجتماعه

حظك على حظك تشجّع وجـــــرب *_*_* ان صبت والا غير تاخذ مناعـــــه

ويضحك والد محمد ،، وقال // من كتب هالابياات ؟ ،، قال محمد : أنا

قال أبوهـ عطني الورقة ،، ويكتب عليها :

أعلان للي مابعد جرب الحــــــــــب *_*_* يترك طريق مايجوز اتباعـــــــه

مع الرجا والخوف والياس والذنب *_*_* لو دام وصله ماومنت انقطاعه

شيئ غريب يشاع بالشرق والغرب *_*_* تركه قلاع واتباعه قلاعــــــــه

وسلامتكم..