بعد الغياب2

**معلومات** **العضو** · 16-04-2009, 03:03 PM

السلام عليكم ورحمة الله وبركاته

هذه مشاركه ثانيه اتمنى ان ترضيكم

وهذي قصيده عقب ماسيرنا على آل جاسر الوداعين

يالله عسى القانس قنوفه مزابيرينهل وبله ويتجدد ربيعه

يزف فيها النبت ويغرد الطيرطبيعة(ن) يازينها من طبيعه

تلقى الخزاما والنفل والنواويرمتخالطات(ن) في فياض ونقيعه

حيثه مرب(ن) للرجال المناعيراللي كما وصف الحصون المنيعه

يرعون فيها السود جل(ن) واباكيرماهمب فيها يرتضون الهزيعه

مكاسب(ن) ماهيب مشرى دنانيريوم أن ولد اللاش ضيع صنيعه

هذي مكاسبهم على الشر والخيروهذي قلايعهم قليعه قليعه

في جنبها اللي يحتمون المعاشيراللي حموها بالسيوف الوريعه

من مارثة ودعان ريف الخطاطيرقوم(ن) منازلهم براس الطليعه

وأفعالهم يشهد بها قول الاميرفي حرب نجران(ن) وحرب الوديعه

ذا قول من فكر ودار التفاكيروتساوقت مثل التبيع وتبيعه

جتني رسالة شاعر(ن) حزة عصيريامرحبا باللي علومه سنيعه

يامرحبا عد القنوف المحاديربروقها فالنو يلمع لميعه

بك ياعشير المرجله والمخاسيريلي كسبت الطيب طبع وطبيعه

مثايلك فيها وقار(ن) وتقديرلانك من رجال(ن) تذب الرفيعه

هل ست ماهابوا جموع وطوابيروعدوهم ضاقت عليه الوسيعه

وهل ديرة(ن) فيها الكرم والتباشيرونخيلها محصولها ماتبيعه

يابو حمد لاهنت في حسن تعبيرمتميز(ن) دايم بيوتك شنيعه

**معلومات** **العضو** · 17-04-2009, 01:00 AM

صح السانك ونصيت حماية التالي لاد الحنيشي
اكرم معزيب والعواني ال جاسر كفو للمدح وانت تستاهل يابوحمد
شهادتي فيك مجرررروحه لك تحياتي..

**معلومات** **العضو** · 17-04-2009, 01:47 PM

صح لسان الشعار والله ونعم فيهم كلهم

**معلومات** **العضو** · 28-04-2009, 12:47 AM

الشاعر العزيز الغالي : ابوحمد " منذر بن رشود

صح الله السانك وعتلا شانك وزادك الله من زوايد فضله

ليس غريب منك الابداع فأنت اهل الابداع

وافي من عرب وافي جعلكم المعزه

ويستهلون الوداعين جعلهم المعزه

تقبل مني ارق التحايا في مقامك العالي

اخوك / فهد الغريري

**معلومات** **العضو** · 28-04-2009, 12:48 PM

منذر بن رشود
صح لسانك على هذي الرائعه والرد الوافي ومساجله جزله وعذبه

ونعم والله بال جاسر الوداعين ونعمً باللى انت منهم والمدح فيكم يزهى

إعجابي بنصك الشعري وطرحك

**معلومات** **العضو** · 28-04-2009, 02:04 PM

والله والنعم بال جاسر الوداعين

ابو حمد صح الله السانك والسان الشاعر محمد ابن جاسر ال حنيش الودعاني

الله يعطيك العافيه على ايراد القصيد الجزل والمناسبه

تحياااااااااااااااااااااااااااتي

**معلومات** **العضو** · 28-04-2009, 05:48 PM

منذر بن رشود

صح لسانك على هذي الرائعه

وبارك الله فيك

تقبل تحياتي,,

**معلومات** **العضو** · 12-05-2009, 02:25 PM

ارررحب يابن بطحيه

وصح بدنك

ويستاهلون الجاسر العلم الطيب وهم كفو للطيب

لاهنت على مرورك يااستاذي

مصطفى الدوسري

صح بدنك وماعليك زود

ابو راشد فهد الغريري مرحبا ومسهلا

صح بدنك وماعليك زود

شاكر لك مرورك متصفحي

نايف الخييلي

ارحب تراحيب المطر

مرورك يضفي على متصفحي له طعم خاص

لاهنت وشاكر لك مرورك

ابو بدر اررررحب ارررحب

صح بدنك وماعليك زود

مرورك شرف لي يابو بدر

فيصل الشكري

ارحب تراحيب المطر

صح بدنك يافيصل

شرفتني بمرورك ياذيب

**معلومات** **العضو** · 12-05-2009, 02:59 PM

اولا صح لسانك ولا هنت على هالقصيده الجزله من رجال جزل

ثانيا ونعم ملايين بال جاسر اهل البل واهل العلوم الغانمه

كرم وطيب قلب وحسن معشر

الله يعزهم ويجمعهم بطاعته ويزيدهم من فضله بني عم وعواني

**معلومات** **العضو** · 13-05-2009, 08:18 PM

الشاعر منذر بن رشود صح لسانك وبيض الله وجهك ويستاهلون المدح آل جاسر الوداعين وعساهم على القوه

**معلومات** **العضو** · 13-05-2009, 09:20 PM

صح الله لسانك يابو حمد قصيده جزله

ويستاهلون الممدوحين

تقبل مروري

**معلومات** **العضو** · 18-06-2009, 03:22 PM

اخوي منذر بن رشود

صح لسانك ولله يجمل حالك على الجزاله المتفرد بها دئمآ

لك التحيه والتقدير

**معلومات** **العضو** · 02-06-2011, 07:24 PM

لاهنت يا اخييي الشاعر
منذر بن رشود
كلمات روعه وصح السانك
وسلمت الأيادي على القصيده الجزله
وفي انتظار ابداعكم

يا حلو الايام لو ترجع على كيفـــــــي
ما كان قلبي شـكى فـرقا مواليفـــــــه
كانـوا بقـربي ولا يحتـاج تكليفـــــــــي
واليوم راحوا ودمعي صعب توقيفـــه

&&&
اخواني واخواتي الشعراء والشاعرات مشاركتكم
في هذا القسم
بالقصائد والخواطر تضفي عليه النور

مع تحيات
Greetings
اسد الوادي ومحب الريان القطري
Lion of the Valley and loving Rayyan of Qatar
مشعل دعثان الودعاني الدوسري
Mishal dathan al wdani al dosari

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية