تعد هذه القصيدة من أبرز القصائد النبطية على الإطلاق

[معلومات العضو وسمي الدوسري]

تعد هذه القصيدة من أبرز القصائد النبطية على الإطلاق
القصيدة : من أدب الحكمة
للشاعر / مـحـمــد الأحـمــد الـسـديــري

يقول من عدى على راس عالي *** رجم طويل يدهله كل قرناس
في راس مرجوم عسير المنالي *** يشتاق له مندق بالقلب هوجاس
قعدت في راسه وحيد لحالي *** والقلب في لجات الافكارغطاس
قعدت أعد ايامها والليالي *** دنيا تقلب ماعرفنا لها قياس
ياما هفت به من رجال مدالي *** ماكنهم ركبوا على قب الافراس
ولارددوا صم المك للتوالي *** ولاثار عج الخيل في كل مرواس
ولاقلطوهن للكمين الموالي *** ولاصار فوق ظهورهن شلع الانفاس
في حومة الهيجا لهن اجتوالي *** كل يبا من زاية الفعل نوماس
من بينهم عود الجنا والسلالي *** مثل البروق الليل الادماس
اقطعك دنيا مالها اول وتالي *** لو اضحكت تبكي وتوريك الاتعاس
يابجاد شب النار ودن الدلالي *** واكسر لنا يابجاد مايقعد الراس
فنجال يضيع ماتصور ببالي *** وروابع نضرب بها اخماس واسداس
لعل قصر مايجيله ضلالي *** ينهد من عالي مبانيه للساس
لاصار ماهو مدهل للرجال *** وملجا لمن هو يشكي الضيم والباس
بحسناك ما منشي حقوق الخيالي *** ياخالق اجناس ومفني اجناس
تجعل مقره دارس العهد بالي *** صحصاح دو خالي مابه اوناس
لاخاب ضنك بالرفيق الموالي *** مالك مشاريه على باقي الناس
وان ناشني من بعض الادنين صالي *** ماني عن الزلات مخبر وبلاس
كالعنبر الغالي بالاسواق غالي *** ولادرهم الفضيه على صفر ونحاس
اجزيه بالصدع جنوب وشمالي *** واتلى هوى قلبي اليا هب نسناس
المستريح اللي من المـقل خالي *** ماهو ولجات الهواجيس غطاس
ماهو بمثلي مشكلاته جلالي *** عجزت اسجلها بحبر وقرطاس
حملي ثقيل وشلت حملي لحالي ** ونصبر على ضيم الليالي والاتعاس
برسي كما ترسي عوال الجبالي *** ماينهزع حيد عليه القدم داس
متى تربع دارنا والمفالي *** تخضر فياضه عقب ماهي بيباس
وتشوف فيها الديدحان متوالي *** مثل الرعاف بخصر مدقوق الالعاس
ينثر على البيداء ســـــوات الزوالي *** يشــــرق حماره شرقة الصبغ بالكاس

 

 

 

 

[معلومات العضو نايف الخييلي]

فعلاً قصيده مشهوره لشاعر وأديب وفارس

إختيار رائع وموفق ياوسمي ورحم الله الامير محمد السديري

تحياتي لك

 

 

 

 

[معلومات العضو فيصل الشكري]

لاهنت ياوسمي على القصيده النبيطه المشهوره


وبارك الله فيك



تقبل تحياتي,,

 

 

 

 

[معلومات العضو ابوبدر المصارير]

لـعــل قـصــر مايـجـيـلـه ضــلالــيينهـد مــن عـالـي مبانـيـه للـسـاس

لاصـــار مـاهــو مـدهــل لـلـرجــالوملجا لمن هو يشكي الضيم والباس

لاخــاب ضـنـك بالرفـيـق الـمـوالـيمالـك مشاريـه علـى باقـي الـنـاس

وان ناشني من بعض الادنيـن صالـيمانـي عـن الــزلات مخـبـر وبــلاس

الله يرحم الشاعر الكبير والامير محمد السديري ويسكنه الجنه

لاهنت يابو مبارك على ايراد القصيدة الله يعطيك العافيه

تحيااااااااااااااااااتي

 

 

 

 

[معلومات العضو وسمي الدوسري]

أخوتي وأحبتي الكرام
نايف الخييلي
فيصل الشكري
ابوبدر المصارير حفظكم الله
شكراً لمروركم وتعليقكم السديد
وأن يرحم الله أبو زيد ويسكنه فسيح جناته