محدن طلب منكم طوابير وصفوف

[معلومات العضو راشد المسعري]

السلام عليكم ورحمة الله وبركاته: هذي قصيدة احببت نقلها لكم وهي للشاعر المبدع فارس الفصام ، حيث يقول:

هلل وكبر يابطـل والعـن الخـوف=الخوف غارن مانجـا مـن لجابـه
في صفحتن سودا بقى رسم وحروف=للعـز مكتوبـه فـي غـزه كتابـه
العـز راس ولا لقينـا لـه كتـوف=والله يستـر لا يبـيـن صـوابـه
اسس لها شيخ شهيـدن ومعـروف=يالله عسى الهملول يسقـي ترابـه
تعاهدوا بالمـوت والعالـم تشـوف=وكلن على موتـه تسوقـه صبابـه
مير البلا لا صار شيبان وضعـوف=فـي بيوتهـم ماحركـو لـو ذبابـه
واطفال ترجي لقمتن تاصل الجـوف=وصياحهـم يمـلا الأماكـن كـأبـه
حول عليهم نار واهـوال وحتـوف=شقق بها صـدر الرضيـع وثيابـه
ترى الحروب اخلاق وسلوم وعروف=هي محزم الفارس وخيـرة زهابـه
وسكاتنا ياعـرب ماهـوب مألـوف=وبعض السكات تشوف فيه الأجابـه
محدن طلب منكم طوابير وصفـوف=ومحدن طلب منكم جيوشـن تجابـه
لأننا نعرف تعاندكـم ظـروف ...!!=وظروفكـم يـا للأسـف والغرابـه
معاهـدة سلـم ومواثيـق وحلـوف=لاواسفـا بالـقـدس لا واسفـابـه
اقلهـا مـدو يـد العـون وكفـوف=واصغ المسامع فـي قنيـب الذيابـه
فكوا حصارن قد حميتـوه بسيـوف=وسيوفكـم دونـه تـذود بصلابـه
لكن ياشجعـان غـزه ألا ..سـوف=يبيـن صبحـن ماغشتـه الضبابـه
وبدر الكرامه يكتمل مابـه كسـوف=وتكسر رماح فـي ظهـور القرابـه
لكن تحزم يابطـل وادفـن الخـوف=واركز على قبـره عظيـم النصابـه

 

 

 

 

[معلومات العضو ابو زيد الغييثي]

اررررررررررحب تراحيب الحيـا

راشــد بن محسن المسعري

لاهنت يا شوق البنت على نقل

هذه الابيات المعبرة للشاعر

فــارس الفصام وصح اللسانه

مليون ولا يوفون

محبك / ابو زيــد

 

 

 

 

[معلومات العضو فيصل الشكري]

لاهنت أخوي العزيز / أبو محسن على نقل القصيده


وصح لسان الشاعر / نايف الفصام على الابيات والمعاني الجزله


والله ينصر أخواننا الفلسطينين


وتقبلوا تحياتي,,

 

 

 

 

[معلومات العضو أبـ ريماس ـو]

صح لسان الشاعر فارس الفصام وسلميت يمينك يالقرم على الطرح الرااااائع تقبل شكري

 

 

 

 

[معلومات العضو نايف الخييلي]

عشت ياراشد على ذا الاختيار الرائع

وعز الله قصيده في الصميم وابياتها معبره وتحكي الواقع المؤسف

صح لسان الشاعر فارس الفصام