قصيدة للشاعر / عبد الله بن زويبن الحربي

[معلومات العضو عبدالرحمن الشرافي]

السلام عليكم ورحمة الله وبركاته ,,,

هذه قصيدة للشاعر / عبد الله بن زويبن الحربي




ياراكب اللي يـوم تسمـع وشيشـه

وشيش رقطاً ذيلهـا بالعصـاء نيـش

قامـت تحـك جنوبهـا مستهيـشـة

وتبيـن أنيـابٍ سـوات المناقـيـش

يمرج مع البيـدا إمـراج الخريشـة

إلى أمرجت بين الوحش والنواحيـش

مـن عقـب ماهـي للمنايـا وليشـة

بين الصقـور ومبهمـات النواتيـش

حيت حياة اللـي بتالـي الحشيشـة

عقب الدرك شرب القراح النقاريـش

جمسٍ يربح كـل مـن حـط شيشـة

يتعـب بتعبيتـه طـوال الخراطيـش

إلى وقف يكـوي الكبـود الغشيشـة

وإلى مشى ما يلحقه مومي الريـش

برقٍ من العارض جذبنـي رعيشـه

يـوم يتـلالا بالمـزون المراهيـش

وأثره ما يسقـي الكبـود العطيشـة

يبرق ويرعد مير مدري على ويـش

لا تحتزم باللـي ضلوعـه هشيشـة

اللي ليا سمع النـداء صـد تطنيـش

لا تحتزم بـه لـو تحيـزم بخيشـة

ما يقطع الدِيـان ركـض الأكاديـش

وبيتٍ بليـا سـاس مثـل العريشـة

يطيح لـو لمـع ببويـه و ورنيـش

وجرد السهـال الخاليـات الوحيشـة

اللي تطوى في شجرهـا الحنافيـش

أخير من ضله ،،، وبعض المعيشـة

يعافها الطيب ،، ويفرح بهـا الديـش

وقال المثل : ( مامن ورى طلع بيشة

عيشة ) وراس الضبي ما به عراميش



عبد الله بن زويبن الحربي




تحياتي,,,,



** الشرافي **

 

 

 

 

[معلومات العضو ابن هديهد]

الشرافي

الله لايهينك ويبيض وجهك

أحسنت لختيار وصح الله

السان الشاعر .واننتظر منك المزيد

 

 

 

 

[معلومات العضو العماني]

لاهنت اخوي بوطارد على القصيدة الطيبه

تقبل تحياتي،،