قصيدة للشاعر صالح بن جارالله المري

[معلومات العضو ابو طارد]

القصيدة للشاعر صالح بن جارالله المري ..
اتمنى ان تنال رضاكم ,,

الرفقة اللـي مبتداهـا علـى مـاش=تاتـي نهايتـهـا مـثـل مبتـداهـا
من لا اجتهد في مبتدى العمر ما ناش=السمعـة اللـي ترفعـه لا احتمـاهـا
والمرجله بير(ن) ارشاها من الكـاش=يارد لهـا اللـي صامـل(ن) لا بغاهـا
اترك رفيق(ن) ما يعيـش ويعتـاش=ويقسـم اللقمـه الـى مـن خـذاهـا
ودور عريب الساس وابعد عن اللاش=اللـي يصيـد برميـتـه لا رمـاهـا
هذاك قرم(ن) خوتـه تبـرد الجـاش=صنديـد صامـل لابغاهـا.... لقاهـا
قسمه سمين(ن) بالمراجل الى حـاش=والمرجلـه فـي راس عيطـا بنـاهـا
عـزام جزام(ن)بمسـرى ومغبـاش=وكريـم يـجـزل مـدتـه لاعطـاهـا
وراسه الى سمع العزاوي لها شـاش=ويـرد لعيـون الـنـداوي انـداهـا
لا كلحـت لنيـاب ماهـو بيـنـداش=فعلـه جميـل وكلمتـه فـي اقـداهـا
لاجاوه الضيفان جاء عنده اخـراش=يخـاف مـن تقصيرتـه فـي اقراهـا
وقلبه مع ربعه مثل صافـي الشـاش=ولا ثقلـت احمـول الضعيـف قواهـا
من بينه فعلـه يقولـون لـه عـاش=ويعتز فـي ربعـه ويكسـب ارضاهـا
وكلمة ((نعم)) مع ساير الناس ببلاش=لاشـك ويـن اللـي بفعلـه سبـاهـا

وسلامتكم ،،،،،،،،،،،

 

 

 

 

[معلومات العضو سعد المقابله]

صح الله لسانك ولسان الشاعر

واشكرك على الاختيار الموفق