زلقت حبة الشمري ( المثل وقصته )

[معلومات العضو راشد المسعري]

(ازلقت حبة الشمري)


حبة الشمري كلها جت من بصري الوضيحي الشمري والقصة تقول:


ان بصري الوضيحي راح يحج ويتوب الى الله ..وان يتوب عن التغزل والغزل ...كونه مشهور بالغزل .. وبعد كبر سنه نوى ان يتوب ..
طلب من ابنه لكي يحججه ... وبعد ما سعى وطاف طلب من ابنه ان يحب الحجر الاسود .. ولكن الحجر الاسود كان مزدحم من الناس ...رجال ونساء ... والرؤوس متقاربه بعضها لبعض .. فتزاحم معهم بصري وابنه .. وعندما وصل الى الحجر ويريد حبة الحجر ... اعترضت بينه وبين الحجر ....خدة أمراه جميله كانت تريد حبة الحجر ... وفي هذه اللحظه السريعه انبهر بصري الوضيحي من لمعان خدة المرأه وبدل مايبوس الحجر باس وجنة المرأه ....فقالت له المرأه حج حج ياشايب ... وحاول ولده أنه يرقع الموضوع قال هذا شايب تايه ...فأنخجل الوضيحي وقال يابعد حيي زلقت الحبة ابيها بالحجر وصارت فيك ....وصار هذا مثل (ازلقت حبة الشمري)



وقال القصيدة :

التايه الي جاب بصري يقنه =هيض جروح العود والعود قاضي
جينا نحب ونطلب الله جنه =جنة نعيم يوم يبس الحياضي
ياليت كانت حبتي في معنه =يوم العيون عن الخوامل غواضي
يامن يعاوني على وصف كنه =اشقح شقاح ولاهق بالبياضي
الريح لازفرة ولاهي مصنه =ريح النفل بمطمطمات الفياضي
والخد ذابوح القلوب المرنه =براق مزنٍ لاعق اللون ياضي
ياليت لو سني على وقم سنه =بايام مابيني وبينه بغاضي
أيام جلد الذيب عندي محنه=نصبح وزرق الريش لهن إنتفاضي
ياجرح قلبي جرح وادي وطنه =غر المزون اللي وطنه وفاضي
البيض قبلي محسنٍ عذبنه=ونمر على وضحى جرا له عراضي
والبيض كم ٍ واحد ٍ يبسنه =يبسة شماشيل العذوق النفاضي
عزي لمن غر الثنايا كونه =واركن على كبده كوايًّ عراضي
الا التوى بستان قلبي سقنه=واخضر جنابه عقب يبست الحاضي
القلب غضات الصبايا شعنه =بنت الشيوخ مخدمين الحياضي
شوفي بعيني والخدم يركبنه =على زعاع يوم قوطر وناضي
فوق اشقح من زمل ابوها مضنه =ركبة عليه اتشنطح ٍ باعتراضي
وامشجر من سوق هجر مغنه =على خياطة نابي الارداف راضي
وين انت يامشفي على طردهنه= انا طويت ارشاي وقفيت قاضي
انا صدرت ووردهن عقبنه= على العدو مشرعات الحياضي
احد بوسط النار واحد بجنه = وترى البخيت اللي له الرب راضي

وبعد مارجع الوضيحي ندم على مافعل وقال:

ويقال

ان احد ابناء شمر كان حاجا وكان جسيما اي قوي البنيه..
وكانت تطوف بجانبه عجوز قد اضناها التعب قفزت على ظهره واراد ان ينزلها فصاحت به : امك أمك يمال فصاح الناس به : أمك أمك يالعاق

عرف خطتها وقال : ام بلابها الشيطان يابعدي والله مهي بامي
وتقبل الامر وطاف بها حتى انتهى



وصارت مثل بين الناس (( أم بلابها الشيطان))

 

 

 

 

[معلومات العضو ابوبدر المصارير]

راشد المسعري الله يعطيك العافية

والله يبيح من بصري الوضيحي ويغفرله

والشمري من طويلة على نياتهم يرزقون

عرضة أرنب عرضة قدامه

 

 

 

 

[معلومات العضو ابو فهد الغييثي]

لاهنت ياراشد على القصه الرائعه

والله يرحم الشمري ويغفر له

تحياااااااااااااااااااتي

 

 

 

 

[معلومات العضو أبن جلوي الشكرة]

لاهنت ياراشد على القصه الرائعه

تحياتي وتقديري

 

 

 

 

[معلومات العضو راشد المسعري]

الحبيبي ابو فهد الغييثي ابو جلوي الشكرة ارحبوا والله لا يهينكم يالنشاما على مروركم العطر وتقبلوا ودي وتقديري ،،،

 

 

 

 

[معلومات العضو بنت الشايب]

قصص وامثال ممتعه

لاهنت ياراشد

 

 

 

 

[معلومات العضو ماجد الدوسري]

مثل وقصة مشهورة ولكن المثل الأخير توني أعرف سالفته مع إني اسمع به في المجالس مبطي
يعطيك العافية ياراشد وشكرن لك

 

 

 

 

[معلومات العضو محمد الولامين]

لا هنت يابومحسن على ماقدمت

وسلمت يمناك .... والله يرحم اموات المسلمين بواسع رحمته