يــا راكــب الــليــي يــوم تــســمــع و شــيــشــه

[معلومات العضو راشد جفن الهاجري]

ياراكب اللي يـوم تسمـع وشيشـه=وشيش رقطاً ذيلهـا بالعصـاء نيـش
قامـت تحـك جنوبهـا مستهيـشـة=وتبيـن أنيـابٍ سـوات المناقـيـش
يمرج مع البيـدا إمـراج الخريشـة=إلى أمرجت بين الوحش والنواحيـش
مـن عقـب ماهـي للمنايـا وليشـة=بين الصقـور ومبهمـات النواتيـش
حيت حياة اللـي بتالـي الحشيشـة=عقب الدرك شرب القراح النقاريـش
جمسٍ يربح كـل مـن حـط شيشـة=يتعـب بتعبيتـه طـوال الخراطيـش
إلى وقف يكـوي الكبـود الغشيشـة=وإلى مشى ما يلحقه مومي الريـش
برقٍ من العارض جذبنـي رعيشـه=يـوم يتـلالا بالمـزون المراهيـش
وأثره ما يسقـي الكبـود العطيشـة=يبرق ويرعد مير مدري على ويـش
لا تحتزم باللـي ضلوعـه هشيشـة=اللي ليا سمع النـداء صـد تطنيـش
لا تحتزم بـه لـو تحيـزم بخيشـة=ما يقطع الدِيـان ركـض الأكاديـش
وبيتٍ بليـا سـاس مثـل العريشـة=يطيح لـو لمـع ببويـه و ورنيـش
وجرد السهـال الخاليـات الوحيشـة=اللي تطوى في شجرهـا الحنافيـش
أخير من ضله ،،، وبعض المعيشـة=يعافها الطيب ،، ويفرح بهـا الديـش
وقال المثل : ( مامن ورى طلع بيشة=عيشة ) وراس الضبي ما به عراميش

الشاعر : عبدالله بن زويبن الحربي

 

 

 

 

[معلومات العضو ابو فهد الغييثي]

صح السان الشاعر/عبدالله الحربي

ويعطيك العافيه على طرحها ولاهنت

تحياااااااااااااااااااتي

 

 

 

 

[معلومات العضو راشد جفن الهاجري]

ولا لنت يا ابو فهد

الله لا يهينك على الرد

 

 

 

 

[معلومات العضو شافي القويسي المخاريم]

الشاعر ابن زويبن قصائده كلها جميله
صح لسااااانه
و انت مشكور يا الهاجري على الطرح
تحياااااااااااااتي

 

 

 

 

[معلومات العضو السيف دايـم]

صح لسان عبدالله بن زويبن لاهنت يالذيب على نقلك القصيده وإتحافنا بها

 

 

 

 

[معلومات العضو محمد الولامين]

صح لسان الشاعر : عبدالله بن زويبن الحربي


ولا هان من نقل القصيده


وبيض الله وجهك

 

 

 

 

[معلومات العضو راشد جفن الهاجري]

شافي المخاريم ما تقصر على الرد

و الله لا يهينك على التواصل الطيب

 

 

 

 

[معلومات العضو راشد جفن الهاجري]

السيف دايم

لاهنت على الرد و ما تقصر يالقرم

 

 

 

 

[معلومات العضو راشد جفن الهاجري]

محمد الولامين

لاهنت على الرد يا ذيب

وما تقصر لك كل الإحترام و التقدير