خالد بن مدعث

[معلومات العضو شافي القويسي المخاريم]

يا هبايب ردّي العلم عني وش بقى !!؟ = مابقى الا عرق ينبض و قلب ٍ منتحي
كان ما جيتي وقلتي لي : أبشر باللقا = لا تجيني خايبه في محلتس امرحي
السهر والهجر دافيك يا قلب الشقى = و عان ذي بقى تفرّك مثل فرّ الرحي
جعل يوم ٍ فيه قلبي توعّى ما سقى = صحته الأيام يا ليت قلبي ما صحي
ليت قلبي للمحبه تهايق و اتقى = كان ما زينت لـ اجنود عينه مذبحي
من ضحك بالمبتلى راح يلقى ما لقى = يوم كنت اضحك على اهل الهوى والصالحي
صرت انا والسهر والحزن والهم أصدقا = قمت الحفهم معايه بطارف مشلحي
لا نزل واحد من اصحابي الثاني رقى = صاحبوني جعل صحبة هذولا تنمحي
من معه حيله حيل ، من معه هقوه هقى = بس والله مايصير الشنب تحت اللحي !؟
الكرامه ( عز ّ ) ، ودنيا بلا ( عز ّ ) امحقى = ليه جبنا قولة : الله يعين المستحي
ولو تجيني حلو الايام عندي وش بقى !!؟ = ما بقى عرق ينبض و قلب ٍ منتحي