26-07-2005, 10:59 PM
|
#1 | ||||
|
صوت وصدى .... ابن مهدي الحبابي وابن سويدان السباعي
أول جوابي بديت وطالبن ربي = وأسأله المغفرة والعفو والتوبة وأنا على طاعة المعبود متربي = ولا أنسى ولا أصد عن ربي ومطلوبه ويابو سويدان همي قام يلعبي = لعب الهبايب بغصن نابتن دوبه وأسير في العارض المنقاد وأذبي = ولا تضجرت من مبداي ودروبه زين التماثيل قمت اصبها صبي = صب الذهب في مصانع فن واعجوبه ونصيتها شاعرن ماهوب متغبي = فرج وذكره مع الشعار ذاعوبه وعنوانها الطيب والتقدير والحبي = لرجال شجعان بالتقدير محبوبة آلدد زايد حماها الله من السبي = أهل الشجاعة بوقت الجهل وحروبه قوم تجب العدا عند اللقاء جبي = ومنهم شجيعن له القيفان ملعوبة قرم ليا شافني هلّا ورحبـّي = بدلال رسلان لأهل الكيف مشروبه جاني خبر الإتصال وجاني النبي = وجيتك على وارد البهوان وجيوبه باطا معك في الطريق الصعب واطبي = والنفس في دبرة الرحمن مجلوبة حضرت واللي تبيه يكون وملبي = واللي تبي صار والعوصات مركوبة يابو سويدان تر موعدك غلبّي = وهمّيت موعدك وأقبلنا لكم صوبه وهمي بغبة غزير الموج يقلبّي = والقلب في وسطه النيران مشبوبة وهم وزا في صميم القلب ويشبي = أسباب وقتن يخلي الروح مغلوبة وقت تساوى به الثعبان والضبي = فيه الوفاء بعض صدقانه تناسوبه اللي معه مال له جاه وينحبي = لو كان ناقص جدود مدح منسوبه وقشارة البرتقال أعبص من اللبي = وعندك خبر يالشلي فيما تمالوبه واللاش لاش وناره دايم تهبي = والقرم يقضي لزوم اللي تهقووبه وتبت يدا أبي لهب وابو جهل تبي = واللي جمع مال ما أدى عنه ماجوبه يفدوك منهو لدرب الشين متعبي = والناس من منهج الناموس لعبوبه النذل ينسى من التقدير ويكبي = الأنذال من الطيب منسية ومكبوبة وانت الزميل الشجاع وتفهم الطبي = افزع لقلبن عجزت احصل طبوبه ظامي ولا شرب من نهر المسيسبي = ولا تهنا لمطعومه ومشروبه وختامها لك سلام عد ماهبي = ما حن رعد السحاب ونشّت نصوبه وكان رد الشاعر/ فرج بن سويدان :-
أول جوابي ذكر ربي على قلبي = ما أنسى فضايل جزيل المد وعجوبه
مدبر النود من شرقي ليا غربّي = وعباده ليا شكو من الظيم لاذوبه ألوذ بحماك ياربي من الذنبي = وأعوذ بك من بعض الأشرار وذنوبه واستغفرك يا إلهي وانت تعلم بي= موحدك واطلبك يا قاضي النوبة يالله يا عالم الاسرار تعلم بي = وتستر عيوبي من الشمات واسلوبه وتحفظ مسيري من الزلة وتمن بي = وعبدك ليامن رجاك تهوّن كروبه ومن بعد ذكره بيوت الشعر هزن بي = هز الهواء الصلف راقي كل مشذوبه وغنيت أنا القاف والأشعار دكن بي = واخترتنا من جزيل الشعر وعذوبه ردن على الشاعر اللي جاني ملبّي = أهلا هلا به وماجابه ومن جوبه رحبتنا به قدر ماهو يرحبّي = وحطيت له مع سمان الحيل معصوبه من شان ذكر أبو مهدي مايجنبّي = نعم بما قلتنا والمدح له جوبه من لابتن تنطح البارود لا شبّي = حبابيةٍ في اللقاء بالطيب محسوبة شجعان قومن لهم عاداتن تنبي = وكم شيخ قومن من ربوعه تسمووبه وجتني شكاويك يامحمد وضرنبّي = ويلزم علي لازمك لا حل ماجوبه من همك اهتم قلبي لين عذبّي = وأنا على اللي تبي لو دونه صعوبه همك طواني وسنّد بي وحدرّ بي = وسهرت ماذقت نوم اللي تهنوبه وهواجس القلب تشمل بي وتجنب بي= وإن قلتنا اسج ساعة فر دالوبه ويدوي بي الهم والأفكار تضربّي = والنفس من شدة التفكير مصيوبة وشكواك يالقرم من وقت امبهذل بي = الوقت هذا يشيب الراس باتعوبه وقت رفع من تعلم لعبة القبي = وطمّن رجالن من الشجعان منيوبة والصبر زينٍ على الشدات لو غبّي = وإن قاله الله زمانك تقطف اطروبه وإن كان شكواك من شيٍ تحيزمبي = وما ينفعك ياصبي الجود وش هوبه معك الرحايل على لازمك يمشن بي = على الذي مابعد في القاع داجوبه من طوكيو صنعة الجابان محضبّي = هبسن يبّعد عماس اللي تمشوبه يعجبك خبه مع الأسهال لا خبّي = وليا نطحت الوعر ذبيت مذروبه فيه الدبل جاهزن ماخفت ينشبّي= أربع وتسعين ريش الصقر بجنوبه وختامه عدد ما هبّي وما دبّي = على محمد شفيع الخلق صلوّبه
|
||||
|
|
|
|
26-07-2005, 11:20 PM
|
#2 | ||||
|
صح الله لسانك ولسان الشعار
|
||||
|
|
|
|
27-07-2005, 08:29 AM
|
#3 | ||||
|
راااااااااااااااااااائع يا مسعري
|
||||
|
|
|
|
27-07-2005, 08:33 AM
|
#4 | ||||||||
|
أبو عبدالمحسن المسعري
لاشلت يمناك يالقرم على الأختيار الأكثر من رائع هناك صوت رائع جداً وهنا صدى أروع شاعرين كبيرين وجزلين صح الله لسان الشاعرين محمد بن مهدي الحبابي القحطاني والشاعر فرج بن سويدان الضباعين السباعي المسعري إختيار موفق كالعاده لاعدمنا تواجدك يالسنافي عاطر التحايا دغش البطي
|
||||||||
|
|
|
|
27-07-2005, 10:12 AM
|
#5 | ||||
|
ماشاء الله على هذه الأبيات الرائعه والأخوة النادره
|
||||
|
|
|
|
27-07-2005, 12:05 PM
|
#6 | ||||||||
|
|
||||||||
|
|
|
|
27-07-2005, 02:46 PM
|
#7 | ||||
|
أرحبوا يارجاااال
الأخوة الأعزاء الغالين :
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 02:09 PM
