خل التغلي

[معلومات العضو ابوسلطان الرجباني]

الاخوة الزوار والاعضاء الكرام اليكم هذه الابيات والتي نالت اعجابي وانقلها لكم وهي للشاعر مجدل بن ريمان بن وثيلة وارجو انا تنال اعجابكم



خـل التـغـلي عـنـك لا تنـجـح الـكي
وداو الجروح اللي قدامن جديدة
في غـيبتـك لا نيـب مـيت ولا حــي
والقلب لامن جيتني جاه عيده
حرك مشاعر شاعرك واشعل الضي
وخله من الفرحة يحوك القصيدة
كـني ملـكت اعلى العمـارات فدبـي
وحتى الوليد اخاشره في رصيده
واشعـل ظـلام الليل فتنه معا غـي
مشاعري ماهيب يمك بليدة
تـعـال جـنبـي وان تـمـاديتـنا عـي
والله ما اسوي غير شي تريده
مير انتبه لا تاخذ بخاطـرك شـي
يا تاج راس الزين ياسيد سيده
لك من هجير الشمس في داخلي في
وضلوعي من البرد لحف مديدة
وقامت تيسم ومسكت بطرف يدي
ونستني اسمي والجروح التليدة
وقالت وش اكثر ماعجبك مني وفي
واحترت اجاوبها بجملة مفيدة
من هول ماشفته ولا يشبهه زي
والله له الـقدرة بخـلقة عـبيده
وراحت وانا مانيب ميت ولا حي
وخلتلي جروحن قدامن جديده

 

 

 

 

[معلومات العضو شافي القويسي المخاريم]

يا ابو سعود



لاهنت على طرح القصيده الرائعه


و نبيك تمتعنا بقصائد الشاعر مجدل


تحياتي

 

 

 

 

[معلومات العضو يحيى الودعاني]

صــــــــــــــــــــــــــــــــــــــح لسان الشاعر

وبيض الله وجهك على النقل

لاهنت

 

 

 

 

[معلومات العضو ابو فهد الغييثي]

صح السان الشاعر والله يعطيك العافيه على النقل

 

 

 

 

[معلومات العضو ابوسلطان الرجباني]

الاخوة شافي ويحيى وابو فهد كل الشكر على مروركم الكريم

 

 

 

 

[معلومات العضو بدر الخضران]

لاهنت على طرح القصيده الرائعه

 

 

 

 

[معلومات العضو ابوسلطان الرجباني]

الاخ بدر الخضران كل الشكر على المرور الكريم

 

 

 

 

[معلومات العضو ابوسلطان الرجباني]

وين الردود ياشباب عسى الموضوع اعجبكم

 

 

 

 

[معلومات العضو ريتآل]

صح لسااان الشـــاعر مجدل ابن وثيله

ولاهــنـت اخوووي على النقل ولاتحرمنا جديدك

تقديري لكـ

 

 

 

 

[معلومات العضو ابوسلطان الرجباني]

تناهيد كل الشكر على المرور الكريم