عمايم نجد - قصيدة في جلاجل

**معلومات** **العضو** · 21-03-2008, 06:53 PM

((عمايم نجد))

كتبتها والقيتها في احتفال اهالي جلاجل بسدير بعيد الفطر 1428هـ

استلموا لاهنتوا

جتنـي البـارح عمايـم نجـد فــي جـمـع لفـيـف=اقـبـلـت تـلـحـق بعـضـهـا والعـمـايـم عــطــرا
واقبـل اكبرهـم ولـه فـي شيبـتـه لـيـل خفـيـف=قــال خبـرنـي عــن جـلاجـل واهلـهـا بـخـبـرا
هـات علـم يـروي الناشـد ويبصـر بـه كفـيـف=وايـتـنــا بـالـعـلـم كــلــه لاتــشــح وتــذخـــرا
وقتهـا توحـي بداخـل ضامـري صـوت هتيـف=وش عـلام اهـل العمايـم باظـلـم اللـيـل خـطـرا
قلـت ياحـي اللـوافـي ياسـعـد قـلـب المضـيـف=ارحـبـوا يـاسـيـاد قـــوم الـبـاديـة والـحـضـرا
(1)نوخـوا فــي دار فيـحـان النـخـل جــال منـيـف=والخـبـر صـوغـة فـهـيـم للنـشـامـا مـحـضـرا
واسمعـوا مـنـي تفاصـيـل النـبـا عـلـم وكـيـف=دلـــة الـعـلـم الـوكـيــد مـزعـفــرن ومـبـهــرا
بافتل الحاضر مع الماضي على الشغل النظيف=حـي ربـعـي حــي طاريـهـم الــى مـنـه طــرى
ديـرتـي دار النشـامـا مابـهـا يـذكــر كـسـيـف=ربـعـي العـقـد الثمـيـن الـلــي درره الـمـرمـرا
طبعنـا حـب المـكـارم وامـرنـا عــزوة حلـيـف=مـاتـرى بـالـدار قـاصــر يانـشـيـدي مـاتــرى
عـزة مـن فضـل ربـي عــزة الـديـن الحنـيـف=طيبـيـن الــذات مــن طـيـب القـلـوب العـشـرا
حالفتـنـا سـيـرة التعلـيـم مــن دهـــر ونـيــف=عــد فــي بـالـك رجــال العـلـم مـنــا واخـبــرا
مخرجـات جلاجـل مـن المعرفـة سيـل جـريـف=مــن قـديــم الـوقــت وانـــا للمـعـالـي سـبــرا
(2)انت ماشفت الطبيب اللي على الشاشات شيف=تـسـلـم الـيـمـنـى يـمـيـنـه لاحـقـيـنـه حــيــرا
(3)والجـرايـد حـامـت بكتابـهـا فـــي كـــل نـيــف=كـنـهـم بـافـكـار قــراهــا تـعـلــو مــــع كــــرا
والتمـيـز كــم حفلـنـا بــه وهــو فيـنـا مـريـف=مـابـرى مـنــا وحـنــا مـنــه مانـنـشـد بـــرى
(4)فيـه مـن يرعـاه مـن مالـه ويعطيـه ويضـيـف=يشـمـلـه راعـــي الطـويـلـة حـاتـمــي خــيــرا
مــن يـشـب صغيـرنـا تلـقـاه للعـلـيـا هـديــف=يـكـبــر ويـلـحـقـه جــيــل للـمـعـالـي ســيـــرا
اختصـار القـول فيهـم حاضـر زاهـر حصـيـف=الــدلايـــل مـاتــبــدل ســـطـــرت بـالـدفــتــرا
ويالعـمـايـم دامـكــم عـانـيـن للـعـلـم الكـثـيـف=ليتـنـا نستـذكـر الـمـاضـي ونـرجــع لـلــورى
(5)الحـق اخبـار المؤسـس ويـن خـيـم يالعـريـف=وانشـد اهـل الباديـة بالصيـف ويــن تحـضـرا
كـان بـه جـوع وكـان جلاجـل المنصـا لضيـف=مرغـديـن ومكرمـيـن الـجـار كــم شــي جــرا
يالشعر وش تاتقول وفـي ثناهـم وش تضيـف=ابــك ذولا مـنــزل الـعــزة وللـطـيـب الـــذرى
مجلس جلاجل به دروس الشيم شتوه وصيف=بـالـسـواري والمجـابـيـب الـشـهــادة تـنـقــرا
المـصـافـا والنـخـيـل وذوق سـلـجـة ذريــــف=خـلــدت ذكــــرى كــــرام لـلـخـلايـق تــذكــرا
(6)العـلاوه كـم روت عطشـان فــي ظــل وريــف=قـبـلـة الـلــي مـــع تـرابـيـع القـعـيـر حــــدرا
(7)وكـم شبـع جايـع وعـز بجالنـا خاطـر ضعيـف=والـقـري يشـهـد ونــاس فــي طريـقـه عـبـرا
(8)والشماليـه لـهـا فـزعـة مــع الـوقـت الكلـيـف=اقـر فــي تـاريـخ اهلـهـا واقــر لـلـي مـاقـرى
(9)وانشد المرقب وهو ينبيك وين الطيـب شيـف=بالخـلـيـفـي والـحـويـطـة طـيـبـيـن الـمـذكــرا
الربيـع ولـو يطـول الـوقـت يلحـقـه الخـريـف=لـكـن جـلاجـل ربـيـع طــول عـامــه اخـضــرا
مزهر باهلـه مـن عصـور النشايـب والنزيـف=واكمـلـه ربــي بـحـكـم الـديــن وازداد زهـــرا
الحصيلـة ياعميـلـي علمـنـا منـسـف وسـيـف=وانت جل في ديرتي وارجـع وقلـي وش تـرى

وسلامة الجميع

جلاجل بن عبدالمحسن الجلاجل - مدينة جلاجل - منطقة سدير

---------------
(1) فيحان احد مسميات مدينة جلاجل بمنطقة سدير وتسمى بذلك بكثرة نخيلها وزروعها وكثيرون من يحبون تسميتها بالاحساء الصغير لكثرة النخيل فيها .

(2) في اشارة للدكتور عبدالله الربيعة (احد ابناء مدينة جلاجل) وهو الطبيب الجراح المشهور في عمليات فصل التوائم .

(3) في اشارة الى الكاتبين الصحفيين عبدالعزيز السويد وعبدالرحمن الاحيدب .

(4) في اشارة الى رجل الاعمال الشيخ عبدالعزيز الشويعر (ابوزكي) الداعم الاول لجميع مشاريع جلاجل ومحافلها .

(5) في اشارة الى تخييم الملك عبدالعزيز في منطقة (العميري) في جلاجل اثناء توحيد المملكة ولم يختر الملك عبدالعزيز التخييم قرب جلاجل الا لمعرفته بقوة ومنعه اهلها ومساندتهم له .

(6) العلاوه (7) القري (8) الشمالية(9)الخليفي -الحويطة ، وهي المناطق الزراعية الرئيسية التي تنقسم اليها مدينة جلاجل قديماً

**معلومات** **العضو** · 21-03-2008, 06:59 PM

نومـ11111س

صح اللسانكـ واعتلا شانكـ

ولاهنت على هذه الابيات الرائعه

أخوكـ / ابو زيد

**معلومات** **العضو** · 21-03-2008, 07:05 PM

صح بدنك يابو زيد

شرفت المتصفح بمرورك الله يزيدك شرف

**معلومات** **العضو** · 25-03-2008, 02:43 PM

الاخ نوماس
بيض الله وجهك على ذالابيات الجزله
وحقيقه ماهذا مكانها مكانها أبداعات الشعراء

**معلومات** **العضو** · 26-03-2008, 03:33 AM

نومـ11111111س

صح الله لسانك على القصيدة الجزلة وجلاجل وأهلها يستاهلون ما قيل فيهم

ومن الغريب ان دخولك بإسم مستعار وهذا مستواك الشعري العالي

اتمنى اتحافنا بكل ما هو جديد وطلب تعديل معرفك الى اسمك الصريح ..

تقبل خالص الود والتقدير ..

اخوك في الله

محمد الغريري

**معلومات** **العضو** · 15-04-2008, 01:31 AM

اقتباس:

المشاركة الأصلية كتبت بواسطة المسعري

الاخ نوماس
بيض الله وجهك على ذالابيات الجزله
وحقيقه ماهذا مكانها مكانها أبداعات الشعراء

ووجهك يالمسعري

مرورك شرف يالذيب ولاهنت

**معلومات** **العضو** · 15-04-2008, 01:34 AM

اقتباس:

المشاركة الأصلية كتبت بواسطة محمد الغريري

نومـ11111111س

صح الله لسانك على القصيدة الجزلة وجلاجل وأهلها يستاهلون ما قيل فيهم

ومن الغريب ان دخولك بإسم مستعار وهذا مستواك الشعري العالي

اتمنى اتحافنا بكل ما هو جديد وطلب تعديل معرفك الى اسمك الصريح ..

تقبل خالص الود والتقدير ..

اخوك في الله

محمد الغريري

هلا وغلا بالغريري

صح بدنك ولاهنت وماقلت قولك الا من طيب معدنك

واسمي مذيلة به القصيدة

وملاحظتك اخذها امر يالنايب بس لاعدينا الخمسين مشاركة قدرنا نراسلكم ان شاء الله

**معلومات** **العضو** · 15-04-2008, 01:49 AM

ارحب

يانوماس شاعر جزل ويستاهلون ربعنا وجماعتنا في جلاجل

العلم الغانم ونحن نفخر بكل اهالي هذه الديره المباركه

تحياتي

**معلومات** **العضو** · 15-04-2008, 02:12 AM

هلا ومرحب ياماجد

من طيبك والله وتشرفت بمرورك الله لايهينك

**معلومات** **العضو** · 15-04-2008, 10:31 PM

مشاركة رائعه

وقصيدة جميلة تستحق الاشادة

**معلومات** **العضو** · 16-04-2008, 11:01 AM

اقتباس:

المشاركة الأصلية كتبت بواسطة فهدالمحيسن

مشاركة رائعه

وقصيدة جميلة تستحق الاشادة

الرائع تشريفك لها يابن العم

الله لايهينك

**معلومات** **العضو** · 16-04-2008, 09:16 PM

ديرتـي دار النشامـا مابهـا يذكـر كسـيـف=ربعـي العقـد الثميـن اللـي درره المـرمـرا
طبعنا حـب المكـارم وامرنـا عـزوة حليـف=ماتـرى بالـدار قاصـر يانشـيـدي مـاتـرى
عزة من فضـل ربـي عـزة الديـن الحنيـف=طيبيـن الـذات مـن طيـب القلـوب العشـرا

كفو يا اهل جلاجل وصح الله لسانك وبيض الله وجهك

**معلومات** **العضو** · 16-04-2008, 09:24 PM

كفو باهل جلاجل ، وصح الله لسانك اخوي جلاجل واعتلا شانك على هذه القصيدة الجزيله والجميلة في معانيها وقافيتها .

وبيض الله وجهك ، ونحن نطمع بالمزيد من ابداعاتكم الشعريه

تقبل تحياتي،،

**معلومات** **العضو** · 21-04-2008, 10:40 PM

اقتباس:

المشاركة الأصلية كتبت بواسطة سالم بن صمهود

ديرتـي دار النشامـا مابهـا يذكـر كسـيـف=ربعـي العقـد الثميـن اللـي درره المـرمـرا
طبعنا حـب المكـارم وامرنـا عـزوة حليـف=ماتـرى بالـدار قاصـر يانشـيـدي مـاتـرى
عزة من فضـل ربـي عـزة الديـن الحنيـف=طيبيـن الـذات مـن طيـب القلـوب العشـرا

كفو يا اهل جلاجل وصح الله لسانك وبيض الله وجهك

ماعليك زود والله يابن صمهود

وعز الله انك اخترت الابيات اللي قريبات من قلبي

لاهنت

**معلومات** **العضو** · 21-04-2008, 10:43 PM

اقتباس:

المشاركة الأصلية كتبت بواسطة هايف العماني

كفو باهل جلاجل ، وصح الله لسانك اخوي جلاجل واعتلا شانك على هذه القصيدة الجزيله والجميلة في معانيها وقافيتها .

وبيض الله وجهك ، ونحن نطمع بالمزيد من ابداعاتكم الشعريه

تقبل تحياتي،،

ماعليك زود يالمعزب ، وصح بدنك ،، ووجهك ابيض ان شاء الله

وابشر والله باللي يسرك ويطرب خاطرك

الله لايهينك على مروروك اللي يطلق الوجه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
محمد بن عبدالله بن جلاجل الجلاجل (من رجال الدولة السعودية الثانية)	جلاجل الجلاجل	:: قسم أمـراء وفـرسان وأعـلام الـدواسـر::	9	03-01-2011 12:48 PM
قصيدة من رشيد الزلامي موجه الى نخبة من كبار الشعراء الخليج	الوسمي الدوسري	:: قسم الـشعر العــام ::	13	13-10-2010 06:55 PM
قصيدة مزاين جلاجل	جلاجل الجلاجل	:: قسم إبداعات شعراء المنتدى ومساجلاتهم ::	5	21-07-2010 12:35 AM
لأمير سلطان بن محمد يفتتح حفل جائزة جلاجل للتميز (صور)	صحافة الدواسر	:: قسم مناسبات وأخــبار الـدواسـر ::	2	07-06-2010 11:36 PM
التغطية الـمصّورة للحـفل الثـاني لموقع الدواسر الرسمي برعاية الغرره	الإداره	:: قسم اللقــاءات والفعاليات والتغطيات الخاصة::	29	18-08-2007 06:40 PM

الذين يشاهدون محتوى الموضوع الآن : 4 ( الأعضاء 0 والزوار 4)

		منتديات صحيفة وادي الدواسر الالكترونية