قصيدة شاب توفي بنفس اليوم اللي شاف فيه غريمته تخونه مع عشيره....

[معلومات العضو الشقرديه]

قصيدة شاب توفي بنفس اليوم اللي شاف فيه غريمته تخونه مع عشيره

شوف عيني يوم شفتجج مع غريمي تضحكين . .. الله واكبر بينكم طاحت حدود الميانه

لا تجيني لا تظني في فؤادي ترجعين .. . احفظي عذرك لنفسك ماكو عذر للخيانه

ليه خنتي من يحبك في عبارات الحنين . .. يوم شفتك مع غريمي حبنا مات بمكانه

قالت اشرح قلت ما بقى من جنابج تشرحين . .. خل يفيدك يا غشيمة من تخونيني عشانه

قالت اقسم قلت لا لا طلبتك تقسمين . .. انتهينا وكل واحد مننا يمضي بشانه

قالت ارحم يرحمك والله رب العالمين .. وكل حب غير حبك ماله عندي اي خانه

ليه قلبك مارحمني عيّا يلين . .. ليه قلبك ماغمرني ما احتواني في حنانه

كل هذا وماعرفتي عن سواتي تسئلين ... قالت اصبر نتواجه كل شي في اوانه

ولك عين بعد يالغشيمة تواجهين . . وش يكون الرد دام خنتي هالامانه

ليه لو كنتي بمكانك كنت تحكمين ليه سكتي ما تردين جاوبيني يافلانه

ماكو حل صدقيني غير انك تبعدين . . من تخون الحب مالها عندي اي قدر ومكانه

مابقى لك شي عندي لوسمحتي ترحلين . . مات حبك في خفوقي وانتهى ماضي زمانه

لو تقولي من الشبه إيه يخلق اربعين . . قلت لكن كل واحد له طباعه له كيانه

الهوى مثل المعارك تخسرين و تربحين . . كل عاشق لازم إنه يمتطي صهوة حصانه

ماعلى الرجاال ألزم من الكرامة تعلمين . . مستحيل ارجع و انا ادري بالرجوع اكبر اهانه

في رجوعي عن قراري صدقيني تحلمين . . والرجل لا شك يقضب لا تكلم من لسانه

زبدة الهرج اسمعيها قلتها في كلمتين . . ماتراجع عن قرارً صادر مني بيانه


توفي قائل القصيده بنفس اليوم بحادث مروري
الله يرحمنا برحمته الواسعه التي وسعة كل شيء


منقوله

 

 

 

 

[معلومات العضو بنت صقور]

اشكرك يالشقرديه على هالقصيده ومااقول الا حسبي الله عليها
وهو الله يرحمه ( من جد تأثرت )..
تقبلي مروري...

 

 

 

 

[معلومات العضو صاحب السمو]

(((( الشقرديه )))) تحيتي العطره لكـ ,., اكيد ماكانت تحبه بصدق لان من احب شخص يوفي له ومايخونه ابد ,., اختـي اشكركـ علـى نقـلكـ الرائـعـ والمتـميز دائـما عـنـ جـد كلماتـ جميله جدا في معانيها الحزينه ..اللـه يعـوضه بالحـور العينـ بالجـنه .. تقبلي مروريـ البسيـط بيـنـ صفحـاتكـ الألمـاسيـه.. تحياتـي صاحب السمو

 

 

 

 

[معلومات العضو الشقرديه]

الف شكربنت صقور وتسلمين على المرور

ايه والله حسبي الله عليها

الشقرديه

 

 

 

 

[معلومات العضو الشقرديه]

الف شكروعافيه صاحب السمو تحية تقدير وشكروعرفان لشخصك الكريم

على تنويرك متصفحي لمواضيعي سعدت بوجودك

لاهنت اخي

الشقرديه

 

 

 

 

[معلومات العضو سالم الحراجين]

اشكرك يالشقرديه على هالقصيده ومااقول الا حسبي الله عليها
وهو الله يرحمه ( من جد تأثرت )..
تقبلي مروري...

نقبلي مروري الطيب

 

 

 

 

[معلومات العضو الشقرديه]

الف شكراخ سالم الحراجين لك حق تتاثرحسبي الله عليها الخاينه

 

 

 

 

[معلومات العضو محمد ال مطيلق]

مشكوره اختي الشقرديه على النقل الرائع

احترامي وتقديري لك

 

 

 

 

[معلومات العضو عبدالله الغييثات]

تسلم يمناك
ع الطرح الراائع
وكلن مكتوب يومه
وولاهني

 

 

 

 

[معلومات العضو الشقرديه]

الاخ محمدال مطيلق/عبدالله الغييثات
لاهنتوجميعا على المرور

 

 

 

 

[معلومات العضو الزين]

ماعلى الرجاال ألزم من الكرامة تعلمين = مستحيل ارجع و انا ادري بالرجوع اكبر اهانه

تسلمين ياالشقرديـــــــــــــــه

والله يرحمـــــــــــه ويستر علي كل مسلم ومسلمه ويهديهم

 

 

 

 

[معلومات العضو الشقرديه]

المشاركة الأصلية كتبت بواسطة الزين

ماعلى الرجاال ألزم من الكرامة تعلمين = مستحيل ارجع و انا ادري بالرجوع اكبر اهانه

تسلمين ياالشقرديـــــــــــــــه

والله يرحمـــــــــــه ويستر علي كل مسلم ومسلمه ويهديهم

تسلمين بنت العم الغاليه على المرورلاهنت وعساك على القوه
وكل عام وانت بخير وسنه سعيده عليك باذن الله