" يايــبه " لــ ناصــر الفراعنه

[معلومات العضو نايف الخييلي]

بسم الله الرحمن الرحيم




قصيده للشاعر الكبير ناصر الفــراعنه قالها أثناء مرض ابوه . وهي تعبر عن مشاعر ابن

تــجاه والده . حبيــت أوردها لكم لعلّها تحظى بإعجـــابكـــم .


ويقول ناصر الفراعنه ::

يايبـه يانـور عيـنٍ تبلشهـا السـهـر=يايبه ماجـور ماجـور يانسـل الكـرام
يايبه ياعزوتي مـن صواديـف الدهـر=يوم طير الظيم فوقي نفض ريشه وحـام
لأجلك العيـن انتثـر دمعهـا دمٍ حمـر=والحشا كنه على واهج الرمضـا حطـام
يايبه وإن خانك الساق أنا ساقـك وسـر=ان بغيت السهـل والا شواهيـق العـدام
يايبه وإن قصر الشوف شوفك ماقصـر=دامني لك شوف وعيون فوقـك ماتنـام
يايبه وإن خانك الكف أنـا كفـك حجـر=إضرب بي اللي تبي هامـةٍ والا قـوام
يايبه وإن خانك السمع أنا إذنـك فالبشـر=في ذمتي ماتسمع ألا خبر عـزك يقـام
يايبه وإن خانوا أصحابك أنا صحيبك جبر=مير مافأصحابك اللي عطى درب الملام
يايبه وإن درهم القوم أنـا دونـك بحـر=والله إن تبطي مضاريبهم بـرد وسـلام
يايبه لاغطـرف القمـري الشـادي ودر=جر هاجوس المعنى عليك أحلـى كـلام
يايبه ياعزة الجـار وضيـوف السحـر=يامزبـن واحـدٍ طقتـه بقعـا وهــام
مالقيتك بفرجة السـوق تصلـخ وتهـدر=الك عند الناس قـدرٍ وهيبـة وإحتـرام
ولاأنت باللي فوق جاره عصاته تنكسـر=يمدحك جارك وضيفك وربعك والخصام
وكان سبَّل عسعس الليل ثوبـه واستتـر=شف دمعك في صلاتك مثل وبل الغمـام
ياعسى يفدى قدم رجلك اللـي ماانعثـر=رجلك اللي ماسعت كود في عز المقـام
كم وكـم فنجـال بـنٍ بمجلسـك انتثـر=مجلسٍ للعود الأزرق على وكره مـرام
وكم سمانٍ راعي الضان لقدومك ذخـر=حثهن بأطـراف كفـك لضيفـانٍ حشـام
كن نقفـة دمهـن فالثـرى سيـلٍ حـدر=وكن ريح شحومهن فالفضا ريح الخـزام
يايبـه شفـت الليالـي مجاهيـم وعفـر=عن مباغيـت المنايـا التهينـا فالحطـام
كلنـا يـدرق عليـه الزمـان وينتـثـر=فوق منصوب الشداد وعلى ظهور المسام
يايبه من زاد كاد وخفـى عـزه شهـر=وأنت عزك فالخضيرا جلا جنح الظـلام
يايبه من هام شـيٍ وهـو مالـه ظهـر=ذاق دون اللي يبي مزة الحنظـل شمـام
يايبه من يبغي المجـد مـن دون معـذر=مثل زارع شتلةٍ فالصبخ يبغى الصـرام
من همـل فرجـه بليـا سميـنٍ ماظفـر=تنطحه شمسٍ تجدويـه مطعـوم السمـام
يايبـه تسبيحـةٍ يـوم جنـح الليـل در=ماتساوي وزنها كنوز مصـرٍ والشـوام
يايبه ماشق صم الصفـا غيـر الصبـر=والكدر عقب الصبر ينتحي مثل الحـلام
يايبـه دنيـاً لقينـا لهـا بطـن وظهـر=الحظيظ اللي بها عـز نفسـه واستقـام
والختام بريـح مسـكٍ وريحـانٍ ذعـر=الصلاة الزاكيـة مـن ضميـرٍ مستهـام
للنبي الهاشمي صاحب الكـف الخضـر=عد ماغنى على خضر الأغصان الحمـام

وســــلامـــتكم

 

 

 

 

[معلومات العضو ابو زيد الغييثي]

الاستاذ الكبير : نـــــــــــــايف الخييــــلي
حي الرجال وحي ماجاب

مبدع في اختياركـ لهذا الشاعر

والاكثر ابداعاً هو اختيارك هذا النص

عن اعز انسان قد يكون للشخص وهو ( الاب )

نسأل الله ان نكون بارين في والدينا


محبك ومغليكـ


ابو زيد

 

 

 

 

[معلومات العضو أبونواف الدوسري]

الأخ العزيز نايف الخييلي

فعلا قصيد رائعه

الله يجزاك خير ويرحم والديك

 

 

 

 

[معلومات العضو الزين]

يايبه ياعزة الجـار وضيـوف السحـر =يامزبـن واحـدٍ طقتـه بقعـا وهــام
مالقيتك بفرجة السوق تصلـخ وتهـدر =الك عند الناس قـدرٍ وهيبـة وإحتـرام
ولاأنت باللي فوق جاره عصاته تنكسـر =يمدحك جارك وضيفك وربعك والخصـام
وكان سبَّل عسعس الليل ثوبـه واستتـر =شف دمعك في صلاتك مثل وبـل الغمـام
ياعسى يفدى قدم رجلك اللـي ماانعثـر =رجلك اللي ماسعت كود في عـز المقـام
كم وكـم فنجـال بـنٍ بمجلسـك انتثـر =مجلسٍ للعود الأزرق على وكـره مـرام

تسلــــــــــم يمينك يانايف الخييلي علي النقل وصــــــــح لسان الفراعنــــــــــــه

والاب مهما قلنا فيـــــــــــه من كلام والاشعــــــــــر محنا موفينه حقه

 

 

 

 

[معلومات العضو فيصل بن جزاء]

تسلــــــــــم يمينك يانايف الخييلي علي النقل وصــــــــح لسان الفراعنــــــــــــه

والاب مهما قلنا فيـــــــــــه من كلام والاشعــــــــــر محنا موفينه حقه

 

 

 

 

[معلومات العضو بنت الاشراف]

صح لسانك ولسان الشاعر الكبير ناصرالفراعنه
وبيض الله وجهك لنقل هذه القصيده الرائعه

 

 

 

 

[معلومات العضو فتىالوادي]

الأخ/ نايف الخييلي
فعلا القصيدة رائعة وصح لسانة
والله لايهينك

 

 

 

 

[معلومات العضو نايف الخييلي]

المشاركة الأصلية كتبت بواسطة ابو زيد الغييثي

الاستاذ الكبير : نـــــــــــــايف الخييــــلي
حي الرجال وحي ماجاب

مبدع في اختياركـ لهذا الشاعر

والاكثر ابداعاً هو اختيارك هذا النص

عن اعز انسان قد يكون للشخص وهو ( الاب )

نسأل الله ان نكون بارين في والدينا



محبك ومغليكـ


ابو زيد

اخــوي ابو زيد الغييثي

الله يبقيــكـ على ردك الراقي واسلوبك الجميل الغير مستغرب منك بس لي تحفظ على قولة ( الاستاذ الكبير )

فهالكلمه تطلق لمن هو أهلً لها وليست مجازيه على العموم شرفني مرورك الكريم


ولكــ ودي وتقديري

 

 

 

 

[معلومات العضو ابو زيد الغييثي]

المشاركة الأصلية كتبت بواسطة نايف الخييلي

اخــوي ابو زيد الغييثي

الله يبقيــكـ على ردك الراقي واسلوبك الجميل الغير مستغرب منك بس لي تحفظ على قولة ( الاستاذ الكبير )

فهالكلمه تطلق لمن هو أهلً لها وليست مجازيه على العموم شرفني مرورك الكريم


ولكــ ودي وتقديري

خلاص انت دكتور

وانت مثل هداج تيما ننهل منه العلوم

 

 

 

 

[معلومات العضو نايف الخييلي]

المشاركة الأصلية كتبت بواسطة ابو زيد الغييثي

خلاص انت دكتور

وانت مثل هداج تيما ننهل منه العلوم

أقول لاتقول أستاذ وتقول دكتور !!


لاتبالغ في مدحي ثم أصدق نفسي ولاعاد أكلم احد



لكــ تقديري

 

 

 

 

[معلومات العضو نايف الخييلي]

الأخ العزيز نايف الخييلي

فعلا قصيد رائعه

الله يجزاك خير ويرحم والديك

ابو نواف

ووالديك - انشاء الله - والرائع هــو مرورك أشكرك وحياك الله

 

 

 

 

[معلومات العضو عبدالله الحافر الغييثي]

الأخ العزيز نايف الخييلي فعلا قصيد رائعه الله يجزاك خير ويرحم والديك

 

 

 

 

[معلومات العضو نايف الخييلي]

المشاركة الأصلية كتبت بواسطة الزين

يايبه ياعزة الجـار وضيـوف السحـر =يامزبـن واحـدٍ طقتـه بقعـا وهــام
مالقيتك بفرجة السوق تصلـخ وتهـدر =الك عند الناس قـدرٍ وهيبـة وإحتـرام
ولاأنت باللي فوق جاره عصاته تنكسـر =يمدحك جارك وضيفك وربعك والخصـام
وكان سبَّل عسعس الليل ثوبـه واستتـر =شف دمعك في صلاتك مثل وبـل الغمـام
ياعسى يفدى قدم رجلك اللـي ماانعثـر =رجلك اللي ماسعت كود في عـز المقـام
كم وكـم فنجـال بـنٍ بمجلسـك انتثـر =مجلسٍ للعود الأزرق على وكـره مـرام

تسلــــــــــم يمينك يانايف الخييلي علي النقل وصــــــــح لسان الفراعنــــــــــــه

والاب مهما قلنا فيـــــــــــه من كلام والاشعــــــــــر محنا موفينه حقه

ويمـــناتس سالمه يالزين

ومثل ماقلـــتي الابو لانوفيه حقه بالقصيده ولابغيره من الكلام . وحيـــاتس الله

تسلــــــــــم يمينك يانايف الخييلي علي النقل وصــــــــح لسان الفراعنــــــــــــه

والاب مهما قلنا فيـــــــــــه من كلام والاشعــــــــــر محنا موفينه حقه

فيصل بن جزاء

ويمناك سالمه يابو سعد واشكـــرك على مرورك الكريم

صح لسانك ولسان الشاعر الكبير ناصرالفراعنه
وبيض الله وجهك لنقل هذه القصيده الرائعه

بنت الاشراف

صح بدنتس . اسعدني مرورتس الكريم . ووجهـــتس ابيض ويامرحبا

 

 

 

 

[معلومات العضو نايف الخييلي]

الأخ/ نايف الخييلي
فعلا القصيدة رائعة وصح لسانة
والله لايهينك

فتى الوادي


الرائع مرورك وحيـــاك الله

الأخ العزيز نايف الخييلي

فعلا قصيد رائعه

الله يجزاك خير ويرحم والديك

خميس الغييثي

حيـــاك الله والله يجزاك خير على كلامك الطيب