مقنطفات من شعر الأمير محمد السديري رحمه الله

[معلومات العضو ضيدان محمد الشرافي]

قالوا وحيد وقلت ما عندي أوناس=وقالوا غريب : وقلت بأرض بعيدة
فكرت بالدنيا بتقديـر و إحسـاس=ولاجت لي الدنيا على ما نريـدة
اللي نبيه تقطعت عنـه الأرمـاس=وعنه إختفت كل العلوم الحميـدة
يقطعك دنيا ما لهـا أول وتالـي=لو أضحكت للغبن تقرع بالأجراس
المستريح اللي من العقـل خالـي=ما هو بلجات الهواجيس غطـاس
ما هو بمثلـى مشكلاتـه جلالـي=أزريت أسجلهن بحبر و قرطـاس
أخذت أعـد أيامهـا و الليالـي=دنيا تقلب ما عرفنا لهـا قيـاس
كم فرقت ما بين غالي وغالـي=لو شفت منها ربح ترجع للأفلاس
دنياك يا مخلوق يظهر بها أشكال=توريك صفحات وتكشف لك الغيب
تخفى عنك حال وتبدى لك أحوالت=كدر مشاريب وتصفى مشاريـب
يفنى بها جيل و تخلق بها أجيال=ولو أضحكت تبكي وفيها عذاريب
للمفتهم فيها جديدات وأسمـال=بيض لياليهـا و سـودٍ غرايـب
دنياك تجري بين الاقفا والإقبـال=وليا أوجهت غارات خيل مهاذيب
دنيا يبيـد حيلهـا كـل محتـال=تدور لك دورات عجل الدواليـب
إن كان بي عذروب حبي لهل نجـد=أحبهـا وأحـب شـمـة هـواهـا
أحبهـا يـوم أنهـا ديـرة المجـد=دار تمكـن بالضمـايـر غـلاهـا
دار غلاهـا باجـد مهجتـي بجـد=دار لنـا دار ظـلالـي سمـاهـا
إن غبت عنها الحقت وجد على وجد=متذكـر عقـب البطـا بـرد ماهـا
في وسط نجد اتبع هوا كل نسناس=وأطرب لشوق طيورهـا وتغريـده
أعشق ليالي نجد لو أنها أدمـاس=وأيامهـا عنـدي جنـان سعيـدة
شمى لعشب رياضها يقعد الـراس=ومافات من ساعات عمري يعيـده
شوف الزهر يبعد عنا كل هوجاس=ويزيح عن قلب الشقا مـا يكيـده
وأحب نجد وكل حبي على سـاس=حب بقلبـي لـه قصـور مشيـده
عندي وعرها مع سهلها والاطعاس=غابات ورد فـي زهـور نضيـده
دار لنا ما بيـن صـاره والأنفـاد=عسى عليها الوسمى يمطر حقوقه
عسى يسقيها من الغيـث رعـاد=مزن من المنشا تلاعـج بروقـه
ويضفى على نجد الوفا دار الأمجاد=اللي بها المضيوم ياخـذ حقوقـه
والعشب غطى باذره كل الأوهـاد=من دافق الرايح تسابـق عنوقـه
يا حلو لجات الزهر وسط الأجراد=إن ذعذع النسناس مالت عذوقـه
يا (بجاد) شب النـار وادن الدلالـى=واحمس لنا يا (بجاد) ما يقعد الراس
ودقه بنجـر يـا ظريـف العيالـيي=جذب لنا ربع على أكـوار جـلاس
وزلـه إلا منـه رقـد كـل سالـي=وخله يفوح وقنـن الهيـل بقيـاس
وصبه ومـده يـا كريـم السبالـيي=بعد همومي يوم أشمـه بالانفـاس
فنجال يغـدى مـا تصـور ببالـي=وروابع تضرب بها أخماس وأسداس
يا حسين شب النار واسرف بها اسراف=حتى يصيـر الجمـر فيهـا مشانيـف
ومن حب خولان الخضر هاته اجـزاف=واحمس ونسفها على الجمـر تنسيـف
ودقـة بنجـر تالـي الليـل رجــاف=ويا (حسين) لقمهـا ببيـض مهاديـف
ومن هيل دار الهند زود لهـا سنـاف=وزله وخل الكيف يـذرف مـع الليـف
قم يـا محيسـن شـب نـارالمعاميـل=وصفصف عليها السمر من زين الأخشاب
إن ولعـت وإستضرمـت باللهب حيـل=يجـذب سناهـا بالدجـى كـل شـراب
وإن صرمـت والجمـر فيهـا دحاميـل= ازرق سناهـا ذايـب يلهـب الـهـاب
احمس عليها البـن مـن غيـر تقليـل=واحذر عواقب من هـرج عايـب عـاب
ودقـة ولقمهـا وزود لـهـا الهـيـل=حتـى يصيـر الكيـف طـب للألـبـاب
يـا حلـو صبتهـا ببعـض الفناجيـل=أن ذاقها الممروض مـن علتـه طـاب
يا (عمير) شب النار والسمر صفه=يـوم النعايـم بـارزات تكاشـف
واحمس من البن اليمانـي وصفـه=هذا هواى وكل نفـس لهـا شـف
والبن زد به حيـل والهيـل وفـه=وخلك حذر بالعين يا (عمير) والكف
عن السريب وبعض الاحراق عفـه=وحذراك لا تعجل عليهـا وتختـف
اليـا قلـب بالهيـل يالقـرم كفـه=وليا ركد خله على الصين يـذرف
ويلزمك فـي يمنـاك يمـى تزفـه=عطنيه حيث انـى عليـه أتلاهـف
يبرى هموم بالحشـا يـوم اشفـه=منها معاليـق الضمايـر تواجـف
روابـع بالقلـب دايــم تحـفـه=منها زمام القلب يا (عمير) يخطف
إن صار زود المال بيديـن الأنـذال=حنا مـن المعـروف تنـدا يدينـا
وإن كانهم شرهوا على طيب الأفعال=حنـا وردنـا جمامهـا وارتوينـا
وإن فكروا للجود يمشـون رحـال=حنـا قبـل يمشـون يمـه خطينـا
ياما لبسنا للشـرف كـل سربـال=وعلى البسيطـة للفضيلـة مشينـا
لو نجمع اللي فات منا مـن المـال=أن كان شيدنـا القصـور وبنينـا
نعطى ولا نتبـع عطانـا بالأقـوال=ونبذل ونسكـت كننـا مـا عطينـا
أنا أريد خلان بهـا الجـود والوفـا=ولا أريـد خـلان قصـار شبورهـا
وأقول لمن ينشد عن أصلي وعزوتي=أنا مـن أحـرار بالعوالـي كورهـا
أنا حفيـد (لابـن بـدران ، عامـر)=ضمين الرجال الا تعصـت أمورهـا
تضرب به الأمثال في كـل مجلـس=وهو شيخ (آل زايد) بصكت عسورها
وحنا الأشح السمـا وامحـل الوطـاان= ما وجدنا الضان نذبـح لخورهـا
يا ناشد عني وأنـا مـن قبيلـة=لها المجد (زايد) بالرفـاع بنـاه
وكمل مقام المجد (عامر) وشيده=طريق المعالـي للدخيـل مشـاه
يا ناشد عني وأنـا مـن قبيلـة=قصـر النـدا زادو عليـه بنـاه
(بني زايد) ادوا جارهم عن جدار=هولا أحد من أسبـاب الالـه وداه
قصيرهم يارد على العـد قبلهـم=ولا شكـا يـوم الـورود ظمـاه
النذل ما يقدر على طيـب الثنـا=والليل ما يشبه صـدوق أضحـاه
الأجوال آيات الندى في وجيههـا=والأنذال شري مـا يـذاق جنـاه
الذل مـوت حايمـات ظواميـه=أدخل على منزل فروض الصيامى
عن مقعد بالذل عينـك تراعيـه=الموت عند الذل أمان وسلامـى
يرضى المذلة من تردت هقاويـه=والذل يجفل منه قلب العصامـى
أنبيك يامن كلمة الحق ترضيـه=أعطيك ما ينفعك وأفهم مرامـى
قصـر يذلـك لا تقابـل مبانيـه=خله عسى شامخ طويله هدامـى
وحي يوريـك المذلـة وتغليـه=أنا أشهد أنك ميت القلب عامـى
يرى الموت بالعز الرفيع سعادة=وبالذل ما يرضى الحيـاة دوام
الذل يرضى به من الناس خامل=والحر عاف الخاملات وشـام
يشوم من دار لـدار يرومهـا=وعساك يا دار البغيض هـدام
ومنيع الذرى يبعدك عن ساقط الملا=لا صار لك نفس عن الذل شايمـه
الـذل يوريـك الهـوان وتنتمـيإلا= أمة في مرتـع الـذل هايمـه
خاطر بدرب المجد يا طالب العـلا=ترى خالق الدنيـا كبـار غنايمـه
اللي يريد المجد يشريه لـوغـلا=وحليف المذلة من تردت عزايمـه
اختر طريق العز لو بـه منيتـك=وأعرف ترى دنياك ما هي بدايمه
ابا وصي اللي ما لقى من يقديـه=وصية تبقـى لنـاس بالأرحـام
بيتك عن الأنـذال بعـد مبانيـه=وقبلك ذياب الخيل عن ديرته شام
وبالك رفيق السوء حذرا تباريـه=ونظف حلالك عن حلال للأيتـام
ان جا ينادمني وضيع من النـاس=صديت عنه وقلت ما أنت ب نديمي
ما هو ب كبر وكل ناس لها أجناس=وعندي عزيز النفس دايم حشيمي
للكبر والله مـا توشحـت بلبـاس=بكتب التواضـع ناصـح بتعليمـي
أنادم اللي رفقتـه ترفـع الـرأس=ويا قف معي دايم بوجه الخصيمي
يا لله يللي لـه أهـل الديـن سجـاد=يا منجـي ذا النـون والجـم فوقـه
يا ناصر (طه) بعـد حـرب وجهـاد=وفي (بدر) طير السو قصـت سبوقـه
ومبرى مرض (أيوب) من عقب ما كاد=ومحيي النبات بكوثـر مـن عروقـه
تقبل دعات اللي عن الحق مـا حـاد=والسنـة الغـرا مسيـره وسـوقـه
يالله يللـي كـل حـي يراجـيـه=يللي بما يخفى على الناس عـلام
يا من دعاه (أيوب) من جور ما فيه=ونجا (الخليل) وذل عباد الأصنـام
تفـرج لقلـب كاثـرات طواريـه=تارد همومه بالحشا فـرد وتـوام
بحسناك يا مرجع ل (يعقوب) غاليه=تكتب لنا حـظ يذعـذع بالأنسـام
أنا بعون الله ولـو كنـت مظلـوم=لكسب المعالي بالشدايـد مهـاوي
يا لله ، يا معبود ، يا فارض الصوم=تقبل دعات اللي بجودك رجـاوي
موحد يطلبـك فـي ثانـي التـوم=صبح يفوت وليل يقفـاه ضـاوي
والناس تفنى بين مذنب ومرحـوم=وهنيت من له عند ربـه عـراوي
دنياك يا مخلوق يظهر بها أشكـال=وتوريك صفحات وتكشف لك الغيب
إن كان تبي الرشد يا طيب الفـال=أزبن على رزاق عكف المخاليـب
ازبن على اللي في يده علم الآجال=علام ما بالكون مـذر المعاطيـب
الواحد اللـي للصعيبـات حـلال=منقذ مداريك ومبـري مصاويـب
اخلص لعـلام السرايـر بالأفعـال=وناجيه ليا صكت عليك اللواليـب
ادعه يفرج لك ليا صكـك الجـال=حلال عسرات الأمور المصاعيـب
اللي دعاه (أيوب) من ضيم الأهوال=وانجاه من حال تزايد بها الشيـب
العبد مزبانه على عالم الغيـب=ويوم الحشر كل الخلايق عواري
أرجيه لو الخلق مني مغاضيـب=وبأمره تهب الكاينات الـذواري

 

 

 

 

[معلومات العضو أبونواف الدوسري]

أخي ضيدان الشرافي

سلمت يداك علي هذه المقتطفات من شعر الأمير محمد السديري رحمه الله.

وفقك الله ورحم والديك

 

 

 

 

[معلومات العضو فالح بن فهاد]

ضيدان لاهنت ازمان وامزان الحيا تستهل عليك اعوام بهذى الجزل والمجل في الحلا الجالي بالكرام

 

 

 

 

[معلومات العضو الشقرديه]

مقتطفاااات جميله اشكرك على نقلك الطيب
ورحم الله شااااااااعرها واسكنه فسيح جناااااته
تقبل مروري المتوااااضع
الشقررررديه

 

 

 

 

[معلومات العضو لين]

مقتطفات رائعة من شاعر أروع
رحم الله الأمير الشاعر محمد بن أحمد السديري فقد ترك لنا أرثاً من الدرر الثميتة التى ستخلد ذكره العطر على مر الزمان
سلمت يمينك أخ ضيدان الشرافي
تقبل مروري وتقديري

 

 

 

 

[معلومات العضو abn dhidan]

إن كان بي عـذروب حبـي لهـل نجـد
.................................أحبـهـا وأحــب شـمـة هـواهــا
.............أحبهـا يـوم أنـهـا ديــرة المـجـد
..................................دار تمـكـن بالضـمـايـر غـلاهــا
تسلم يمينك يابومحمد ضيدان لاهنت نقل رايع من رجل بارع بالاختيار تحياتي وتقبل جزل السلام مني اخيك
فهد الشرافي

 

 

 

 

[معلومات العضو ضيدان محمد الشرافي]

	تقبلوا تحيات أخوكم/ضيدان