"الضيقة" قصيدة مهـداه إلى الشاعر/ خالد بن مدعث الخرفاني

[معلومات العضو صالح الجعيدي]

السلام عليكم ورحمة الله وبركاته ،،،
أنقل لكم قصيدة للشاعر/ ناصر بن علي الجعيدي الدوسري
بعنوان "الضيقة" مهداه إلى ابن عمه الشاعر العذب/ خالد بن مدعث الخرفاني الدوسري

الضيقـة اللـي سافـرت بـي علـى عــدٍ نـهـل=قـامـت تعلمـنـي بضـيـق الـصـدور الـكـايـده
وجاملتهـا واقــول يانفـسـي الصـبـر ومـهـل=خفّـي علـيّ بعـض القـلـق مـالـه أيّــة فـايـده
اللـي كتبـه الله عـلـى الـنـاس ماعـنّـه جـهـل=وبعـض العلـوم آخيـر إمـن العلـوم الـزايـده
كنيتـهـا وانــا احـسـب العـلـم ياخـالـد سـهـل=ليـن ابتلتنـي فــي حيـاتـي وصــارت سـايـده
والـونـه الـلـي حالفـتـنـي ومـاخـذهـا دهـــل=قامـت تلاعـب فـي هجوسـي ولاهـي نـايـده
واتحالفـت ضـدي وتبهـل مـن الفرحـه بـهـل=هــذي تـبـي تحـكـم وهــذي تصـيـر القـايـده
وانـا مـن التعـذيـب صـايـر مـثـل عودٍ كـهـل=وحتـى الطمـوح اللـي بنيـتـه كـسـر حـدايـده
بسبابـهـا عيـنـي مــن الـهــم والـغـمـه تـهــل=دمــع ٍ تنـاثـر يـابـن مـدعـث سبـايـب حـايـده
حتـى الليالـي طاولتنـي وفــي عيـنـي شـهـل=لا الليـل ليـلـي لا ولا السـبـح خــلاّ صـايـده
وصاروا ربوعي لا ربوعي ولاصاروا اهل=واهـل الصعيـد اشـوف ماعـاد بــه صعـايـده
مــادام لارفـقـه وطنـخـه وتزهـيـل وزهـــل=انخاك وانخـى الطنخـه اللـي براسـك رايـده
هــذي علـومـي كــل ابـوهـا حقيـقـه فـهـل ؟=تقـدر عليـهـا قـبـل تلـحـق للأمـور الكـايـده؟؟

عندما يتوفر رد الشاعر/ خالد بن مدعث سوف أنزله في المنتدى. عسى أن تنال إعجابكم.
وتقبلوا خالص التحية والاحترام.

 

 

 

 

[معلومات العضو أمـــيرتـــهم]

صـــــــــح لسانك صالح الجعيدي
تســـــــلم يميـــــــــــنك.......قصيده جزله



أمـــــــيرتــــــهم

 

 

 

 

[معلومات العضو صالح الجعيدي]

المشاركة الأصلية كتبت بواسطة أمـــيرتـــهم

صـــــــــح لسانك صالح الجعيدي
تســـــــلم يميـــــــــــنك.......قصيده جزله



أمـــــــيرتــــــهم

لا هنتي وتسلمين على الرد الكريم.
والقصيدة للشاعر/ ناصر الجعيدي وأنا لست بشاعر يالنشمية.
أشكر لك مرورك الطيب.

 

 

 

 

[معلومات العضو مشاري الرجباني]

صح لساااااااااااااااان الشاااعر نااااصر الجعيدي




ولاهنت على النقل ...................كفوووووووو ويستااااهل ابو مدعث وراعي العلم الغانم


اخوووووووك

مشاااري الرجباني

 

 

 

 

[معلومات العضو نايف الخييلي]

صالح الجعيدي

تسلم يمناك على تقديمك لهذه الرائعه الشعريه وصح لسان الشاعر ناصر علي الجعيدي


لاهنت يابو محمد

 

 

 

 

[معلومات العضو عبدالله بن قويد]

مشكور اخوي ولاهنت
وصح لسان شاعرها ونترقب رد الشاعر ,,,

 

 

 

 

[معلومات العضو صالح الجعيدي]

الأخوه الغاليين/ مشاري الرجباني ،، أبو فهاد ،، عبدالله بن قويد ،،

صح ابدانكم ،، ومروركم الكريم ووجودكم يشرفني يالنشاما ،،

تقبلوا خالص التحية والاحترام ،،