عـلاج ضيــقة الصــدر فـي المـاضـــي ....... وسوو؟؟

**معلومات** **العضو** · 23-11-2006, 08:05 PM

الســـــــــــــلااااااااااااااااااام عـــــــــــــلااااااااااااااكم ...

في آنجــح الوصفات القديـــمه.. لعــلاج ضيــقة الصــدر..

وقــد وجــدت علاجاتهم تدور بين ..

( شبة النار.. وسواة القهوه )..

( ورقيت المرقاب )..

وروحــةٍ للخــلا (البر) ..

( وبعضــهم يعــالج الضيـقه بالشعر وجــرة الصــوت! )...

ونبــدأ بآكثـر ما تطـرق له الشعّــار كعــلاج لضيــقة الصــدر آلا وهو شبة النــار وســواة القهــوه...

يقـول ابــن عبيـكـه الرمـالـي ..

لا ضاق بالي جبت وقدة جذامير000وشبيت نار مثل نار الحرابه

ثم احترفت وجبت عوج المناقير000على سنا نار يزيد التهابه

وصبه على مثل الزبيدي مغاتير000خطر على العذرا تمنى خضابه

لاشفّه الطرقي بلج بلجة الطير000يزين وجهه عقب وسم الخلا به

ان سانعت نحط كبش على مير000وان عاضبت يسد قولة هلابه

ويقـول مشـاري بــن ربيـعـان ..

لا ضاق صدري جبت نجر وحماس00ودلال بيض غالي مشتراها

قم سو فنجال على خمسة أجناس00إحذر تجي حرقة وبالك نياها

الـــى آخــــر الـقـصـيـدة ...

ويقـول زيـد الخشيـم الخـالـدي..

لا ضاق صدري قمت آسوي من الكيف00فنجال بن ما يغبب سريبه

بكر على بكر عذي عن العيف00يطري علي ان نام خطو الزريبه

ويـقــول ابــــن هــــذال ...

قم سو فنجان ترى الراس منداش00يا شوق من قرنه على المتن مرجود

في دلة مربوبة عدها الشاش00وبهارها موقوم خمسة عشر عود

لذّات بالدنيا معاميل وفراش00وصينية يدرج بها العبد مسعود

ويـقـول تـركـي ابــن حمـيـد..

يجلي صدى قلبي ضبيح المهاريس00لا قام شراب الحشايش يعومي

ودلال فوق النار دايم مجاليس00اكرامهن حق علينا لزومي

من صنعة الصبة وخمس التحاميس00برية يعمل بها كل يومي

وبهارها هيل بليا حواسيس00وكيف يعدا للنشامى القرومي

ويقول الشاعـر صالـح بـن قبـلان...

آنا آليا ضاق صدري قلت شبو لي النار00سويت كيف ما يسوى مثيله

حمست بربه وناديت ببهار00ماها قراح جايبه من ثميله

ويقـول ابـن صقـيـه التميـمـي..

آليا ضاق صدري واستحسيت واوحيت00ورقٍ لعى بالصوت جريت ونات

وادنيت رسلانٍ ربيبة وسويت00فنجال ينسيني جميع الحساسات

ويقـول حنـيـف بــن سعـيـدان..

لا ضاق صدري يم الاصقه تخطيت00لو كان من دونه ثمانين شباب

نجرٍ يصوت كل ما اصبحت وامسيت00لكن يندبني على النار نداب

ويـــقــــول آخـــــــر...

لا ضاق صدري جبت نجرٍ ودله00وسويت ما يطفي لهيبٍ بجاشي

وان جا المسير عمس عندي دوى له00فنجال ما سواه خطو الخداشي

بكر على بكر ليا جيت آزله00يشبه خضاب مرودعات النقاشي

حينٍ هشيم وحين نوقد بجله00ومر نبهرها ومر بلاشي

معبرين كل وقتٍ بحله00نصبر على ما كاد والرزق ماشي

ويـــقـــول الآخـــــــر...

ان ضاق بالي جبت ضبة اجرومي00ودنيت مني دلتين ومصفاه

ومحماسة تركى على النار دومي00عقب اللهب من صافي الجمر يصلاه

واحمس من اللي ماشراه الغشومي00نذ العرق باركانها كنه اياه

العلاج الثاني... ( البر والمطاريش )

يقول عواد ابن شامـان الشمـري ...

اليا ضاق صدري من حلوق العصافير00البعد به كيفي وراحة ضميري

اسج رجلي مع طوال المشاوير00اعيد عن واد العوى والصفيري

مالله موازيني على نافخ الكير00يبلش ويبلش به من الناس غيري

ويقول الشاعـر سـرور الأطـرش..

لا ضاق صدري رحت يمّ الخميله00قعدت بالمرقاب لاجل الضواحي

والاه في عيني تلوح الجميله00والى السما مع كل الآفاق صاحي

يوم اقبلت ترعى الحيا مع مسيله00بدّلت عقب الدلبحة بانبطاحي

وبالكف حسنا عوق تيس الجميله00وقلّطت للمشقاص جمر(ن) ذحاحي

قلت انهجي لعيون موضي سبيله00حلفت انا ما ارسل عليك الذحاحي

لعيون من ينسع طويل الجديله00ابو خديدٍ كنّه البرق لاحي

ويقـول آخـر..

أناآ ليا ضاق صدري أطوي فراشي00وأدق سلف المقفص واطوي البيدي

أجول في كل ديرة وابرد الجاشي00وانطح نسيم الهوا وأدور الصيدي

فرضاً هواها طليق وينعش إنعاشي00في تختخاً ما به إلا الطير وابعيدي

ويـــقـــول آخـــــــر..

ليا ضاق بالي قلت دنو ذلولي00وحطوا عليها كورها والقراميش

ويقـول آخـر ...

لا ضاق صدري رحت للبر حطاب00وشبيت ناري في صحاري خلاها

وسط الفياض اللي بها أزهار وأعشاب00ريح الخزامى فايحٍ في مساها

العلاج الثالث.. ( رقيت الرجم )..

يقول الشاعر عبدالهادي بن راجس السبيعي ..

عديت مرقاب طويل وعملاق00رجم طويل يبرح الخد شاهوق

رجم يوسع خاطري كل ما ضاق00من عقب مشرافي بسميه مرزوق

ويــــقــــول آخـــــــــر ..

نطيت رجمٍ يوم ضاقت بي الطّرق00ابي عليه اشكي بعد ضوح برقا

العلاج الرابع.. ( الشعر وجرت الصوت )

يـقـول شـاعــر مـجـهـول ..

لا ضاق بالي من عنا الوقت واحتار00وتعومس الخاطر همومٍ وتفكير

فريت دولاب المثايل والاشعار00يالله تدرجها على مسلك الخير

ما ينفع المهموم مقعاد بالدار00يا كود برٍ يسهجه صبح وعصير

مد النظر والشوف من غير منظار00بارضٍ خلا إلا من الذيب والطير

ويـقـول الغيهـبـان الـمــري...

ودي اغني وينهاني عفيشه00وش ابسوي الى من ضاق بالي

البحر ما الله كتب لي فيه عيشه00جعل رزقي فوق مومية الحبالي

فر فلبي فر طير صف ريشه00لا جت امه لا مكانه منه خالي

قرع صدري قرع بيبان الدريشه00يوم تقرع من يمين ومن شمالي

يقـول الشـاعـر ابــن سبـيِّـل..

لولاي أوسع خاطري بالتنهات00وأبصر بحالي من خلاي بخلايه

ويقـول بـنـدر بــن ســرور..

إن ضاق صدري شفي أمزح بالالحان00والا عن الزلات رجلي ثقيله

دنيا نبي تقزيرها ضحك حجان00وألا ترى صيورها مستقيله

والرجل غاية ملحته قلب ولسان00وألا أن باقي جثته حنضليله

مـــنقــولــه ...

وانــا لا ضــاق صــدري .. رحـت حديــقتناا .. سسـوي انا سسـوي .. تسنه بـر يعني .. يبـالفيـت .. ههههههههههههه

وتقبــــلوو ... تقــديري ... ومــع التحيــــــــــــــــه ...

خــــيــــتـــــكم .. المــزوون ..

**معلومات** **العضو** · 23-11-2006, 08:45 PM

الاخت المزوون شكرا جزيلا على الموضوع الرائع ،،، وموضوعك ذكرني بقصيده بنفس الموضوع ولكن بشكل اخر والرد على القصيده
--------------------------------------------------------------------------------

لاضاق صدري رحت أقلّب عربساتقمـت أتفكـر فـي عجـايـب زمـانـي

متنـقـلٍ مابـيـن ذيـــك المـحـطـاتبإبهـامـي ألــفّ الأرض فــي ثـوانـي

وماشـدّ نـي مـن بيـن كـل القنـواتالـلـي بـهـا نـاظـرت شــيٍ دهـانــي

قـم يانديمـي فـوق زيـن الموديـلاتVxr ت،،وّه صـــــادرٍ بـالـمــوانــي

النوع Toyota من أرقى الموديـلاتJapan صنـع الأ فـنـس الكيفـرانـي

يصبر على قطع الوعـور الصعيبـاتيطـوي صحاصـيـح الـخـلا مايعـانـي

علـيـه مطـنـوخٍ يحـفـظ الـوصـيـاتعنـد الـلـوازم ذيــب مـاهـو هـدانـي

شـيّـك عـلـيـه وجـهّــزه للمـهـمـاتثم فلّلـه مـن (شيشـة) المسلمانـي

وخذ النفود قطـوع صـوب القريـاتوعَـدْ الحـدود لـدار صـاف الثمـانـي

متنـحـرٍ دار الـطــرب والـونـاسـاتعشايرٍ مـن قوم)طونـي) و (هانـي)

الديرة اللـي سَلـم أهلهـا خـذ وهـاتماللـحـيـا بـطـبـوع ربـعــه مـعـانـي

لاجيتـهـم تلـقـا الهـنـا والـمـسـرّاتوالضيـف لـه قيمـة وقـدر ومكانـي

يْقلطـون (الترتـه) ومعـه (كيـكـات)ومشروبهم .. مشروبهم شكل ثانـي

حيـاتـهـم هـــزٍ .. ووزٍ .. ود بـكــاتويــرددون الهـابـط مْـــن الأغـانــي

دارٍ بـهـا للـزيـن وســـمٍ وبـصـمـاتبه ناعسـات الطـرف سيـد الغوانـي

لاشفـت أنـا هـاك الغنـج والحركـاتمسكت راسي ثم قلت آه ياااااااانـي

وأخص أنـا بالقـول باسكـال بالـذاتهي شيء .. واللي غيرها شـيْ ثانـي

عليه عيـونٍ تقطـع القلـب بسكـاتهمـت .. ضعـت و(جمـدت) بمكانـي

تبـلـغـه شـــوق وســـلام وتـحـيـاتوتحـب جبهـت عودهـا (مشعـلانـي)

صحيح قالوا قبل من يختشـي مـاتوالله يستـر مـن توااااااالـي زمـانـي

وهذا الردّ على القصيدة السابقـة ،،،

لاضـاق صــدرك ياقلـيـل الـمـرواتصــل الـصـلاة ولا تـجــي لـلاغـانـي

استخدم ابهامك في طي الصفحـاتصفـحـة كـتـاب الله بــاب الامـانـي

اخيـر مـن شوفـة وجيـة الخواجـاتالـلـي غـضـب ربــي عليـهـا يبـانـي

لحـمـة مخـمـة فـالـبـلا والـمـلـذاتغـرتـك صبـغـة وجـهـهـا البهـلـوانـي

ترسـل نديبـك فــي ردي المهـمـاتاهـل الـردى فالـدرب دايـم خـوانـي

"والفكس" لاتطرية بالـذات بالـذاتمـاهـو بمـركـوب الـنـذل والهـدانـي

الفكـس مركـوب الرجـال الثقـالاتمقنـى عربـيـن النـسـب والمجـانـي

باسكـال يامسكيـن راحـت ولاجـاتمـالـك ومــال الساقـطـة يافـلانـي

وجـة عليـه مـن التشاكيـل صبغـاتابيـض مـع احمـر والشعـر برتقانـي

لاشافـت الطرقـي تبـديـة نـظـراتوتمـيـل مـثـل الــداب والعقربـانـي

بنـت لهـا فالليـل صـولـة وجــولاتتضحك على مثلـك بطـرف العيانـي

تضحك على لحيتك بنت لهـا اخـواتياكـيـف تـرضـى يـافـتـى للهوانـــي

تحـب جبهـة مشعلانـي يـاذا الـشـاةاثــرك تـــدور ريـحــة الزعـفـرانـي

لاوالـلــة الا راس مـافـيـة نـعــراتاتـحـب راس ابـلـيـس يامـودمـانـي

يـاونــتــي ونـيـتــهــا 10 ونــــــاتالادمـــي يـانــاس طـلــع جـنـانــي

خلـك بـدار اهـل الكـرم والجمـالاتدار حـبـاهـا الله رفــعــة وشــانــي

دار بـهـا سـتـر البـنـات العفـيـفـاتهـــذي بـــلادي يـاطـويـل الاذانـــي

اشعـب ركابـك فـي جميـع النحيـاتامـن وامــان ويــش غـيـر الامـانـي

اخـيـر مـــن دار تـحــب الـريــالاتباعـوا الكـرامـة يالـلـة المستعـانـي

**معلومات** **العضو** · 23-11-2006, 09:32 PM

العـفوو اخوي .. فالح الشــكر .. ويعطيــك العافيــه .. وتسلم على التواجد لاهنت ..

متنحـرٍ دار الطـرب والوناسـات00عشايرٍ من قوم)طونـي) و (هانـي)

الديرة اللي سَلم أهلهـا خـذ وهـات00ماللحيـا بطبـوع ربعـه معـانـي

لاجيتهـم تلقـا الهنـا والمسـرّات00والضيف له قيمـة وقـدر ومكانـي

هههههههههههههههه ايــه ماخــلا بس

يْقلطون (الترتـه) ومعـه (كيكـات)00ومشروبهم .. مشروبهم شكل ثانـي

هههههههههههههههههههه .. << اجل تـمر وقهوه .. لالا ثااااااااااني ...

صحيح قالوا قبل من يختشـي مـات00والله يستر مـن توااااااالـي زمانـي

ايــه واللــه يستر .. اللــــــــــه يخاارجناا ..

لاضاق صدرك ياقليـل المـروات00صل الصـلاة ولا تجـي للاغانـي

استخدم ابهامك في طـي الصفحـات00صفحـة كتـاب الله بـاب الامانـي

كــفوو واللـــــه ...

تضحك على لحيتك بنت لها اخـوات00ياكيـف ترضـى يافتـى للهوانـي

ياونـتـي ونيتـهـا 10 ونــات00الادمـي يانـاس طـلـع جنـانـي

خلك بدار اهل الكـرم والجمـالات00دار حباهـا الله رفـعـة وشـانـي

دار بهـا ستـر البنـات العفيفـات00هـذي بـلادي ياطويـل الاذانـي

اشعب ركابك في جميـع النحيـات00امن وامـان ويـش غيـر الامانـي

اخيـر مـن دار تحـب الريـالات00باعـوا الكرامـة ياللـة المستعانـي

صـــح الســـانه عــزه اللـه ... وصح السـانك اخوي فالح .. وسلمت يــمنـاك ...

تقبـــل .. احتراامي .. مع التحيـــه ...

المـزوون ..

**معلومات** **العضو** · 23-11-2006, 10:52 PM

الاخت المزوون

شكرا جزيلا على الموضوع الرائع

تقبلي تحياتي

أخوك

الصقر الحر

**معلومات** **العضو** · 23-11-2006, 11:05 PM

الاخت \ المزوون .. الله يعطيس العــافيه على هالموضوع المتـــكامل والرائع

وعســـاك على القوه ... والرد الاروع من الاخ فـــالح الشكره ..صح لسانك

ولاهنت على هالمشاركه الجزله

تضحك على لحيتك بنتً لها اخواتياكـيـف تـرضـى يافـتـى للهوانــي

بيت من قــصيده جزله والباقي اجمل واجزل..

تقبلوااا ســـلامي

**معلومات** **العضو** · 24-11-2006, 02:04 AM

الاخت المزوون

شكرا جزيلا على الموضوع الرائع جداً

تقبلي تحياتي

**معلومات** **العضو** · 24-11-2006, 04:16 PM

الصـــقر الحـر .. العفـو اخوي .. ويعيــك العافيه وتسلم على التواجد .. لاهنت ..

مع التحيــه ...

المـزوون ..

**معلومات** **العضو** · 24-11-2006, 04:19 PM

اللـــه يعافيــك اخوي نايف الخييلي.. وتســلم ..على التواجد .. لاهنت ..

تقــبل تقديـري ..

المـزوون ..

**معلومات** **العضو** · 24-11-2006, 04:22 PM

العفــو اخوي . بـدر البـدراني .. ويعطيك العافيه وتسلم على التواجد لاهنت ..

تقبـل تقديري ...

المـزوون

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية