عشنا وشفنا من تعاجيب الاحوال *** اعلوم ناس بين عدل ومايل

[معلومات العضو صالح الجعيدي]

بسم الله الرحمن الرحيم
- قصة و قصيدة منقوله -

الإخوة الأفاضل كل منا يرسم صورة لشخص ما في مخيلته ويجعل معزته فوق الخلق بل يتفاخر بهم بين الناس ويعتز بهم ويذكرهم بالخير في كل مجلس ولا يصدق ما ينقل له عنهم ....
وفجأة تنهار هذه الصورة ليس من ناقل لها بل أمامك ومن معاول ألسنتهم فقد فجروا كل حسد ملأ قلوبهم وتغيرت الصورة أمامك قصة شاعرنا هو من ملاك الابل اصبح معروفا بين الناس بالطيب والعلوم الطيبه ياتونه ابناء عمه ومن رفاقته الي ابله في كل حين بل يظمون اليه بعض الابل لمدة سنه اواكثر دون ان يتذمر او يشتكي ويسعى لمصلحتهم في بيعها اذا ارادو ...
وقد جاء يوم طلبوا منه حاجه اشترط عليهم شرطا اذا نكثوا به فلا شيء لهم عنده وهذا شرط من الدين ولايرضى بأخلاله الا من لايملك ذمه او ظمير .....
فلما اخلوا بالشرط نقض مابينه وبينهم ....فصاحوا في مجلس واحد انت اظمرت لنا هذا وبيت النيه ....
ثم انطلقوا يخرجون مافي صدورهم من حسد...حيث تفاجا شاعرنا بسيل من التهم بعضها منقول من كلام النساء ومجالسهن ....
وتكالبوا عليه فلم يجد سواء هذه الابيات يعبر بها عن مافي صدره

أحيه من هم تزايد بالإشعال =أشعل هموم القلب روس الفتـا يـل
عشنا وشفنا من تعاجيب الاحوال=اعلوم ناس بيـن عـدل ومايـل
جلست أفكر واتفكر بالازوال =والقلب لايع يوم شـاف الهوايـل
شفت الحصني تعتلي روس الاتلال =والذيب يمشي متقي بالمسايل
والبوم يوكر في طويلات الاقذال =والحر ينزل بين قشع ورذايـل
ضاعت حقوق بين ناقض وفتال =وضاعت مفاهيم الصلة والوسايل
احد يقول انته غشيش ومحتال=وانته تحطه فـوق روس القبايـل
واحد يقول الكبر فيكم يامختال =واركا عليك سهوم سـود غلايـل
الهرج ضايع بين قيل ومن قال =تدبير نسـوان ورجيـم القوايـل
ضاعت علوم اللي اتهمني وفتال =من يوم بانت له كبـار الدلايـل
ماهو كل من يعصب الراس رجال =والصدق مانقبل عليه البدايـل
لاتحسبن المرجله سكبة عقال =المرجله عسـره وعلـم وفعايـل
والشور يوخذ من مناعير عقال =واقبل على راعي الوفا والنفايـل
اسد سمعي عن سواليف الاـنذال =واختار ربع يكسبون الفضايـل
ياماحلا الفنجال في خد مسيال =في صحصح مافيه غير الهمايـل
في صحصح مافيه حساد وأنذال =يجلي هموم وسط صدري ملايل
واخير منها ذكر ربي بالاصال =الواحد المعبود منشـي المخايـل

- وسلامتكم - وتقبلوا خالص التحيات ،،،

 

 

 

 

[معلومات العضو عابد]

[3mr=backgrounds/16.gif][I]ما أقول الا كما قال الشاعر الشكري في وصف الدنيا: [size=6]أشوف أنا الدنيا على غير مقياس؛؛؛
ما عاد أميز غثها والجزاله
تعطيك خير ثم تنكس بالأركاس؛؛؛
حتى أمين الناس زاد احتياله
اياك ثم اياك لا تامن الناس ؛؛؛
خلك ذهين الفكر شادد احباله
مايستوي بالدنيا راقي ومنداس؛؛؛
احفظ كلامي وخله اليوم مثاله



وجزاك الله خير على هالموضوع يالجعيدي أخوك عابد

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

المشرف الرائع : صالح الجعيدي


الحقيقه قصة مؤثرة جداً والغريب أن يقابل الجميل بالجحود أو التشهير


وماأكثر مايحصل اليوم بين المسلمين مثل هذه السالفة


لكن أقول الله يعينه على ماحصل له من الأشخاص الذين فعلو هذه الفعلة


وإذا أحسنت النية ومشيت في مايرضي الله سبحانه فلاتتندم ياابن آدم


على العموم صح الله لسانك ولسان الشاعر على هذه المدوية


تقبل الود والتقدير والشكر والعرفان


من محبك في الله ومحب الجميع

 

 

 

 

[معلومات العضو صالح الجعيدي]

المشاركة الأصلية كتبت بواسطة عابد

[3mr=backgrounds/16.gif][I]ما أقول الا كما قال الشاعر الشكري في وصف الدنيا: [size=6]أشوف أنا الدنيا على غير مقياس؛؛؛
ما عاد أميز غثها والجزاله
تعطيك خير ثم تنكس بالأركاس؛؛؛
حتى أمين الناس زاد احتياله
اياك ثم اياك لا تامن الناس ؛؛؛
خلك ذهين الفكر شادد احباله
مايستوي بالدنيا راقي ومنداس؛؛؛
احفظ كلامي وخله اليوم مثاله
وجزاك الله خير على هالموضوع يالجعيدي أخوك عابد

مرورك شرف أخوي/ عابد ،،، مرحبا ومسهلا يالغالي. ولا هنت على أبيات الشكري وعز الله أنه صدق فيها. تقبل خالص التحيات وأوفى الاحترام والتقدير.

 

 

 

 

[معلومات العضو صالح الجعيدي]

المشاركة الأصلية كتبت بواسطة دغش البطي

المشرف الرائع : صالح الجعيدي
الحقيقه قصة مؤثرة جداً والغريب أن يقابل الجميل بالجحود أو التشهير
وماأكثر مايحصل اليوم بين المسلمين مثل هذه السالفة
لكن أقول الله يعينه على ماحصل له من الأشخاص الذين فعلو هذه الفعلة
وإذا أحسنت النية ومشيت في مايرضي الله سبحانه فلاتتندم ياابن آدم
على العموم صح الله لسانك ولسان الشاعر على هذه المدوية
تقبل الود والتقدير والشكر والعرفان
من محبك في الله ومحب الجميع

صدقت يا أبو محمد ،، الجميل يقابل بالجميل. وقد قالها راكان بن حثلين:
الإحسان يجزا بالإحسان ياعبيد **** والشر تنطحه الوجيه الشريرة
صح أبدانك يالقرم. ومرحبا بك دائماً و أبداً يالغالي.
تقبل خالص التحيات وأوفى الاحترام والتقدير.

 

 

 

 

[معلومات العضو ابن وتيد السباعي]

المشرف الرائع : صالح الجعيدي

بيض الله وجهك على نشر هذه القصه بقصيدتها المدويه

لك اجمل وارق تحيه

من اخوك/ابن وتيد

 

 

 

 

[معلومات العضو وصف الغزال]

يسلمووووووووووو


اخوي صالح على القصه والقصيده

 

 

 

 

[معلومات العضو عبدالرحمن الشرافي]

لاهنت اخوي صالح
على نقل هذه القصة المووثرة والقصيدة الحكيمة


لك مني جزيل الشكر والتقدير

 

 

 

 

[معلومات العضو نايف الخييلي]

اخوي \ صااالح الجعيدي ......... بيض الله وجهك على هالقصيده


ويعطيك العاافيه .. وصح لساان الشااعر و عز الله انه صدق


والله به ناسً يصير بينك وبينهم خوه ولك جماايل عليهم واذا جا بينك وبينهم



موقف يبين الردى فيهم ويتضح معدنهم وقله مرااجلهم وجحودهم للماضي

ضااعت حقوقً بين ناقض وفتال = وضاعت مفاهيم الصله والوسايل

بس اتمنى منك تذكر اسم الشاااعر ... ؟ منهو .؟








وتقبل سلاااااااااامي

 

 

 

 

[معلومات العضو رعاد]

لاتحسبن المرجله سكبـة عقـال ،،،،،،،، المرجله عسره وعلـم وفعايـل
والشور يوخذ من مناعير عقـال ،،،،،،،، واقبل على راعي الوفا والنفايـل

الله يعطيك العافية اخوي ولاهنت علي سردك لهذه القصة والقصيدة

 

 

 

 

[معلومات العضو صالح الجعيدي]

المشاركة الأصلية كتبت بواسطة ابن وتيد

المشرف الرائع : صالح الجعيدي
بيض الله وجهك على نشر هذه القصه بقصيدتها المدويه
لك اجمل وارق تحيه
من اخوك/ابن وتيد

أرحـــــــب يا ابن وتيد ،،، لك مني خالص احترامي على مرورك الطيب.
عساها ما تشين أيامك يالغالي ،، مرورك شرف.
مع خالص التحية و التقدير ،،،

 

 

 

 

[معلومات العضو صالح الجعيدي]

المشاركة الأصلية كتبت بواسطة وصف الغزال

يسلمووووووووووو
اخوي صالح على القصه والقصيده

أشكرك جزيل الشكر على مرورك اختي/ وصف الغزال ،،
لا هنتي وتقبلي خالص التحية و التقدير ،،،

 

 

 

 

[معلومات العضو صالح الجعيدي]

المشاركة الأصلية كتبت بواسطة عبدالرحمن الشرافي

لاهنت اخوي صالح
على نقل هذه القصة المووثرة والقصيدة الحكيمة
لك مني جزيل الشكر والتقدير

أرحـــــــب يا عبدالرحمن الشرافى
من قال ما يهان ،، لك مني خالص احترامي على مرورك الطيب.
مرورك شرف ،، مع خالص التحية و التقدير

 

 

 

 

[معلومات العضو صالح الجعيدي]

المشاركة الأصلية كتبت بواسطة نايف الخييلي

اخوي \ صااالح الجعيدي ......... بيض الله وجهك على هالقصيده
ويعطيك العاافيه .. وصح لساان الشااعر و عز الله انه صدق
والله به ناسً يصير بينك وبينهم خوه ولك جماايل عليهم واذا جا بينك وبينهم
موقف يبين الردى فيهم ويتضح معدنهم وقله مرااجلهم وجحودهم للماضي

ضااعت حقوقً بين ناقض وفتال = وضاعت مفاهيم الصله والوسايل

بس اتمنى منك تذكر اسم الشاااعر ... ؟ منهو .؟
وتقبل سلاااااااااامي

أرحــــــــــب يا نايف الخييلي ،،،
عساها ما تشين أيامك ،، والله يعافي الجميع يالغالي ،،
بخصوص أسم الشــــاعــــر/أحمـد بن عـوض الصعيــبي (أعتقد وليس متأكد بأنه مطيري- والله أعلم)
لا هنت على مرورك المشرف والكريم. مع خالص التحية والتقدير ،،،