|
|||||||
29-04-2005, 04:10 AM
|
#1 | |||||||||||||||
|
الـمــرحــوم
على راس الطويل اللي عليـه الطايـرات تحـوم=انا والليـل والنجـم البعيـد وصحصـح خالـي اشوف الارض طول وعرض تحتي والسما ونجوم=واشوف الجدي يسبح بالفضـاء وسهيـل يبرالـي اشوف ابراج فوق ابراج واشوف من الكواكب كوم=تهولـت وهتفـت بهاتفـي ياهـول الاهـوالـي اشوف القوس يصرخ في يدين الرامـي المنجـوم=غشيـم وفـي يـده رعشـه اذا ماهـو يورالـي واشوف العقرب السودا تعاتب ضرعها المسمـوم=تقول السم في جـوف الخبيـث المسـرد التالـي واشوف إن الاسد اصبح فراشه في يديـن البـوم=عقب ماهو ملـك غابـه تـردت فيـه الاحوالـي والشوف الثورابو قرنيين يخطب فوق روس القوم=عجب وبقرنه الاعـوج يديـر امـلاك واموالـي واشوف الحمل ماهو حمل اشوفه لابس خرطـوم=يقـول الذيـب ماخافـه ولايطـري علـى بالـي واشوف بجنبه العذرى تعـرض بالسمـا وتحـوم=تشـره تشتكـي تبكـي تبـي تصيـر رجـالـي واشوف الدلوا والجوزاء تحاول تسقي المحـروم=ولاكن للاسف دلـوا الكواكـب صـار غربالـي ومع هذا يجي كاهن يقـول إن الحظـوظ ارقـوم=اقول ابعد بعيد إن اشهـد انـك شخـص حيالـي تعبت من الوقوف وقلت مالـي بالوقـوف لـزوم=وقلت اجلس على ذيك الحصاه اللي ورى الجالـي جلست وما دريت الا على كتفـي يـد المرحـوم=فزعت وقـال لاتفـزع تـراك بحسبـة اعيالـي هديت وريحت نفسي وراحـة رعشـة المكلـوم=وتاملتـه وجـت عينـي بعينـي جالـس قبالـي عليه من الزمن لمحه عليـه مـن الحيـاه رسـوم=تجاعيـد الزمـن فـي جبهتـه يومـن تهيـالـي سالته كيف حالك قـال حالـي بالثـرى مـردوم=انا روحه وعندي لـك حكـم واقـوال وامثالـي انا عمري ميـة عـام ولاكـن كنهـا لـي يـوم=مضت مابين هقـوات الزمـن وامـال واحلامـي فعشت ايامهـا فرحـه وعشـت ايامهـا بهمـوم=وكم فرصـه تعدتنـي مـن الشيطـان واهمالـي وبعد ماراحت الدنيـا عرفـت إن الحيـاه وهـوم=وعرفـت إن الحيـاه الاخـره حلـي وترحالـي وعرفت إن السعيد اللي حياته بين حـج وصـوم=موحد في صلاتـه فـي زكاتـه فعـل واقوالـي ولقيت الكلمـه السيـه توردنـي بحـور الشـوم=ولقيت الكلمه الحسنـه تـروج بصالـح اعمالـي فلا تمشي مع الظالم ولا تقسـى علـى المظلـوم=يجيـك بدعـوة تشيـب منهـا روس الاطفـالـي ولاتجزع ولا تفزع تـرى مالـك عـن المقسـوم=ولو تسكن بروج مشيـده فـي حصنهـا العالـي وقل للي نشـد عنـي وعنوانـي عليـه اوسـوم=انـا كومـة عظـام بالثـرى والقبـر منـزالـي الا يالله ترحمنـي وانـا شاخـص بليـا هــدوم=بيـوم مايفـيـد ابــوي لاعـمـي ولاخـالـي انا عبدك وابي عفـوك وابـي رحمتـك ياقيـوم=ضعيـف ولاالـي الا رحمـتـك يالله يـاوالـي وسمعت اجراس تندهلي تصحينـي بعـز النـوم=صحيت وصحـت يالله لاتعاقـب عبـدك البالـي طلع كل اللذي شفته علـى راس الطويـل حلـوم=وطلع صوت الجرس عندي منبه صـوت جوالـي وسلامتـــكم
|
|||||||||||||||
|
|
|
|
29-04-2005, 04:56 AM
|
#3 | |||||||||||||||
|
يامرحبا ياتركي والله لايهينك على المرور الطيب ومشكور يالقرم
|
|||||||||||||||
|
|
|
|
29-04-2005, 10:27 AM
|
#4 | ||||
|
لاهنت اخوي المبيعيج على القصيدة الطيبه بس ماخبرتنا منهو شاعرها
|
||||
|
|
|
|
29-04-2005, 12:03 PM
|
#5 | |||||
|
|
|||||
|
|
|
|
29-04-2005, 12:41 PM
|
#6 | ||||
|
صح لسانك وبيض الله وجهك على القصيده الطيبه ,,,,
|
||||
|
|
|
|
29-04-2005, 10:53 PM
|
#7 | |||||||||||||||
|
صح لسانك اخوي على القصيد الجزل والله ولا هنت ....
|
|||||||||||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 12:45 PM
