وش علمكم ياتاركين المواجيب....حسبي عليكم هالردى وين جاكم!!

**معلومات** **العضو** · 24-01-2006, 03:06 AM

الشاعر جحيش بن مهاوش قال قصيدته المرثية في عياله حيث دعا عليهم واستجاب الله دعوته ولم ينجبوا أولادا وقيل أنهم تزوجوا مرة ومرتين وثلاث من أجل أن يرزقهم الله ولكن أمر الله قد نفذ وانقطعت من ذلك الزمان ديارهم ....... (ولم ينجبوا أولادا) . والقصة وما فيها أنهم تنكروا لوالدهم حيث توفيت أمهم وهم صغار وقام بتربيتهم حتى كبروا وكان لهم بمثابة الأم والأب يسهر الليالي على رعايتهم وراحتهم وفي النهار يذهب لجلب طعامهم............. الخ وعندما كبروا تنكروا له وأصبح لا يريده أحد منهم مراعاة لخاطر زوجاتهم اللاتي تعففن من خدمته وصار كل واحد منهم يطرده من بيته فما كان من الوالد إلا أن سكن إحدى (الخرابات) حتى صار لا يقوى على النهوض أو السير وضعف بصره فذهب زاحفا يتوسل ويرتجي أبناءة بأن يمكث عندهم حتى يقضي الله أمرة فلم يستجب له أحد منهم ...................... فقال فيهم الأبيات التالية :


	قال الذي يقرا بليا مكاتيب .............. ياللي تقرون العمى من عماكم ياعيالي اللي تشرفون المراقيب .............. تريضوا لي واقصروا في خطاكم خذوا كلام الصدق ما به تكاذيب .............. مثل السند مضمون للي وراكم ياعيال لا صرتوا ضيوف ومعازيب .............. ترى الكلام الزين ملحة قراكم وتروا السبابة من كبار العذاريب .............. وهرج البلايس ما يطول لحاكم المذهب الطيب فهو مذهب الطيب .............. والمذهب الخايب يبور نساكم ياعيال ما سرحتكم باللواهيب .............. ياعيال ما عمر المعزب ولاكم ياعيال ماضربتكم بالمشاعيب .............. ولا سمعوا الجيران لجة بكاكم ياما توليت القبايل تقل ذيب .............. من خوف لاينقص عليكم عشاكم وياما شربت السمن من عرض ماجيب .............. يفز قلبي يوم يبكي حداكم أحفيت رجليني بحامي اللواهيب .............. وخليت لحم الريم يخالط عشاكم ياعيال دوكم لحيتي كلها شيب .............. هذا زمان قعودنا في ذراكم قمت اتوكا فوق عوج المصاليب .............. قصرت خطانا يوم طالت خطاكم عطوني القرضة عليكم مطاليب .............. عطوني القرضة جزى من جزاكم لابد يوم عاوي دوني الذيب .............. بالقبر ما افرق طيبكم من رداكم ماني بفاضحكم بوسط الاجانيب .............. باعمالكم يدرون كل اقرباكم لوكان تدرون الردى والمعاييب .............. صرتوا مع المخلوق مثل خوياكم خوالكم بالطيب تروي المغاليب .............. ولو تتبعون الجد محدن شناكم وش علمكم يا تاركين المواجيب .............. حسبي عليكم هالردى وين جاكم قصيتكم واسندت وادي سلاحيب .............. ولقيت بالصبخا مدافيق ماكم ياعيال بعتوني (بصفر العراقيب)* .............. ما هي حقيقة سود الله قراكم يالله عسى اعماركم شمسها تغيب .............. يعتم قمركم ثم تظلم سماكم يا علكم في حاميات اللواهيب .............. ياللي على الوالد خبيث لغاكم شفت الجفا والحيف والغلب والريب .............. بضلوعكم لابيض الله قراكم عسى نساكم ما تحمل ولا تجيب .............. ولا حدن من البزران يمشي وراكم اخسوا خسيتوا يا كبار اللغابيب .............. اهبوا هبيتوا يقطع الله نماكم

وهذه القصه فيها عبره وعضه لمن له والدين او احدهما ولم يبرهم ولم يقوم على خدمتهم.
فأسأل الله ان يرزقنا برهم وخدمتهم .

اخوكم
ذياب اليامي

**معلومات** **العضو** · 24-01-2006, 07:04 AM

تسلم يمينك ولاهنت

**معلومات** **العضو** · 26-01-2006, 02:56 AM

يحيى الودعاني........

يعطيك العافيه علىالمرورالمشرف لموضوعي

ولاهنت يالغالي

**معلومات** **العضو** · 02-02-2006, 02:00 AM

بيض الله وجهك اخوي ذياب على القصة والقصيدة الشهيرتين

تقبل تحياتي،،

**معلومات** **العضو** · 02-02-2006, 11:35 AM

بيض الله وجهك اخوي ذياب على القصة والقصيدة الشهيرتين

تقبل تحياتي،،

**معلومات** **العضو** · 02-02-2006, 11:57 PM

اخي ذياب لاهنت على القصه الشهيره ,,,

وبيض الله وجهك يالقرم ,,,

تقبل تحياتي وتقديري ,,,

اخيك / راكان العجمي ,,,

**معلومات** **العضو** · 03-02-2006, 08:04 AM

هايف العماني....
لاهنت على مرورك المشرف على موضوعي
وتقبل اشواقي

دغش البطي.....

مشكور على المرور الرائع والله لايهينك

ولك فائق ودي

**معلومات** **العضو** · 03-02-2006, 08:06 AM

راكان.....

ارحب وشرفت موضوعي يالغالي

ولك مني فائق الأحترام

اخوك ذياب

**معلومات** **العضو** · 22-06-2007, 11:13 AM

قصيدة مؤثرة

وعسى الله يرزقنا البر باهلنا

**معلومات** **العضو** · 24-06-2007, 05:59 PM

تسلم يمينك ولاهنت

**معلومات** **العضو** · 28-06-2007, 04:55 AM

يالله عسى اعماركم شمسها تغيب =يعتم قمركم ثم تظلم سماكم
يا علكم في حاميات اللواهيب = ياللي على الوالد خبيث لغاكم

اميييييين

الله لا يجزاهم بخير.. باعوا ابوهم بصفر العراقيب .

اخوي / ذيب اليامي

لاهنت على النقل و الله يعطيك العافية

تحياتي

**معلومات** **العضو** · 12-07-2007, 03:12 AM

قصة مؤثرة جدا

وهي عبرة للي عنده والدين يبرهم

ويجعلهم يدعون له ولا يدعون عليه

**معلومات** **العضو** · 12-07-2007, 03:58 AM

اخي ذياب لاهنت على القصه الشهيره ,,,

وبيض الله وجهك يالقرم ,,,

تقبل تحياتي وتقديري ,,,

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية