محاورة بين شاعر يام علي بن بلال والشاعر تركي الميزاني المطيري

[معلومات العضو أبو السلاطين]

هذه المحاورة جرت في العام الماضي 2004 في شهر اكوتبر قبل شهر رمضان بين الشاعرين علي بن بلال الفطيحي الوعيلي ( ابو سلطان ) وبين الشاعر تركي الميزاني المطيري الملقب بـ ( تركي 2000 )




تركي:

سلام ردية على اللي قدرهم عندي كبيـر=أصحابنا اللي من مكارمها تعز أصحابهـا
والمعرفة من بيننا في الوقت الاول والاخير=واللحية اللي ماتنومس ما تعـز أشنابهـا

علي:

يا مرحبا عن يام في مقدم مطيري من مطير=والملعبة تعرفك يـا تركـي وأنـا بوابهـا
والعزوه اللي تطحن البارود في ظهر البعير=ما زَعلت رجـال يعطـي العافيـة طلابهـا

تركي:

دام البقا وأنا أدري إنك فيك شـر وفيـك خيـر=والخيـل مـن خيالهـا والنـار مـن شبابهـا
يا كثر ما يطري على الخاطر وفي وسط الضمير=والمشكله في الغيبه اللي ما نعـرف أسبابهـا

علي:

وأنتم كذلك ما عليكم زود من وقت خطير=ربعك مطير اللي تثني في المناخ اركابهـا
والوقت هذا تعرفه مثل الرحى اللي تستدير=مالك ومال عيال يام اللي طويل غيابهـا

تركي:

إركابنا من دونها البارود والسيف الشطير=إليا جلسنا للجمال اللـي تعـوج ارقابهـا
وأنت من أول يا علي من خبرة الدنيا خبير=واليوم عينك ما نشوف الا سواد اهدابهـا

علي:

يا طيبكم ما ذمكم ولكن وينه هو الاميـر=اللي ما يصبح في بلاد القوم لو أمسابها
يا تركي الـ2000 لنعود بليس لك خشير=بأعلمك بالحكمة اللي مـا تعلمنـا بهـا

تركي:

أثرك يا ابن بلال ما تذكر وتنسى اللي يصير=تبنى خيامك ما دريت ان البلا في أطنابهـا
قال المثل عيب البعير إليا رغا بعد الهديـر=في الديره اللي لا يموت بها ولا يحيا بهـا

علي:

بكره تبى تصحا وتدري بالكبير من الصغيـر=إن المعانـي دلـة صفـرا وأنـا شرابهـا
وبعض الاوادم ما يعرفون الجمال من الحمير=هذا بلاي اللي سواتي ما يحسـب إحسابهـا

تركي:

آخر زمانك ما تعرف إيش القليل من الكثير=والدلـة أم الهيـل يـا شرابهـا صبابهـا
أهل السفارة قفولها ما بقـا فيهـا سفيـر=قامت تحاوفها الذياب اللـي تحـد أنيابهـا

علي:

العام جاء واحد من البدوان فاقد له بعير=يقول حمران النواظر ضمتـه لركابهـا
إفهم قبل ما إترك في ليل عبوس قمطرير=تنظر الى بعض النجوم اللي طوال أذنابها

تركي:

الشك زايل والصقور الكل بجناحه يطيـر=والكلمة القشرا توقع في طرف من جابها
محد(ن) خبرك تجنب الجنه وتنصا زمهرير=وأنته تعرف النار ما تصير على مشهابها

علي:

أثرك يا تركي غشيم ولا يزعزعك النذير=ما تعلم إن شاعر معاصير الدول غنا بها

منقول

لكـــم مني التحية والتقدير
أخيـــــــــــــــــكم
أبــــــــــو السلاطيــــــــــن

 

 

 

 

[معلومات العضو الرفيدي]

ارررررررررررررحب يابو السلاطين
وانا اشهد انك سلطان بإختياااارك ونقلك الاكثر من رائع

لبن بلال الذي هو غني عن التعريف
وكذلك تركي المطيري لايقل عنه مستوا


لاهنت وابيض وجه

 

 

 

 

[معلومات العضو عبدالرحمن الشرافي]

ارررررررررررررحب

يابو السلاطين


والله لا يهينك على هذه المحاوره



اللي هي بين علمين من اعلام المحاوره..




ولاتحرمنا من جديدك يا ذيــــبـــان..



وتقبل تحياتي...

 

 

 

 

[معلومات العضو ابن وتيد السباعي]

ابو السلاطين


ارحب تراحيب المطر



دايم وعلومك جزله يالقرم


لاهنت على نقل وتنسيق المحاوره الجزله بين شعار جزلين


لاهنت يالقرم وعساك على القوه


لك خالص الود وفائق الاحترام


اخوك //ابن وتيد

 

 

 

 

[معلومات العضو أبو السلاطين]

الرفيــــــــدي
حياك الله يالغالي

مشكور والله لا يهينك على الرد
سعداء بتواجدك يالغالي

أخيــــــــــــــــــــــك
أبـــــو السلاطيـــــــن

 

 

 

 

[معلومات العضو أبو السلاطين]

أخـــــــــــــــــي
عبد الرحمن الشرافي

الله يبقيك يالغالي فقد زاد نور الموضوع بوجودك
ومشكور على ردك الرائع

تقبل مني كل الود والتقدير

 

 

 

 

[معلومات العضو أبو السلاطين]

مشرفنا العزيز
أبن وتيـــــــــد

الله يبقيك ويسلمك على الترحيب الغير مستغرب منك
فقد إزدان الموضوع بوجود اسمك
ومشكور على تعليقك الرائع


لك مني الأحترام والتقدير

 

 

 

 

[معلومات العضو عبدالرحمن النتيفات]

محاورة اكثر من رائعه واختيار موفق


ولا هنت يا ابو مقيت على الاختيار


وعلى التنسيق الجميل


لا تحرمنا من جديدك


تقبل خالص تحياتي

 

 

 

 

[معلومات العضو حزام الودعاني]

محاورة اكثر من رائعه واختيار موفق


ولا هنت يا ابو السلاطين على الاختيار


وعلى التنسيق الجميل


ننتظر المزيد..


اخوكــ..