موج البحر

[معلومات العضو مبارك العمور]

مع موج البحرجات القوافي تصطفق بالجال
تبي بوح القصيده من هموم القلب وحزانه




وتنطحها خيال الشاعر اللي يوم طاب الفال
كتب من راسه اللي لو يموت (الحب) ماهانه






وانا اللي لاسرى ليل الغرام ومالقى منزال
يجي في شيمة(ن) توفي من الديان ديانه





ترى مانيب من ناس(ن) تدور ويش قال وقال
ولي قلب(ن) يميز فزعة ربوعه وعدوانه





احب الصدق واحب الحقيقه واكره المحتال
ولاحب الرفيق اللي تهز الناس وجدانه






اعرف ان المحبه ماتحمل غلطة الجهال
ولو تبرى عيون(ن) من ثلاث اعوام ولهانه





يقولون العشق بلوى وراع الحب حاله حال
وقول اصل الهوى يجرح محبينه وخلانه




مادامك تعرف ان فراقنا تفرح به العذال
فلاتشره على اللي لا تشمت يطلق اللسانه





ولو راع الشماته يعتبر من زمرة الانذال
لزومن كلمته تلقى مكان(ن) عند صحبانه



مبارك العمور

 

 

 

 

[معلومات العضو شافي بن راشد النتيفات]

وتنطحها خيال الشاعر اللي يوم طاب الفال كتب من راسه اللي لو يموت (الحب) ماهانه وانا اللي لاسرى ليل الغرام ومالقى منزال يجي في شيمة(ن) توفي من الديان ديانه ارحب يامبارك وانت شاعر معروف من الشعراء اللي نفتخر بهم وبشعرهم الجزل صح الله لسانك ملايين على هذه الشامخة التي ماتستغرب عليك ويشهد الله اني سعيد بتواجدك معنا في منبر القبيلة الاول والاخير الله يحييك من حيث سرت الين جيت تحيااااااااااااااتي لشخصك الكريم

 

 

 

 

[معلومات العضو مبارك العمور]

الاخ العزيز شافي بن راشد

الله يبقيك ويسلمك يابوراشد


صح الله بدنك ويسعدني مشاركة اخواني هنا في منتدى القبيله والله يجملنا معكم ولك مني
اجزل التحايا واطيبها .

اخوك

مبارك مناحي العمور

 

 

 

 

[معلومات العضو ابورهف]

 

 

 

 

[معلومات العضو حمد ابن فهد]

الشاعر مبارك مناحي العمور
ارحب ثم ارحب بيض الله وجهك وصح الله لسانك قصيدة جزلة من واحدن جزل


تقبل مني جزيل الشكر

 

 

 

 

[معلومات العضو مبارك العمور]

ابو رهف

يسعدني حضورك وسلمت

 

 

 

 

[معلومات العضو مبارك العمور]

حمد بن فهد

البقا ثم البقا ووجهك مايشين طال عمرك يسعدني ويشرفني الحضور بين اخواني وتقديم مايليق بهم


اخوك مبارك مناحي العمور

 

 

 

 

[معلومات العضو محمد راشد النتيفات]

صح السانك اخوي مبارك على القصيدة الرائعة

 

 

 

 

[معلومات العضو مبارك بن شافي النتيفات]

ارحب يابومناحي وصح اللله لسانك على هذه الدرر

تقبل مروري المتواضع طال عمرك

 

 

 

 

[معلومات العضو مبارك العمور]

محمد بن راشد النتيفات


صح بدنك وسلمت بارك الله فيك وطال الله عمرك

 

 

 

 

[معلومات العضو مبارك العمور]

مبارك بن شافي النتيفات

الله يبقيك يابو شافي


صح بدنك ويسعدني حضورك وسلمت


اخوك مبارك

 

 

 

 

[معلومات العضو سالم بن صمهود]

صح لسانك ولاهنت