والاد زايد ليا جاء طاري اسماهـا

[معلومات العضو زيد بن راجح البقمي]

اهدى الى رجل اسدى لي معروفاً ولم اجد ما اكافيه به سوى هذه القصيده وهو

الشيخ / بادي بن ناصر الزمامي

المزنه اللي مـن أيـام اتحراهـا=ارزم رعدها عصير ولاح بارقهـا
وسمية ٍ تروى الضميان من ماهـا=يضحك لها وجه مغربها ومشرقها
أسوق عطر الثناء علـى محياهـا=وارفع لراع اوفاء الثابت بيارقهـا
سلام ياراعي الجزلـه ومنصاهـا=متعب هل الطيب مع دربه ومرهقها
تمد له كل خصلة طيـب يمناهـا=خصائل الطيب عاشقته وعاشقهـا
شيخ ليـا كبـرت القالـه تبناهـا=يحـل معقودهـا ويفـك ضايقهـا
الكايده ما يجيها الآ مـن أقصاهـا=والمستحيلـه بوقفاتـه يحققهـا
يمناه وسميـة ٍ تمطـر رفاياهـا=هتانة ٍ سيلها الجـارح يسابقهـا
وقفات بادي سمعناهـا وشفناهـا=كم من رقاب ٍ بمعروفـه مطوقهـا
قصايد المدح فيه يليـق معناهـا=وقوافل الشكر تعلن لـه حقايقهـا
قل للدواسر من أقصاها الى اقصاها=تخلد اسم الزمامي فـي وثايقهـا
والاد زايد ليا جاء طاري اسماهـا=قوم ٍ لكسب الجميـل الله موفقهـا
البدو ترعى مزارعهـم رعاياهـا=يجي لهم كل راعـي ذود سايقهـا
ربع السنه عندهم ماها ومرعاهـا=فعل الدواسر عن العربان فارقهـا
ومن شك ينشد عن علومي ويلقاها=والآ يزور الدواسر فـي مناطقهـا

 

 

 

 

[معلومات العضو فهد المقابله]

صح لسانك يابوراجح

ويستاهل ابو ناصر ماقيل فيه

تحياتي وتقديري

 

 

 

 

[معلومات العضو مبارك بن شافي النتيفات]

صح لسانك واعتلى شانك يابن راجح

ويستاهل الشيخ / بادي بن ناصر الزمامي ماقيل فيه

تقبل مروري

 

 

 

 

[معلومات العضو شافي بن راشد النتيفات]

صح لسانك واعتلى شانك يابن راجح

ويستاهل الشيخ / بادي بن ناصر الزمامي ماقيل فيه

 

 

 

 

[معلومات العضو راشد المسعري]

قل للدواسر من أقصاها الى اقصاها
تخلد اسم الزمامي فـي وثايقهـا
والاد زايد ليا جاء طاري اسماهـا
قوم ٍ لكسب الجميـل الله موفقهـا
البدو ترعى مزارعهـم رعاياهـا
يجي لهم كل راعـي ذود سايقهـا
ربع السنه عندهم ماها ومرعاهـا
فعل الدواسر عن العربان فارقهـا
ومن شك ينشد عن علومي ويلقاها
والآ يزور الدواسر فـي مناطقهـا

ارحب يازيد تراحيب المطر

صح لسانك وسلم فكرك

ويستاهل ابو ناصر ماقيل فيه

ومن قدم الطيب يلقاه

والله يحييك مرة اخرى في منتدى الدواسر الرسمي

وننتظر مشاركاتك الجزله يالجزل

تقبل ودي وتقديري ،،،،

 

 

 

 

[معلومات العضو زيد بن راجح البقمي]

المشاركة الأصلية كتبت بواسطة فهد المقابله

صح لسانك يابوراجح

ويستاهل ابو ناصر ماقيل فيه

تحياتي وتقديري

القدير/فهد المقابله

صح بدنك وابوناصر يستاهل كل علم غانم وذلك قبيلته

تقبل أصدق الود

 

 

 

 

[معلومات العضو بن ملطوم]

صح لسانك يا بو راجح والشيخ بادي يستاهل وانت من يقدر الرجال. خصوصا وانا احد ابناقبيله الدواسر واعرفك معرفه جيده بل عشنا مع بعض زمن طويل نعم الخوه ونعم القبيله ونعم الاصل يا زيد

 

 

 

 

[معلومات العضو فهد الغريري]

الشاعر العزيز صاحب اعذب القوافي وامتع الاشعار ابو راجح صح الله السانك وعتلا شان وزادك الله من زوايد فضله رائعه يابوراجح جعل عمرك طويل على طاعته تعجز الكلمات امامك يابوراجح ابيض وجه في قصيدك ومعليكم زود يالبقوم وافين جعلكم المعزه ويستاهل ابوناصر وتقبل تقديري واحترامي جارك / فهد بن هادي الغريري,,,