آهـــدآء للــرائــد/ عــلــي بــن مــعـيـوف الــدوســــري

[معلومات العضو فيصل النياف]

السلام عليكم ورحمة الله وبركاته
هذي ابيات بسيطه للرائد/علي بن معيوف الدوسري
مع الشكر والتقدير له.ويستاهل ابو مشعل اكثر من ذالك
اتمنى ان تنال على جزء بسيط من رضاه ومن استحسانكم...

عـن اذنكـم ياموصلـيـن المراسـيـل=هاكـم وحطـوهـا بمكـتـب دوامــه
شبيـت مـن شعـري لمدحـه قناديـل=واهديتهـا للـي رفـيـع(ن) مقـامـه
رجل(ن) له بصـدري حفـاوه وتبجيـل=ولاظـن فـي مدحـه علينـا مـلامـه
علـي ابـن معيـوف سيـد الحلاحيـل=اللـي مكانـه فــوق راس العـدامـه
ويشيـل مـن طيبـه لحـون ومواويـل=اليـن شـال لحـون مجـد وشهـامـه
الصعب عنـده مثـل شـرب الفناجيـل=والطيـب يمطـر مثـل وبـل الغمامـه
من روس قوم(ن)كـل ابوهـم مشاكيـل=صغيرهـم فـعـل الشكـالـه حـزامـه
قوم(ن) بيارقهم علـى الجيـش والخيـل=يـوم الملاقـى والـوغـى والعسـامـه
دوآآسـر(ن) تاريخهـم رجـح الكـيـل=بفعولـهـم متريـسـيـن الـزعـامـه
آلآد زايــد للمـرآجـيـل مـدآهـيـل=خطـلآن الأيـدي محتميـن الجهـامـه
قوم(ن) لو اكتب شعـر وأحـط وأشيـل=الشعـر مايـاصـل لغـايـة مـرامـه
وقولو لأبو مشعـل ومـن دون تأجيـل=[ المحتـرم يفـرض عليـك احترآمـه ]
يفزع لمـن عنـده ضـروف وبهاذيـل=وغيره دفـن رآسـه سـوات النعامـه
(.وللمجد هامه في عيـون الرياجيـل.)=(.وانا اشهد انه غير عن كل هامه.)..!!!
وقولـو تـرى لاحتاجنـي بالمقابـيـل=لا اصيـر لـه وآفـي ليـوم القيـامـه
واليا نقلت..وكـل مابـان لـي سهيـل=ابذكـره بالخـيـر وامــع السـلآمـه

.
.
.
.
اخوكم.
الشاعر/فيصل نياف الديحاني المطيري

 

 

 

 

[معلومات العضو عبدالله الدوسري]

صح لسانك يا فيصل


و النعم في حمران النواظر مطير




و يستاهل ابن معيوف





دمت بود،،،

 

 

 

 

[معلومات العضو شافي بن راشد النتيفات]

صح الله السانك واعتلى شانك قصيده جزله من شاعر جزل

 

 

 

 

[معلومات العضو مبارك بن شافي النتيفات]

صح لسانك يافيصل على هذه الرااااااااااائعة

شاعر جزل ويستاهل ابومعيوف المدح

تحياااااااااااااااااااااتي

 

 

 

 

[معلومات العضو طويل الذراع]

صح الله السانك يالمطيري

ويستاهل الممدووح ماقيل فيه

 

 

 

 

[معلومات العضو اسد الوادي]

لاهنت يا اخييي الشاعر
فيصل النياف
كلمات روعه وصح السانك
ويستاهل ابو مشعل
وسلمت الأيادي على القصيده الجزله
وفي انتظار ابداعكم



يا حلو الايام لو ترجع على كيفـــــــي
ما كان قلبي شـكى فـرقا مواليفـــــــه
كانـوا بقـربي ولا يحتـاج تكليفـــــــــي
واليوم راحوا ودمعي صعب توقيفـــه

&&&
اخواني واخواتي الشعراء والشاعرات مشاركتكم
في هذا القسم
بالقصائد والخواطر تضفي عليه النور



مع تحيات
Greetings
اسد الوادي ومحب الريان القطري
Lion of the Valley and loving Rayyan of Qatar
مشعل دعثان الودعاني الدوسري
Mishal dathan al wdani al dosari

 

 

 

 

[معلومات العضو فيصل النياف]

المشاركة الأصلية كتبت بواسطة عبدالله الدوسري

صح لسانك يا فيصل


و النعم في حمران النواظر مطير




و يستاهل ابن معيوف





دمت بود،،،

صح بدنك اخوي عبدالله

وتستاهل الطيب طال عمرك

وماعليكـ زود

 

 

 

 

[معلومات العضو خالد المشاويه]

يستاهل الممدوح وصح الله لسانك يافيصل ونعم بك وبلابتك حمران النواظر

جزيل الشكر والتقدير