ياكبر غيبتك كبراه يابدر الذرا (بدر بن نايف)

[معلومات العضو عامر النتيفات]

بدر بن نايف ينفقد لا غاب وغيابه عن المنتدى سته شهور كبيره وكبيره جدا

وهو لم يغب الا مما اصابه والم به فحقه علينا جميعا كبير والنشده عنه وعن ظروفه

واجب علينا جميعا
وانا هنا اعترف وعتذر له عن قصوري على رغم انني لي مده عن المنتدى
وعدت ودخلت ولم استغرب شي يشد انتباهي

وعندما دخلت البارحه الموقع تفاجأت بالخبر الصاعقه ست شهور وبدر مريض وبلندن في اكبر مستشفياتها للعلاج
يعلم الله ان الخبر وقعه كبير واغلقت الجهاز الساعه الثانيه بعد منتصف الليل وتأكدت من الخبر عن طريق احد اقرباءه

وتضايقت وعبرت في عجاله بهذه الابيات التي لاتكفي بن نايف ولاتوفيه حقه وتقديره

يابدر غيبتك طالت عسى ماجاك زال = ياكبر غيبتك كبراه يابدر الذرا
اشهد انك تنفقد واشهد انك راس مال=في المواقف حاضر طيب مثلك يذكرا
ياحفيد الطيب والعز ورجال جبال= ياوريث الشعر ماجاك جعله للبرا
بعد ما وصل الخبرولع الجوف شتعال=ضاق صدري واغزر الدمع من عيني جرا
دمع تقدر ومحبه ولو نخفيه سال=من يلوم العين عزالله انه مادرا
عن بدر بدر المروه ومحمود الخصال=في المواقف دايم قدم مايرجع ورا
ابن بن شين الحلايا وزيزوم الجزال = دون ربعه واقف في المنابر يجهرا
ماذخر من دونهم شعر اوحال وحلال=ويتنومس كل ما قدم الشعر وقرا
عون للصاحب الى صك به جال بجال=وضاقت الدنيا بوجهه وهمه ماسرا
ياجده قدمه يرحب عدد وبل الخيال =طلق(ن)حجاجه بشوش ماصد ولا نبرا
له مكانه عاليه عند تجار الجزال= في النظم باعه طويل وفي القلطه كرا
اللهم اشفه ورده لداره والعيال= وال رجال ما جارله معه فيه اخشرا
اخشراله بالهم منشغل مهوب سال= لين يرجع بالسلامه وتسلا الخطرا
اطلبو ربي معي ورفعوالكفين عال =للولي ودعوه يشفيه من مابه ترا
الدعا هو مطلبه والدعا سهل المنال= والولي ماخاب من يطلبه ويكررا
ربي انك تستجيب ال دعانا والسؤال= يوم جمعه والدعامستجاب للبرا
قلت ما قلته ولو زدت في قافي وطال= مايوفي بدر حقه وما اخفيه اكثرا
والله لو باليد حيله مانذخرها لغال= لكن الله جل شانه رحيم يقدرا
مالنا الاالصبر لوطال ولا الابتهال= غير هذا ما لنا قدرة (ن)بمقدرا
هكذا الدنياتقلب ومن حال لحال =لانوت باحد تفاجيه ماهي تنذرا
كم وكم من طيب فاجأك علمه وزال =وكم سقيم طاب فيها وعاش معمرا
ياربح منهو تزود وقدم له عمال = تنفعه في يوم قدمه نكير ومنكرا
وقبلو بيتين بصدور رحبه وعتدال =قبل ما اختم قافنا يوم هجسي عبرا
يارجال المنتدى غيبه الطيب اشكال =ينفقد لا غاب يومين وشلون اشهرا
سته اشهر غايب ما احد(ن)نبه وقال= وين بن نايف وذكره على باله طرا
وكان قافي عن دروب السنع يالربع مال= في بيوتي التاليه فالكسر مايجبرا
عيدنا لا عاد بن نايف ال داره وزال = المرض ونجيه بالراس ونشوف ونرا

 

 

 

 

[معلومات العضو عبدالله الحافر الغييثي]

صح لسانك واعتلى شانك وافي جعل عمرك طويل والله يرد اخونا ابونايف بالسلامه معافا باذن الله بيض الله وجهك ويستاهل اخونا ابونايف ماقيل فيه من شعر

 

 

 

 

[معلومات العضو ناصر بن فهد]

الله الله صح لسانك يا عامر
والله يشفي ابن عمنا ابو نايف بالسلامه

 

 

 

 

[معلومات العضو شافي بن راشد النتيفات]

اطلبو ربي معـي ورفعوالكفيـن عـال = للولي ودعوه يشفيـه مـن مابـه تـرا

نسأل الله ان يشفيه وان يرده بالسلامة
وبيض الله وجهك ياعامر على وفاك اللي مايستغرب عليك
وصح لسانك ملايين من ناحية الشعر مافيك حيلة
وبيض الله وجهك مرة اخرى اما من ناحية الانقطاع عن المنتدى
ترى ما نعذرك مرة اخرى بالانقطاع

 

 

 

 

[معلومات العضو عايض بن فهاد]

صح لسانك يا عامر
والله يشفي ابن عمنا ابو نايف بالسلامه

 

 

 

 

[معلومات العضو عامر النتيفات]

الأخ خميس الغييثي

ماعيك زود وهذا اقل مانقدمه لابو نايف شافاه الل

وارجعه بالسلامه

 

 

 

 

[معلومات العضو عامر النتيفات]

الأخ خميس الغييثي

ماعليك زود وهذا اقل مانقدمه لابو نايف شافاه الل

وارجعه بالسلامه

 

 

 

 

[معلومات العضو عامر النتيفات]

الأخ / ناصر الفصام

صح الله بدنك

شاكر ومقدر مرورك

 

 

 

 

[معلومات العضو عامر النتيفات]

مشرفنا القدير
والشاعر المبدع
اسعدنا مرورك وتواجدك
ولا سوينا شي وبدر لمن عرفه فقيده وحقه اكبر مماقلت

زالتواجد مثلك عارف بالوضع والظروف والتواجد هنا شرف للجميع

 

 

 

 

[معلومات العضو عامر النتيفات]

الأخ / عايض بن فهاد

صح الله بدنك

اسعدنا مرورك وتواجدك

 

 

 

 

[معلومات العضو محمد بن سالم الخضراني]

اخوي الشاعر عامر النتيفات

صح لسانك وبيض الله وجهك على هذه القصيده الجزله

وان شالله يرجع اخونا الشاعر بدر بن نايف سالما معافا

تقبل تقديري واحترامي

 

 

 

 

[معلومات العضو راشد المسعري]

وقـبـلـو بيـتـيـن بـصــدور رحــبــه وعــتــدال
قـبـل مــا اخـتـم قافـنـا يــوم هجـسـي عـبـرا
يـارجـال المنـتـدى غيـبـه الـطـيـب اشـكــال
ينفـقـد لا غــاب يـومـيـن وشـلــون اشـهــرا
ستـه اشهـر غايـب مـا احد(ن)نبـه وقــال
ويــن بــن نـايـف وذكــره عـلـى بـالــه طـــرا


ارحب يابو عبدالرحمن

صح لسانك وبيض الله وجهك ولاهوب غريب عليك العلم الغانم وانت من اهله

والبيتين اعلاه مقبولها وبصدر أرحب من الرحب طال عمرك

والمنتدى هذا طول الله عمرك مثل البيت الواحد ونتفقد اخبارنا من خلاله وخارجه ايضا

وكلنا حريصين على معرفة وتفقد احوال بعضنا ولله الحمد.

واخونا بدر بن نايف نسأل الله العلي العظيم ان يشفيه ويجعل ما اصابه تطهيراً له

واخواني الطاقم الإداري يعلمون انه قبل حوالي ثلاثة اشهر طالة غيبة اخونا بدر بن نايف

وقمتت بطرح استفسار لزملائي الطاقم من اهل الكويت عن بدر بن نايف وماهي اخباره وبعد يومين تقريبا من طرح السؤال اخبرنا اخوانا الشيخ الفاضل ابو راجس المشاوية بأنه اتصل به وأنه كان مريض وكان بالمستشفى وان بدر يستغرب كيف لم يسأل احد عنه!!!

وبعدها بأيام قمت بالاتصال به وانا في طريق لدولة الكويت الشقيقة مرتين ولم يرد هاتفه.

اخوي عامر بحكم انك استفسرت في البيتين واستغربت كيف غياب ابو نايف ستة اشهر ولم احد يسأل عنه لذلك كتبت لك هذا الكلام.

ورغم انشغال الإدارة بتغطيات مناسبات القبيلة واحتفالاتها المختلفة على مدى الأشهر الماضية إلا أن ذلك لا يعفي من دوام السؤال على ابناء العمومة وكذلك لو وصلنا رسالة من ابو نايف أو احد أقربائه لقمنا بالواجب في حينه واللي مافيه خير لربعه وبني عمه مافيه خير.

آسف على الإطالة ، وليس في أيدينا في الوقت الحالي سوى ان ندعوا له أن يشفيه الله

اسأل الله الكريم رب العرش العظيم ان يشفيه

اسأل الله الكريم رب العرش العظيم ان يشفيه

اسأل الله الكريم رب العرش العظيم ان يشفيه

اسأل الله الكريم رب العرش العظيم ان يشفيه

اسأل الله الكريم رب العرش العظيم ان يشفيه

اسأل الله الكريم رب العرش العظيم ان يشفيه

اسأل الله الكريم رب العرش العظيم ان يشفيه

ولاهنت يابو عبدالرحمن رغم غيابك الاضطراري وانشغالك إلا أنك وافي وفي قلب الحدث دائماً ، تقبل ودي وتقديري ،،،

 

 

 

 

[معلومات العضو عامر النتيفات]

الاخ القدير
محمد سالم الخضراني

مرورك اسعدني ولاهنت حفظك الله

لك كل الشكر والتقدير

 

 

 

 

[معلومات العضو عامر النتيفات]

الأخ القدير الغالي راشد المسعري

هذا والله الظن فيك وشرواك ولا عليكم زود

وشرهاتنا وعتبنا على بعضنا من غلا وطيب وكلنا بني عم ورفاقه

في السراء والضرا

ومتابعه حالة بدر الصحيه مطلوبه ممن يعرف عنه شي وتكتب اول بااول

للاطمئنان على ابونايف

نسأل الله ان يشفيه ويرده سالم ان على ذلك قدير

 

 

 

 

[معلومات العضو محمد سعد السباعي]

الله يشفيه وشفي مرضى المسلمين

ويرده سالم غانم