قصة مصوره عنوانها امحق فزعه هههههههههههه

**معلومات** **العضو** · 13-12-2009, 06:23 AM

كان ياما كان في قديم الزمان
يعني يوم الخميس 29\11\1429
فيه واحد جاي من وادي الدواسر
وده يتفرج على السيول في صبخة القصب
اللي تجيك قبل القصب على اليسار وانت جاي من الرياض
المهم الرجال وقف سيارته على جال البحيره ونزل يتمشى

]

مادري الا الماء وصل سيارته
حاول يطلع لكن الجيب يقول اتحداك تطلعني
كفراته صارت تدور في الطين

المهم ترك سيارته تسرح وتمرح في الطين ويوم جاك الصبح ...ويفزع له راعي حراثه
وحاولت الحراثه سحب الجيب لكن هذه النتيجه

ومن جهة أخرى

تلاحظون الزمزميه ؟؟
شكلهم وسعوا خطرهم عند الحراثه

مسيكينه هالحراثه
راحت فيها

هالحين الحراثه تقول

طلعوووووني وش لقفني اجي فيذا

المهم أشروا لراعي سكس على الخط وجا يبي يسحب الحراثه
وكانت هذي النتيجه

وهذي صورة ولاحظ قرب خط الزفلت
وعرفوا ان الموضوع يبي يطول والدليل ترمس المويه!!

قالو مابدهاش لازم نجيب دركتل
لكن شوفو وش صار

من شفت الطاسه اللي حاطها ورى وانا غاسل يدي

قامت الحراثه تضحك
قالت (قيت لك ياعبدالمعين عوزك تعيني لئيتك ياعبد المعين عاوز تتعان) <-- طبعاً باللهجة المصرية لانها عايشة بين صعايده

المهم قالو الحل الأخير هو الاتصال بالدفاع المدني وقامو وزينوا الشاهي بعد ما خلص الشاهي اللي في الزمزميه
وقعدو يتقهوون بالبريق اللي قدامكم
وفعلا جا الوايت علشان يسحب هاللي غاطسين

وشوفوا وش صار

وتركو الجيب والحراثه والسكس والدركتل
وحاولوا يطلعون الوايت

شكل السواق توهق وانواع الجزاءات بتطبق عليه

وحاولوا كثيراً بدون فايده

يوم انهم عجزو قالوا ما يفل الحديد الا الحديد

جيبوا ابو جنزير

ويجيك يتمخطر ويضحك على هاللي غاطسين

لكن جاه ماجا ربعه

تعلق اخينا في الله وقال هذا مكاني

وجابوا عمال البلدية يحفرون له وحطو له خشب يبونه يطلع لكن ما فاد

وبعد ما استفادو من الدرس اللي تكرر عليهم في الجيب والحراثه والسقس والدركتل والوايت وابوجنزير
قررو يسحبونها من بعيد

ربطوا عدة وايرات في بعض وطلعو ابو جنزير ويقواون ان الدركتل اللي سحبه على الزفلت
هههههههه الصبخة ما يلعب معها على الزفلت وعساك تسلم

ثم سحبو الدركتل

والحمدلله على السلامه

هذي صورة للموقع من بعيد

يستفاد من الموضوع
1- لاتهايط اذا شفت السيل
2- حاول تستفيد من اللي توهقوا قبلك
3- مهوب كل من اتصل بالدفاع المدني يبي يطلع

**معلومات** **العضو** · 13-12-2009, 06:34 AM

ههههههههههههههههههههههههههههههه
اي والله امحق فزعه والله الي محلي الصور
تعليقك الجميل بس كله كوم وراعي الطاسه كوم ثاني
تحياتي وتقديري لشخصكم الكريم

**معلومات** **العضو** · 13-12-2009, 07:54 AM

هههههههههههههه

انشهد انهم توهقوا

لأهنت على الطرح اخوي علي

**معلومات** **العضو** · 07-01-2010, 11:28 AM

ههههههههههههههه لاهنت يبو بنيه والله لايعيدها من فزعه

**معلومات** **العضو** · 07-01-2010, 11:38 PM

ههههههههههه امحق فزعة صدق والله يعطيك العافية على الصور

**معلومات** **العضو** · 08-01-2010, 03:28 AM

يعطيك العافيه تحياتي لك

**معلومات** **العضو** · 08-01-2010, 07:06 AM

لاهنت لاعلى المشاركة الطيبة

**معلومات** **العضو** · 08-01-2010, 07:10 AM

كل الشكر لك ع المشاركه الممتعه ..,

**معلومات** **العضو** · 08-01-2010, 07:27 PM

حلو عليك بس (الدفاع المندي ) ظحكني هههههههههه

**معلومات** **العضو** · 08-01-2010, 08:21 PM

ههههههههه صدق لازم نركز بــ 3- مهوب كل من اتصل بالدفاع المدني يبي يطلع

يعطيك العااااافيهـ ..

**معلومات** **العضو** · 08-01-2010, 11:08 PM

الحمدلله على السلامه يابوبنيه تبي تبعد التهمه منك وانت راعي الشيول ههههههههه
لاهنت على كل حال وكل طقه بتعليمه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية